Hvaða átta leikmenn mun Guðmundur stroka út af HM-listanum?

Tuttugu bestu handboltamenn þjóðarinnar verða í dag valdir í æfingahóp íslenska karlalandsliðsins en þeir munu mæta á svæðið 27. desember þegar íslenska landsliðið hefur lokaundirbúning sinn fyrir HM í handbolta.

Guðmundur Guðmundsson, þjálfari íslenska karlalandsliðsins í handbolta, tilkynnnir í dag tuttugu manna æfingahóp sinn fyrir HM í Þýskalandi og Danmörku.

Guðmundur hafði áður sent inn 28 manna lista og þarf því að skera niður um átta menn í honum. Vísir hefur skoðað listann og sett fram spá fyrir því hvaða átta leikmenn fá ekki að vera í æfingahópnum.

Vísir spáir því að þrír línumenn og þrír örvhentir leikmenn úr 28 manna hópnum rétt missi af lestinni af þessu sinni.

Lokahópurinn á HM mun síðan telja sextán menn þótt líklega verði farið með sautján leikmenn út til Þýskalands.

Guðmundur mun kynna æfingahópinn sinn á blaðamannafundi klukkan 13.00 í dag og mun Vísir fylgjast vel með honum.

Íslenska landsliðið heldur til Noregs 2. janúar og tekur þar þátt í Gjendsidige Cup. Þaðan fer liðið til Munchen í Þýskalandi 9. janúar og er fyrsti leikurinn á HM gegn Spánverjum föstudaginn 11. janúar.

Eftirfarandi leikmenn eru líklegir til að vera í 20 manna æfingahópnum:   

 

Markmenn:

Aron Rafn Eðvarsson

Daníel Freyr Andrésson

Björgvin Páll Gústafsson

Vinstra horn:

Bjarki Már Elísson

Guðjón Valur Sigurðsson

Stefán Rafn Sigurmannsson

Vinstri skytta:

Aron Pálmarsson

Daníel Þór Ingason (varnarmaður)

Ólafur Guðmundsson

Ólafur Gústafsson (varnarmaður)

Miðjumenn:

Elvar Örn Jónsson

Gísli Þorgeir Kristjánsson

Haukur Þrastarson



Hægri skytta:

Ómar Ingi Magnússon

Rúnar Kárason

Hægra horn:

Arnór Þór Gunnarsson

Sigvaldi Guðjónsson

Línumenn:

Arnar Freyr Arnarsson

Heimir Óli Heimisson

Ýmir Örn Gíslason (varnarmaður)

Eftirfarandi leikmenn myndu þá detta út úr 28 manna hópnum:   

 

Markmenn:

Ágúst Elí Björgvinsson

Vinstra horn:

Enginn

Vinstri skytta:

Róbert Aron Hostert

Miðjumenn:

Janus Daði Smárason

Hægri skytta:

Arnar Birkir Hálfdánsson

Teitur Örn Einarsson

Hægra horn:

Óðinn Þór Ríkharðsson

Línumenn:

Ágúst Birgisson

Sveinn Jóhannsson