Tók James Blunt tæplega fimm mánuði að skjóta fullkomlega á John Mayer

Söngvarinn John Mayer setti inn tíst í október sem verður að teljast heldur djúpt. Í íslenskri þýðingu myndi það vera svona:

„Ef þú ert sæt, þá ert þú bara sæt. Eina leiðin til að vera talin falleg er að gefa frá sér einhverja ást. Annars myndi fólk bara segja við þig: „til hamingju með þetta fallega andlit.“

If you’re pretty, you’re pretty; but the only way to be beautiful is to be loving. Otherwise, it’s just “congratulations about your face.”

— John Mayer (@JohnMayer) October 19, 2017

Tónlistarmaðurinn James Blunt er gríðarlega orðheppinn á Twitter og er hann talinn einn af þeim allra bestu, þegar fína og fræga fólkið er annars vegar.

Hann tók sinn tíma í að svara Mayer en svarið kom í gær. Tístið frá Blunt var mjög einfalt og hljómaði svona: „Ég er búinn að fjalla um þetta“.

Mate, I’ve covered this already. https://t.co/cBj602iUpf

— James Blunt (@JamesBlunt) March 12, 2018

Þar vísar Blunt í hans allra vinsælasta lag. Lagið You're beautiful sem hann gaf út árið 2004 og var á plötunni  Back to Bedlam.