Þetta er náttúrulega bara ótrúlegur leikmaður Óskar Ófeigur Jónsson skrifar 9. janúar 2017 07:00 Guðjón Valur Sigurðsson. Vísir/EPA Guðjón Valur Sigurðsson verður í vikunni fyrsti Íslendingurinn sem tekur þátt í tuttugu stórmótum. Guðjón Valur verður 38 ára gamall í haust en það er fátt sem bendir til þess að landsliðsfyrirliðinn sé eitthvað að fara að slaka á. „Þetta er afrek sem ég held að sé ekkert víst að verði leikið eftir,“ segir Gunnar Magnússon, þjálfari Íslandsmeistara Hauka, en Gunnar hefur verið mikið í kringum landsliðið undanfarin ár og þekkir vel til Guðjón Vals. „Ef maður horfir yfir hans feril þá sér maður hvað hann er sjaldan meiddur. Það eru vissulega nokkur tilfelli en þau eru sjaldgæf og það er ótrúlegt hvað hann er alltaf fitt og flottur og í góðu formi. Ég held að hann hafi hugsað um skrokkinn á sér alveg frá byrjun. Margir byrja á því þegar líður á ferilinn en hann hefur alltaf verið í toppstandi og hugsað vel um líkamann frá byrjun,“ segir Gunnar. Ferilskráin hjá Guðjóni er með þeim glæsilegri sem finnast í handboltasögunni.Mjög lengi í heimsklassa „Hann er búinn að vera í heimsklassa mjög lengi og hefur spilað með öllum þessum stóru félagsliðum. Hann er búinn að verða meistari á Spáni, í Þýskalandi og í Danmörku auk þess að vinna Meistaradeildina. Þetta er bara einstakur ferill hjá honum sem verður erfitt að toppa,“ segir Gunnar. Þorbjörn Jensson var fyrstur til að velja Guðjón Val Sigurðsson í stórmótshóp þegar hann ákvað að fara með þá átján gamlan leikmann KA með á Evrópumótið í Króatíu í ársbyrjun 2000. Síðan eru liðin sautján ár og Guðjón Valur verður mættur á sitt tuttugasta stórmót þegar HM í Frakklandi hefst í vikunni. Geir Sveinsson verður sjötti landsliðsþjálfarinn sem tekur hann með á stórmót. Guðjón Valur var reyndar utan hóps í fyrstu leikjunum á EM í Króatíu en greip tækifærið báðum höndum þegar hann fékk að spreyta sig í síðustu leikjum liðsins. Guðjón Valur hefur ekki gefið eftir sætið sitt síðan. Níu Evrópumót, þrír Ólympíuleikar og nú áttunda heimsmeistaramótið. Guðjón Valur hefur verið í stóru hlutverki hjá íslenska landsliðinu á þessum mótum, hann hefur ekki fengið mikla hvíld og er oftast í hópi markahæstu manna á mótunum. Guðjón hefur þrisvar komist í úrvalslið á stórmóti, einu sinni orðið markahæstur og tvisvar fengið verðlaun um hálsinn, fyrst silfur á ÓL í Peking 2008 og svo brons á EM í Austurríki 2010.Guðjón Valur Sigurðsson á EM 2010 í Austurríki.Mynd/DienerEnn hrikalega hungraður „Hann er hrikalega hungraður í að halda áfram og vill hvergi hætta. Hann er enn þá í heimsklassa þrátt fyrir að vera orðinn 37 ára. Þetta er náttúrulega bara ótrúlegur leikmaður,“ segir Gunnar. „Hann er alltaf hungraður í að spila fyrir landsliðið og hefur alltaf verið. Hann mun gefa kost á sér svo lengi sem hann er valinn. Það er alveg ljóst. Svo framarlega sem hann heldur sér í þessum klassa og er betri en hinir þá verður hann þarna. Það er mín skoðun en auðvitað verður að koma í ljós hversu lengi hann endist,“ segir Gunnar. Guðjón Valur hefur samtals spilað 110 klukkutíma í 122 landsleikjum sínum á stórmótum. Það þýðir að hann hefur verið inni á vellinum að berjast fyrir Ísland í meira en fjóra og hálfan sólarhring „Það má ekki gleyma því að þetta er ekki bara tuttugasta stórmótið því á mjög mörgum af þessum stórmótum hefur hann verið eini vinstri hornamaðurinn og því spilað allar mínútur. Hann átti þessa stöðu einn í meira en áratug,“ segir Gunnar og bætir við að lokum: „Þetta er ótrúlegur karakter, ótrúlegur íþróttamaður og atvinnumaður,“ sagði Gunnar. Guðjón Valur er nú sá sem hefur skorað flest mörk fyrir Ísland á bæði HM og EM en hann vantar enn fjóra leiki til viðbótar til að bæta leikjamet Ólafs Stefánssonar á HM (54 leikir). Guðjón Valur mun væntanlega slá það í fjórða leik íslenska liðsins í riðlakeppni HM sem verður á móti Angóla. Guðjón Valur er nú fyrirliði á sínu sjötta stórmóti og hefur alls verið fyrirliði liðsins í 33 leikjum á HM og EM. Hann er kominn fram úr Geir Sveinsyni (30 leikir) en vantar enn talsvert í að ná æskuvinunum Ólafi Stefánssyni (48) og Degi Sigurðssyni (43). Guðjón Valur þarf nokkur stórmót í viðbót til að ná því meti en hver segir að hann ætli ekki að spila inn á fimmtugsaldurinn. Hingað til hefur hann haft bæði skrokkinn og hungrið til þess.Vísir/EPA Íslenski handboltinn Handbolti HM 2017 í Frakklandi Mest lesið Snorri Barón um Söru: „Ógeð sem enginn á að þurfa að ganga í gegnum“ Sport Uppgjör, myndir og viðtöl: Valur - Grindavík 89-79 | Valsmenn leiða í baráttunni um Íslandsmeistaratitilinn Körfubolti Stjarnan handtekin á leiðinni á völlinn: „Hann er á leið í fangelsi“ Golf Efsti kylfingur á heimslista á yfir höfði sér fjórar ákærur Golf Klopp enn fúll út í Maddison eftir að Liverpool missti af titlinum 2019 Enski boltinn Tiger og McIlroy hunsuðu hvorn annan Golf Uppgjörið og viðtöl: Keflavík - Njarðvík 94-91 | Tvíframlengdur spennutryllir Körfubolti Úr húsvarðarstarfi í atvinnumennsku Handbolti Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Íslenski boltinn Grín sem snerist mjög fljótt upp í alvöru Handbolti Fleiri fréttir Tíunda tapið í röð hjá Íslendingaliði Balingen Grín sem snerist mjög fljótt upp í alvöru Uppgjörið, viðtöl og myndir: Valur - Haukar 28-25 | Valskonur Íslandsmeistarar Íslendingarnir gerðu lítið þegar Skara féll úr leik Jafnt í Íslendingaslag í undanúrslitum Blaðamannafundur fyrir úrslitaleik Vals í Evrópubikarnum Úr húsvarðarstarfi í atvinnumennsku Uppgjörið og viðtöl: Valur - Afturelding 27-29 | Mosfellingar í úrslit Teitur skoraði fimm og Flensburg heldur naumlega í við toppliðin „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Einar Bragi skrifaði undir tveggja ára samning í Svíþjóð Slóvakía skellti Póllandi óvænt í umspili HM „Við vorum skugginn af sjálfum okkur“ Uppgjörið og viðtöl: Valur - Haukar 28-27 | Íslandsmeistarnir sluppu með skrekkinn Gagnrýnir lítinn stuðning við afreksíþróttafólk: „Upphæðin ein og sér er grín“ Myndaveisla frá risasigrinum á Eistum Færeyingar hársbreidd frá fyrsta heimsmeistaramótinu Sjá meira
Guðjón Valur Sigurðsson verður í vikunni fyrsti Íslendingurinn sem tekur þátt í tuttugu stórmótum. Guðjón Valur verður 38 ára gamall í haust en það er fátt sem bendir til þess að landsliðsfyrirliðinn sé eitthvað að fara að slaka á. „Þetta er afrek sem ég held að sé ekkert víst að verði leikið eftir,“ segir Gunnar Magnússon, þjálfari Íslandsmeistara Hauka, en Gunnar hefur verið mikið í kringum landsliðið undanfarin ár og þekkir vel til Guðjón Vals. „Ef maður horfir yfir hans feril þá sér maður hvað hann er sjaldan meiddur. Það eru vissulega nokkur tilfelli en þau eru sjaldgæf og það er ótrúlegt hvað hann er alltaf fitt og flottur og í góðu formi. Ég held að hann hafi hugsað um skrokkinn á sér alveg frá byrjun. Margir byrja á því þegar líður á ferilinn en hann hefur alltaf verið í toppstandi og hugsað vel um líkamann frá byrjun,“ segir Gunnar. Ferilskráin hjá Guðjóni er með þeim glæsilegri sem finnast í handboltasögunni.Mjög lengi í heimsklassa „Hann er búinn að vera í heimsklassa mjög lengi og hefur spilað með öllum þessum stóru félagsliðum. Hann er búinn að verða meistari á Spáni, í Þýskalandi og í Danmörku auk þess að vinna Meistaradeildina. Þetta er bara einstakur ferill hjá honum sem verður erfitt að toppa,“ segir Gunnar. Þorbjörn Jensson var fyrstur til að velja Guðjón Val Sigurðsson í stórmótshóp þegar hann ákvað að fara með þá átján gamlan leikmann KA með á Evrópumótið í Króatíu í ársbyrjun 2000. Síðan eru liðin sautján ár og Guðjón Valur verður mættur á sitt tuttugasta stórmót þegar HM í Frakklandi hefst í vikunni. Geir Sveinsson verður sjötti landsliðsþjálfarinn sem tekur hann með á stórmót. Guðjón Valur var reyndar utan hóps í fyrstu leikjunum á EM í Króatíu en greip tækifærið báðum höndum þegar hann fékk að spreyta sig í síðustu leikjum liðsins. Guðjón Valur hefur ekki gefið eftir sætið sitt síðan. Níu Evrópumót, þrír Ólympíuleikar og nú áttunda heimsmeistaramótið. Guðjón Valur hefur verið í stóru hlutverki hjá íslenska landsliðinu á þessum mótum, hann hefur ekki fengið mikla hvíld og er oftast í hópi markahæstu manna á mótunum. Guðjón hefur þrisvar komist í úrvalslið á stórmóti, einu sinni orðið markahæstur og tvisvar fengið verðlaun um hálsinn, fyrst silfur á ÓL í Peking 2008 og svo brons á EM í Austurríki 2010.Guðjón Valur Sigurðsson á EM 2010 í Austurríki.Mynd/DienerEnn hrikalega hungraður „Hann er hrikalega hungraður í að halda áfram og vill hvergi hætta. Hann er enn þá í heimsklassa þrátt fyrir að vera orðinn 37 ára. Þetta er náttúrulega bara ótrúlegur leikmaður,“ segir Gunnar. „Hann er alltaf hungraður í að spila fyrir landsliðið og hefur alltaf verið. Hann mun gefa kost á sér svo lengi sem hann er valinn. Það er alveg ljóst. Svo framarlega sem hann heldur sér í þessum klassa og er betri en hinir þá verður hann þarna. Það er mín skoðun en auðvitað verður að koma í ljós hversu lengi hann endist,“ segir Gunnar. Guðjón Valur hefur samtals spilað 110 klukkutíma í 122 landsleikjum sínum á stórmótum. Það þýðir að hann hefur verið inni á vellinum að berjast fyrir Ísland í meira en fjóra og hálfan sólarhring „Það má ekki gleyma því að þetta er ekki bara tuttugasta stórmótið því á mjög mörgum af þessum stórmótum hefur hann verið eini vinstri hornamaðurinn og því spilað allar mínútur. Hann átti þessa stöðu einn í meira en áratug,“ segir Gunnar og bætir við að lokum: „Þetta er ótrúlegur karakter, ótrúlegur íþróttamaður og atvinnumaður,“ sagði Gunnar. Guðjón Valur er nú sá sem hefur skorað flest mörk fyrir Ísland á bæði HM og EM en hann vantar enn fjóra leiki til viðbótar til að bæta leikjamet Ólafs Stefánssonar á HM (54 leikir). Guðjón Valur mun væntanlega slá það í fjórða leik íslenska liðsins í riðlakeppni HM sem verður á móti Angóla. Guðjón Valur er nú fyrirliði á sínu sjötta stórmóti og hefur alls verið fyrirliði liðsins í 33 leikjum á HM og EM. Hann er kominn fram úr Geir Sveinsyni (30 leikir) en vantar enn talsvert í að ná æskuvinunum Ólafi Stefánssyni (48) og Degi Sigurðssyni (43). Guðjón Valur þarf nokkur stórmót í viðbót til að ná því meti en hver segir að hann ætli ekki að spila inn á fimmtugsaldurinn. Hingað til hefur hann haft bæði skrokkinn og hungrið til þess.Vísir/EPA
Íslenski handboltinn Handbolti HM 2017 í Frakklandi Mest lesið Snorri Barón um Söru: „Ógeð sem enginn á að þurfa að ganga í gegnum“ Sport Uppgjör, myndir og viðtöl: Valur - Grindavík 89-79 | Valsmenn leiða í baráttunni um Íslandsmeistaratitilinn Körfubolti Stjarnan handtekin á leiðinni á völlinn: „Hann er á leið í fangelsi“ Golf Efsti kylfingur á heimslista á yfir höfði sér fjórar ákærur Golf Klopp enn fúll út í Maddison eftir að Liverpool missti af titlinum 2019 Enski boltinn Tiger og McIlroy hunsuðu hvorn annan Golf Uppgjörið og viðtöl: Keflavík - Njarðvík 94-91 | Tvíframlengdur spennutryllir Körfubolti Úr húsvarðarstarfi í atvinnumennsku Handbolti Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Íslenski boltinn Grín sem snerist mjög fljótt upp í alvöru Handbolti Fleiri fréttir Tíunda tapið í röð hjá Íslendingaliði Balingen Grín sem snerist mjög fljótt upp í alvöru Uppgjörið, viðtöl og myndir: Valur - Haukar 28-25 | Valskonur Íslandsmeistarar Íslendingarnir gerðu lítið þegar Skara féll úr leik Jafnt í Íslendingaslag í undanúrslitum Blaðamannafundur fyrir úrslitaleik Vals í Evrópubikarnum Úr húsvarðarstarfi í atvinnumennsku Uppgjörið og viðtöl: Valur - Afturelding 27-29 | Mosfellingar í úrslit Teitur skoraði fimm og Flensburg heldur naumlega í við toppliðin „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Einar Bragi skrifaði undir tveggja ára samning í Svíþjóð Slóvakía skellti Póllandi óvænt í umspili HM „Við vorum skugginn af sjálfum okkur“ Uppgjörið og viðtöl: Valur - Haukar 28-27 | Íslandsmeistarnir sluppu með skrekkinn Gagnrýnir lítinn stuðning við afreksíþróttafólk: „Upphæðin ein og sér er grín“ Myndaveisla frá risasigrinum á Eistum Færeyingar hársbreidd frá fyrsta heimsmeistaramótinu Sjá meira
Uppgjör, myndir og viðtöl: Valur - Grindavík 89-79 | Valsmenn leiða í baráttunni um Íslandsmeistaratitilinn Körfubolti
Uppgjör, myndir og viðtöl: Valur - Grindavík 89-79 | Valsmenn leiða í baráttunni um Íslandsmeistaratitilinn Körfubolti