Flugi til Cork aflýst vegna Ófelíu

Flugi Wow Air til Cork á Írlandi á morgun hefur verið aflýst sökum fellibylsins Ófelíu. Ekki er búist við því að veðrið hafi áhrif á áætlunarflug til og frá Dublin.

Þá hefur skólahald verið fellt niður á mörgum svæðum og skólum á Norður-Írlandi ráðlagt að gera slíkt hið sama.

Veðurstofan á Írlandi og Bretlandi hafa gefið út viðvaranir vegna fellibylsins Ófelíu sem mun skella á Írland á morgun. Ófelía mun að öllum líkindum ganga á land á suðvestanverðu Írlandi, fara yfir eyjuna og svo yfir norðurhluta Skotlands.

Stjórnvöld á Írlandi hafa boðað til neyðarfundar vegna komu Ófelíu, sem ku vera mesta óveður sem hefur skollið á Írland í hálfa öld. Hæsta viðbúnaðarstig gild­ir frá því sex í fyrra­málið til miðnætt­is.

Íbúar mega búast við rafmagnsleysi, miklum öldugangi og röskun á samgöngum þegar óveðrið gengur á land.