Níutíu og tveggja ára liggur inni á salerni á Landspítalanum Kristín Ólafsdóttir skrifar 22. nóvember 2018 10:11 Dóra var lögð inn á öldrunardeild í gær. Svona er aðbúnaðurinn. Mynd/Aðsend Níutíu og tveggja ára móðir Berglindar Stefánsdóttur var lögð inn á öldrunardeild Landspítalans í gær. Ekki er pláss fyrir hana inni á hefðbundinni stofu heldur liggur hún í sjúkrarúmi inni á salerni. Berglind segir aðbúnaðinn óásættanlegan og þá hafi móður hennar hrakað mjög eftir að henni var komið fyrir á salerninu. Landspítalinn harmar að grípa hafi þurft til umræddra úrræða. Berglind vakti athygli á málinu í Facebook-færslu í gær. Þar sagði að móðir hennar, Dóra María Ingólfsdóttir, hafi verið lögð inn á bráðadeildina í Fossvogi um þarsíðustu helgi eftir slæmt fall á heimili sínu. Í færslunni rekur Berglind innlögn og legu Dóru á Landspítalanum. Fyrir það fyrsta hafi skýrslan úr sjúkrabílnum glatast og ekki enn fundist. Þá hafi móðir hennar verið lögð inn á bráðadeildina í Fossvogi og var þar í tvo daga á 10-15 manna stofu.Endurheimtu móður sína á lyflækningadeildinni Berglind segir ástand og aðstæður á bráðadeildinni hafa verið afar slæmar. Upplýsingaflæði milli starfsmanna hafi verið ábótavant, þannig að Berglind og systkini hennar þurftu sjálf að passa upp á að móðir þeirra tæki lyfin sín og fengi ekki sykurfall en hún er með sykursýki. „Hún var með næringu í æð og þegar pokinn kláraðist og slangan var orðin full af blóði, var okkur sagt að það væri ekki aðkallandi að setja annan poka, það væru aðrir sjúklingar veikari en hún!“Berglind Stefánsdóttir ásamt móður sinni, Dóru Maríu Ingólfsdóttur.Mynd/AðsendBerglind segir móður sína jafnframt hafa verið afar illa áttaða og ruglaða er hún lá inni á bráðadeild, auk þess sem hún kenndi mikilla verkja. Ekki hafi hins vegar fengist viðtal við lækni fyrr en löngu eftir innlögn á deildina. „Ég bað ítrekað um að fá að ræða við lækni út af ástandi hennar. Ég beið í 7 klst. og loksins kl. 01:00 eftir miðnætti náði ég tali af honum, 16 klst. eftir að hún lagðist inn.“ Á öðrum degi fékk móðir Berglindar svo pláss á lyflækningadeild og segir Berglind að þar hafi aðstæður verið mun betri. Í takt við það hafi ástand móður hennar batnað til muna. „Við endurheimtum hana,“ segir Berglind í samtali við Vísi og færir hún starfsfólki lyflækningadeildar kærar þakkir fyrir nærgætni og alúð í ummönnun móður sinnar.Grátandi inni á klósetti með kúabjöllu Í gærkvöldi var móður Berglindar og aðstandendum hennar tilkynnt að hún yrði flutt yfir á öldrunardeild þar sem annar sjúklingur þyrfti plássið hennar á lyflækningadeild. Á öldrunardeildinni var hins vegar ekki laust rúm inni á stofu og var móður Berglindar því komið fyrir inni á salerni á deildinni. „Þegar þangað kom var ekkert pláss fyrir hana þar og var hún því sett inn á salerni og verður þar næstu nætur eða þangað til rúm losnar. Á daginn fær hún að dúsa á ganginum því nota þarf salernið fyrir böðun og annað,“ skrifar Berglind. „Nú liggur hún, 92 ára, grátandi inni á klósetti með KÚABJÖLLU á borðinu til þess að gera vart við sig ef hana vantar aðstoð. Hún á ekki eftir að geta sofið í nótt því hún á allt eins von á því að aðrir sjúklingar þurfi að gera þarfir sínar þar sem hún liggur. Við höfum áhyggjur af því að þetta áfall verði til þess að ástand hennar versni aftur því svona breyting á umhverfi getur orðið til þess.“Dóra lá enn inni á salerninu í morgun en systir Berglindar tók þessa mynd er hún vitjaði móður sinnar í dag.Mynd/Aðsend„Myndu ráðherrarnir láta bjóða sér þetta?“ Berglind segir í samtali við Vísi í dag að enn sé óvíst hvenær, og þá yfir höfuð hvort, móðir hennar fái pláss inni á stofu. Fjölskyldunni hafi jafnframt verið tjáð að útskrift Dóru af spítalanum væri ekki í kortunum. „Þetta nístir mann í hjartað. „Þetta er bara svona,“ var sagt. Hún var farin að gráta þegar henni var rúllað inn á klósett í gær. „Hvað er í gangi, er þetta bara boðlegt?“ sagði mamma. „Nú er þetta búið, ég á eftir að deyja hérna í nótt.“ Og henni finnst þetta svo mikil óvirðing,“ segir Berglind. Dóra lá enn þá inni á salerninu þegar systir Berglindar vitjaði hennar í morgun og segir Berglind að ástand móður þeirra fari versnandi.Anna Sigrún Baldursdóttir.Vísir/GVA„Systir mín er hjá henni núna og hún er komin aftur í ruglástand elsku kellingin okkar. Ekki heil brú í neinu sem hún segir. Hún grét sig í svefn í gærkvöldi og var meðvituð um allt sem var að gerast. Síðasta sem hún sagði var hvort að ráðherrarnir myndu láta bjóða sér þetta! Hún er bara með þvílíkar ranghugmyndir og veit ekkert hvar hún er.“ Anna Sigrún Baldursdóttir, aðstoðarmaður Páls Matthíassonar forstjóra Landspítalans, hafði frétt af málinu þegar Vísir náði tali af henni í morgun. Hún segir spítalann harma að umræddur sjúklingur búi við slíkan aðbúnað. „Við hörmum að það þurfi að grípa til svona úrræða og gerum allt til að stytta tímann sem fólk býr við svona aðbúnað. Þetta er ekki þjónustan sem við viljum bjóða,“ segir Anna Sigrún. „Þetta er hins vegar birtingarmynd þess ástands sem við búum við vegna skorts á hjúkrunarrýmum.“ Heilbrigðismál Mest lesið Alvarlegt rútuslys í Öxnadal Innlent Losuðu stúlku úr „prísund“ við Háskólabíó Innlent Vill losna við lífverði Bjarna úr þinghúsinu Innlent Ísland orðið „pínkulítið lélegra og leiðinlegra“ Innlent Refsing manns sem nauðgaði þroskaskertum konum milduð verulega Innlent Heimtaði að allir í bænum töluðu íslensku Innlent Tónlistarmaðurinn Róbert Örn er fallinn frá Innlent Tilkynntu um ekki yfirvofandi eldgos Innlent Lést eftir að hafa fengið rafstraum í heitum potti Erlent Eigandi Gríska hússins: „Erum við einhver mafía?“ Innlent Fleiri fréttir Átök á lokametrunum: Saka ríkisstjórn um að „slátra“ samgönguáætlun Kynntu á annað hundrað aðgerðir í loftslagsmálum Þeir sem „brjóta alvarlega af sér“ verði sviptir dvalarleyfum Íþróttafélög hafa sum selt áfengi í leyfisleysi Alvarlegt rútuslys og kona sem á níutíu þúsund servíettur Alvarlegt rútuslys í Öxnadal Lýðheilsufræðingar segja aukið aðgengi að áfengi alvarlegt mál Elsta skip Samherja kveður Dalvík og heldur til Spánar Refsing manns sem nauðgaði þroskaskertum konum milduð verulega Kostnaður ríkissjóðs vegna Grindavíkur um áttatíu milljarðar Leyfið gefið út í trássi við öryggi sjófarenda Quang Lé laus úr gæsluvarðhaldi en í farbanni Stór skörð að fylla eftir að þúsundir drápust Ofurkarlmennska geti reynst ávísun á hómófóbíu og kvenfyrirlitningu Brenna landnámsbæ til kaldra kola í tilraunaskyni Fimm bíla árekstur á Akureyri Vill úrbætur sem fyrst á Flóttamannaleið Gríska húsinu lokað Byggðakvótakerfið úr sér gengið Kynna 150 aðgerðir í loftslagsmálum Umfangsmikil aðgerð Europol: Netþjónar á Íslandi hýstu hryðjuverkaáróður Leitt ef ríkisstjórn er ekki treystandi í kjarasamningsviðræðum Útlendingafrumvarpið hefur verið samþykkt Ekkert breyst til batnaðar í rekstri borgarinnar Vill losna við lífverði Bjarna úr þinghúsinu Átök á Alþingi og víkingar taka yfir Hafnarfjörð Heimtaði að allir í bænum töluðu íslensku Mikið svifryk í borginni og gosmóða líkleg síðar í dag Vill styðja vantrauststillögu komi hún fram Stefna á að lækna Parkinson með ígræðslu stofnfruma Sjá meira
Níutíu og tveggja ára móðir Berglindar Stefánsdóttur var lögð inn á öldrunardeild Landspítalans í gær. Ekki er pláss fyrir hana inni á hefðbundinni stofu heldur liggur hún í sjúkrarúmi inni á salerni. Berglind segir aðbúnaðinn óásættanlegan og þá hafi móður hennar hrakað mjög eftir að henni var komið fyrir á salerninu. Landspítalinn harmar að grípa hafi þurft til umræddra úrræða. Berglind vakti athygli á málinu í Facebook-færslu í gær. Þar sagði að móðir hennar, Dóra María Ingólfsdóttir, hafi verið lögð inn á bráðadeildina í Fossvogi um þarsíðustu helgi eftir slæmt fall á heimili sínu. Í færslunni rekur Berglind innlögn og legu Dóru á Landspítalanum. Fyrir það fyrsta hafi skýrslan úr sjúkrabílnum glatast og ekki enn fundist. Þá hafi móðir hennar verið lögð inn á bráðadeildina í Fossvogi og var þar í tvo daga á 10-15 manna stofu.Endurheimtu móður sína á lyflækningadeildinni Berglind segir ástand og aðstæður á bráðadeildinni hafa verið afar slæmar. Upplýsingaflæði milli starfsmanna hafi verið ábótavant, þannig að Berglind og systkini hennar þurftu sjálf að passa upp á að móðir þeirra tæki lyfin sín og fengi ekki sykurfall en hún er með sykursýki. „Hún var með næringu í æð og þegar pokinn kláraðist og slangan var orðin full af blóði, var okkur sagt að það væri ekki aðkallandi að setja annan poka, það væru aðrir sjúklingar veikari en hún!“Berglind Stefánsdóttir ásamt móður sinni, Dóru Maríu Ingólfsdóttur.Mynd/AðsendBerglind segir móður sína jafnframt hafa verið afar illa áttaða og ruglaða er hún lá inni á bráðadeild, auk þess sem hún kenndi mikilla verkja. Ekki hafi hins vegar fengist viðtal við lækni fyrr en löngu eftir innlögn á deildina. „Ég bað ítrekað um að fá að ræða við lækni út af ástandi hennar. Ég beið í 7 klst. og loksins kl. 01:00 eftir miðnætti náði ég tali af honum, 16 klst. eftir að hún lagðist inn.“ Á öðrum degi fékk móðir Berglindar svo pláss á lyflækningadeild og segir Berglind að þar hafi aðstæður verið mun betri. Í takt við það hafi ástand móður hennar batnað til muna. „Við endurheimtum hana,“ segir Berglind í samtali við Vísi og færir hún starfsfólki lyflækningadeildar kærar þakkir fyrir nærgætni og alúð í ummönnun móður sinnar.Grátandi inni á klósetti með kúabjöllu Í gærkvöldi var móður Berglindar og aðstandendum hennar tilkynnt að hún yrði flutt yfir á öldrunardeild þar sem annar sjúklingur þyrfti plássið hennar á lyflækningadeild. Á öldrunardeildinni var hins vegar ekki laust rúm inni á stofu og var móður Berglindar því komið fyrir inni á salerni á deildinni. „Þegar þangað kom var ekkert pláss fyrir hana þar og var hún því sett inn á salerni og verður þar næstu nætur eða þangað til rúm losnar. Á daginn fær hún að dúsa á ganginum því nota þarf salernið fyrir böðun og annað,“ skrifar Berglind. „Nú liggur hún, 92 ára, grátandi inni á klósetti með KÚABJÖLLU á borðinu til þess að gera vart við sig ef hana vantar aðstoð. Hún á ekki eftir að geta sofið í nótt því hún á allt eins von á því að aðrir sjúklingar þurfi að gera þarfir sínar þar sem hún liggur. Við höfum áhyggjur af því að þetta áfall verði til þess að ástand hennar versni aftur því svona breyting á umhverfi getur orðið til þess.“Dóra lá enn inni á salerninu í morgun en systir Berglindar tók þessa mynd er hún vitjaði móður sinnar í dag.Mynd/Aðsend„Myndu ráðherrarnir láta bjóða sér þetta?“ Berglind segir í samtali við Vísi í dag að enn sé óvíst hvenær, og þá yfir höfuð hvort, móðir hennar fái pláss inni á stofu. Fjölskyldunni hafi jafnframt verið tjáð að útskrift Dóru af spítalanum væri ekki í kortunum. „Þetta nístir mann í hjartað. „Þetta er bara svona,“ var sagt. Hún var farin að gráta þegar henni var rúllað inn á klósett í gær. „Hvað er í gangi, er þetta bara boðlegt?“ sagði mamma. „Nú er þetta búið, ég á eftir að deyja hérna í nótt.“ Og henni finnst þetta svo mikil óvirðing,“ segir Berglind. Dóra lá enn þá inni á salerninu þegar systir Berglindar vitjaði hennar í morgun og segir Berglind að ástand móður þeirra fari versnandi.Anna Sigrún Baldursdóttir.Vísir/GVA„Systir mín er hjá henni núna og hún er komin aftur í ruglástand elsku kellingin okkar. Ekki heil brú í neinu sem hún segir. Hún grét sig í svefn í gærkvöldi og var meðvituð um allt sem var að gerast. Síðasta sem hún sagði var hvort að ráðherrarnir myndu láta bjóða sér þetta! Hún er bara með þvílíkar ranghugmyndir og veit ekkert hvar hún er.“ Anna Sigrún Baldursdóttir, aðstoðarmaður Páls Matthíassonar forstjóra Landspítalans, hafði frétt af málinu þegar Vísir náði tali af henni í morgun. Hún segir spítalann harma að umræddur sjúklingur búi við slíkan aðbúnað. „Við hörmum að það þurfi að grípa til svona úrræða og gerum allt til að stytta tímann sem fólk býr við svona aðbúnað. Þetta er ekki þjónustan sem við viljum bjóða,“ segir Anna Sigrún. „Þetta er hins vegar birtingarmynd þess ástands sem við búum við vegna skorts á hjúkrunarrýmum.“
Heilbrigðismál Mest lesið Alvarlegt rútuslys í Öxnadal Innlent Losuðu stúlku úr „prísund“ við Háskólabíó Innlent Vill losna við lífverði Bjarna úr þinghúsinu Innlent Ísland orðið „pínkulítið lélegra og leiðinlegra“ Innlent Refsing manns sem nauðgaði þroskaskertum konum milduð verulega Innlent Heimtaði að allir í bænum töluðu íslensku Innlent Tónlistarmaðurinn Róbert Örn er fallinn frá Innlent Tilkynntu um ekki yfirvofandi eldgos Innlent Lést eftir að hafa fengið rafstraum í heitum potti Erlent Eigandi Gríska hússins: „Erum við einhver mafía?“ Innlent Fleiri fréttir Átök á lokametrunum: Saka ríkisstjórn um að „slátra“ samgönguáætlun Kynntu á annað hundrað aðgerðir í loftslagsmálum Þeir sem „brjóta alvarlega af sér“ verði sviptir dvalarleyfum Íþróttafélög hafa sum selt áfengi í leyfisleysi Alvarlegt rútuslys og kona sem á níutíu þúsund servíettur Alvarlegt rútuslys í Öxnadal Lýðheilsufræðingar segja aukið aðgengi að áfengi alvarlegt mál Elsta skip Samherja kveður Dalvík og heldur til Spánar Refsing manns sem nauðgaði þroskaskertum konum milduð verulega Kostnaður ríkissjóðs vegna Grindavíkur um áttatíu milljarðar Leyfið gefið út í trássi við öryggi sjófarenda Quang Lé laus úr gæsluvarðhaldi en í farbanni Stór skörð að fylla eftir að þúsundir drápust Ofurkarlmennska geti reynst ávísun á hómófóbíu og kvenfyrirlitningu Brenna landnámsbæ til kaldra kola í tilraunaskyni Fimm bíla árekstur á Akureyri Vill úrbætur sem fyrst á Flóttamannaleið Gríska húsinu lokað Byggðakvótakerfið úr sér gengið Kynna 150 aðgerðir í loftslagsmálum Umfangsmikil aðgerð Europol: Netþjónar á Íslandi hýstu hryðjuverkaáróður Leitt ef ríkisstjórn er ekki treystandi í kjarasamningsviðræðum Útlendingafrumvarpið hefur verið samþykkt Ekkert breyst til batnaðar í rekstri borgarinnar Vill losna við lífverði Bjarna úr þinghúsinu Átök á Alþingi og víkingar taka yfir Hafnarfjörð Heimtaði að allir í bænum töluðu íslensku Mikið svifryk í borginni og gosmóða líkleg síðar í dag Vill styðja vantrauststillögu komi hún fram Stefna á að lækna Parkinson með ígræðslu stofnfruma Sjá meira