Glamour

Mættu saman í fyrirpartý fyrir Grammy

Ritstjórn skrifar
Glamour/Getty

Leikaraparið Jamie Fox og Katie Holmes kom í fyrsta sinn saman á opinberan viðburð í fyrirpartý fyrir Grammy verðlaunahátíðina í gærkvöldi. Þau hafa verið par um nokkurt skeið en haldið sambandinu frá kastljósi fjölmiðla síðan þau byrjuðu saman. 

Holmes var síðast gift leikaranum Tom Cruise og eiga þau saman dótturina Suri Cruise. Hjónabandið var mikið í sviðljósinu og skilnaðurinn varð að miklu fjölmiðlafári árið 2012. 

Fox og Holmes hafa verið vinir lengi en samkvæmt fjölmiðlum vestanhafs þá breyttist vinskapurinn í rómans árið 2013. Það var því löngu orðið tímabært fyrir parið að opinbera ást sína - og af myndunum að dæma líður þeim svo sannarlega vel saman. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.