Selma Sól byrjar á móti Slóveníu

Freyr Alexandersson, þjálfari íslenska kvennalandsliðsins, hefur valið byrjunarlið sitt fyrir leikinn á móti Slóveníu í undankeppni kvenna í fótbolta.

Blikastúlkan Selma Sól Magnúsdóttir er í byrjunarliðinu en þetta er í fyrsta sinn sem hún byrjar keppnisleik. Þetta er aðeins landsleikur númer fimm hjá henni.

Selma Sól er fædd 23. apríl 1998 og heldur því upp á tvítugafmælið sitt eftir nokkra daga. Hún er þó ekki yngsti leikmaður byrjunarliðsins því hin átján ára Agla María Albertsdóttir er einnig í liðinu.

Leikurinn fer fram á Sportni Park Lendava í Slóveníu og hefst klukkan 15:00.

Byrjunarlið Íslands gegn Slóveníu:

Guðbjörg Gunnarsdóttir (Markvörður)

Sif Atladóttir

Glódís Perla Viggósdóttir

Ingibjörg Sigurðardóttir

Selma Sól Magnúsdóttir

Hallbera Guðný Gísladóttir

Rakel Hönnudóttir

Sara Björk Gunnarsdóttir (Fyrirliði)

Gunnhildur Yrsa Jónsdóttir

Agla María Albertsdóttir

Fanndís Friðriksdóttir