Bjarni segir verð fyrir hlut í Arion banka fela í sér viðunandi ávöxtun Þorbjörn Þórðarson skrifar 15. febrúar 2018 19:15 Bjarni Benediktsson fjármála- og efnahagsráðherra segir að 23,4 milljarðar króna fyrir 13 prósenta hlut ríkisins í Arion banka sé viðunandi ávöxtun á því fé sem ríkið setti inn í bankann við fjármögnun hans árið 2009. Kaupskil, dótturfélag Kaupþings, hefur virkjað kauprétt á hlutnum og fundaði ráðherranefnd um efnahagsmál um málið síðdegis í dag. Bankasýslu ríkisins, sem heldur á 13 prósenta hlut ríkisins í Arion banka, barst erindið í gær en það felur í sér að Kaupskil greiða 23,4 milljarða fyrir hlut ríkisins. Kveðið er á um kaupréttinn í hluthafasamkomulagi um fjármögnun Arion banka frá 3. september 2009. Gangi viðskiptin eftir mun Arion banki í kjölfarið kaupa 9,5 prósent af eigin bréfum af Kaupskilum. Höskuldur Ólafsson bankastjóri Arion banka segir að þau bréf sem Arion banki muni kaupa séu í reynd þau sömu og Kaupskil áætlar að kaupa af ríkissjóði samkvæmt kauprétti. Verðið í viðskiptunum verði það sama eða 90,087 krónur á hlut. „Þeir eru að bjóða bankanum að kaupa bréf sem þeir eiga ekki en eru að eignast. Þetta er allt hluti af endurskipulagningu á eignarhaldi sem var óeðlilegt og staðið hefur til að endurskipuleggja í langan tíma,“ segir Höskuldur. Niðurstaða mun liggja fyrir á næstu dögum Ráðherranefnd um efnahagsmál og endurskipulagningu fjármálakerfisins fundaði vegna málsins í dag en í nefndinni sitja Katrín Jakobsdóttir forsætisráðherra, Bjarni Benediktsson fjármála- og efnahagsráðherra og Lilja Alfreðsdóttir menntamálaráðherra. „Bankasýslan mun senda mér tillögu um hvernig skuli bregðast við. Ég á svo sem ekki von á því að það séu mörg útafstandandi álitamál. Ekki miðað við það sem fram kom á fundi okkar í dag. En það er fyrst í framhaldi af því að ég hef fengið tillöguna sem formlega er hægt að segja að við tökum afstöðu til þessarar kröfu um að beita kaupréttinum,“ segir Bjarni Benediktsson. Hann segir verðið viðunandi enda lagði ríkissjóður rétt tæpa 10 milljarða króna inn í Arion banka við fjármögnun bankans á sínum tíma. „Það eru auðvitað margar leiðir til að horfa á það en ef við skoðum bara hvaða ávöxtun ríkið er að hafa, miðað við þetta kaupréttarverð, á eiginfjárframlag sitt frá 2009 þá tel ég að ríkið geti mjög vel við unað að fá 23,4 milljarða króna fyrir framlag sem á sínum tíma náði ekki tíu milljörðum króna. Það er töluvert góð ávöxtun en það verða fleiri sjónarhorn að koma inn í myndina þegar metið er hvort verðið sé gott,“ segir Bjarni. Hann segir að málið sé ekki flókið formlega séð og því gæti niðurstaða um hvort hluturinn verði seldur til Kaupskila legið fyrir innan nokkurra daga. Mest lesið Hinn almenni borgari þurfi ekki að dæla í sig steinefnum Neytendur Brimborg lækkar verð á rafbílnum Volvo EX30 Samstarf Blár Opal seldist á fimmtán þúsund Neytendur Nýr Peugeot E-3008 rafbíll frumsýndur í Brimborg Samstarf Festi fær að kaupa Lyfju Neytendur „Sársaukafullt að sjá“ IKEA vasa dýrari í Góða hirðinum Neytendur Bjór, bingó og bíó í Vinabæ á ný Viðskipti innlent Húsnæði B5 auglýst til leigu enn og aftur Viðskipti innlent Minnir á flotta tannlæknastofu Samstarf Ekki lengur hægt að sjá hvað aðrir „læka“ Viðskipti erlent Fleiri fréttir Húsnæði B5 auglýst til leigu enn og aftur Selja höfuðstöðvarnar sem voru rýmdar vegna myglu „Betur borgandi ferðamenn“ enginn bjargvættur ferðaþjónustunnar Vetrarþjónustan þungur baggi á borginni Gerður Björt nýr framkvæmdastjóri rekstrarþjónustu Wise Kristján Andrésson gengur til liðs við Arion banka Running Tide segir upp öllu starfsfólki á Íslandi Stefnt á að virkjun Hvalár geti hafist eftir tvö ár Bjór, bingó og bíó í Vinabæ á ný Frederiksen víkur fyrir Bird Áhöfnum tveggja skipa Þorbjarnar sagt upp Sigurður Tómasson til liðs við Origo Hrefna og Unnur til Novum Easyjet flýgur frá Akureyri til Manchester í vetur 500 manns sóttu um störf hjá OCHE Reykjavík Fyrsta íslenska grænkera ostagerðin í hættu Skuldar þrotabúi föður síns fleiri milljarða Fleiri farþegar og betri nýting Gengu frá 135 milljarða samningi um endurfjármögnun skulda Fjárfesta fyrir þrjá milljarða í Reykjanesbæ og Hafnarfirði Ein og hálf milljón farþega á fyrstu fimm mánuðum ársins Ingibjörg Ösp yfir nýrri rekstrarráðgjöf Expectus Þrír nýir stjórnendur hjá Festi „Að fara í slag við þessa risa er nánast ómögulegt“ Fjórir sérfræðingar til liðs við Helix Vilhjálmur Hilmarsson nýr hagfræðingur Visku Heimtu hlutinn úr helju og verða stærstu einkafjárfestarnir Varar við þenslu á byggingamarkaði Ráðinn tækni- og þróunarstjóri Defend Iceland Bein útsending: Ásgeir og Arnór sitja fyrir svörum Sjá meira
Bjarni Benediktsson fjármála- og efnahagsráðherra segir að 23,4 milljarðar króna fyrir 13 prósenta hlut ríkisins í Arion banka sé viðunandi ávöxtun á því fé sem ríkið setti inn í bankann við fjármögnun hans árið 2009. Kaupskil, dótturfélag Kaupþings, hefur virkjað kauprétt á hlutnum og fundaði ráðherranefnd um efnahagsmál um málið síðdegis í dag. Bankasýslu ríkisins, sem heldur á 13 prósenta hlut ríkisins í Arion banka, barst erindið í gær en það felur í sér að Kaupskil greiða 23,4 milljarða fyrir hlut ríkisins. Kveðið er á um kaupréttinn í hluthafasamkomulagi um fjármögnun Arion banka frá 3. september 2009. Gangi viðskiptin eftir mun Arion banki í kjölfarið kaupa 9,5 prósent af eigin bréfum af Kaupskilum. Höskuldur Ólafsson bankastjóri Arion banka segir að þau bréf sem Arion banki muni kaupa séu í reynd þau sömu og Kaupskil áætlar að kaupa af ríkissjóði samkvæmt kauprétti. Verðið í viðskiptunum verði það sama eða 90,087 krónur á hlut. „Þeir eru að bjóða bankanum að kaupa bréf sem þeir eiga ekki en eru að eignast. Þetta er allt hluti af endurskipulagningu á eignarhaldi sem var óeðlilegt og staðið hefur til að endurskipuleggja í langan tíma,“ segir Höskuldur. Niðurstaða mun liggja fyrir á næstu dögum Ráðherranefnd um efnahagsmál og endurskipulagningu fjármálakerfisins fundaði vegna málsins í dag en í nefndinni sitja Katrín Jakobsdóttir forsætisráðherra, Bjarni Benediktsson fjármála- og efnahagsráðherra og Lilja Alfreðsdóttir menntamálaráðherra. „Bankasýslan mun senda mér tillögu um hvernig skuli bregðast við. Ég á svo sem ekki von á því að það séu mörg útafstandandi álitamál. Ekki miðað við það sem fram kom á fundi okkar í dag. En það er fyrst í framhaldi af því að ég hef fengið tillöguna sem formlega er hægt að segja að við tökum afstöðu til þessarar kröfu um að beita kaupréttinum,“ segir Bjarni Benediktsson. Hann segir verðið viðunandi enda lagði ríkissjóður rétt tæpa 10 milljarða króna inn í Arion banka við fjármögnun bankans á sínum tíma. „Það eru auðvitað margar leiðir til að horfa á það en ef við skoðum bara hvaða ávöxtun ríkið er að hafa, miðað við þetta kaupréttarverð, á eiginfjárframlag sitt frá 2009 þá tel ég að ríkið geti mjög vel við unað að fá 23,4 milljarða króna fyrir framlag sem á sínum tíma náði ekki tíu milljörðum króna. Það er töluvert góð ávöxtun en það verða fleiri sjónarhorn að koma inn í myndina þegar metið er hvort verðið sé gott,“ segir Bjarni. Hann segir að málið sé ekki flókið formlega séð og því gæti niðurstaða um hvort hluturinn verði seldur til Kaupskila legið fyrir innan nokkurra daga.
Mest lesið Hinn almenni borgari þurfi ekki að dæla í sig steinefnum Neytendur Brimborg lækkar verð á rafbílnum Volvo EX30 Samstarf Blár Opal seldist á fimmtán þúsund Neytendur Nýr Peugeot E-3008 rafbíll frumsýndur í Brimborg Samstarf Festi fær að kaupa Lyfju Neytendur „Sársaukafullt að sjá“ IKEA vasa dýrari í Góða hirðinum Neytendur Bjór, bingó og bíó í Vinabæ á ný Viðskipti innlent Húsnæði B5 auglýst til leigu enn og aftur Viðskipti innlent Minnir á flotta tannlæknastofu Samstarf Ekki lengur hægt að sjá hvað aðrir „læka“ Viðskipti erlent Fleiri fréttir Húsnæði B5 auglýst til leigu enn og aftur Selja höfuðstöðvarnar sem voru rýmdar vegna myglu „Betur borgandi ferðamenn“ enginn bjargvættur ferðaþjónustunnar Vetrarþjónustan þungur baggi á borginni Gerður Björt nýr framkvæmdastjóri rekstrarþjónustu Wise Kristján Andrésson gengur til liðs við Arion banka Running Tide segir upp öllu starfsfólki á Íslandi Stefnt á að virkjun Hvalár geti hafist eftir tvö ár Bjór, bingó og bíó í Vinabæ á ný Frederiksen víkur fyrir Bird Áhöfnum tveggja skipa Þorbjarnar sagt upp Sigurður Tómasson til liðs við Origo Hrefna og Unnur til Novum Easyjet flýgur frá Akureyri til Manchester í vetur 500 manns sóttu um störf hjá OCHE Reykjavík Fyrsta íslenska grænkera ostagerðin í hættu Skuldar þrotabúi föður síns fleiri milljarða Fleiri farþegar og betri nýting Gengu frá 135 milljarða samningi um endurfjármögnun skulda Fjárfesta fyrir þrjá milljarða í Reykjanesbæ og Hafnarfirði Ein og hálf milljón farþega á fyrstu fimm mánuðum ársins Ingibjörg Ösp yfir nýrri rekstrarráðgjöf Expectus Þrír nýir stjórnendur hjá Festi „Að fara í slag við þessa risa er nánast ómögulegt“ Fjórir sérfræðingar til liðs við Helix Vilhjálmur Hilmarsson nýr hagfræðingur Visku Heimtu hlutinn úr helju og verða stærstu einkafjárfestarnir Varar við þenslu á byggingamarkaði Ráðinn tækni- og þróunarstjóri Defend Iceland Bein útsending: Ásgeir og Arnór sitja fyrir svörum Sjá meira