Hlé á móttöku kvótaflóttafólks

DANMÖRK Dönsk stjórnvöld ætla að framlengja hléið á móttöku kvótaflóttamanna sem þau gerðu í fyrra. Áður hafði verið tekið á móti 1.500 kvótaflóttamönnum á þriggja ára tímabili. Inger Støjberg, ráðherra innflytjendamála, segir að þótt hælisleitendum hafi fækkað hafi þeir verið um 56 þúsund undanfarin fimm ár. Reikna megi með að margir þeirra fái fjölskyldur sínar til sín. Þess vegna sé ekki mögulegt að taka á móti kvótaflóttamönnum í ár. Flóttamannastofnun Sameinuðu þjóðanna segir 40 þúsund flóttamenn í brýnni þörf fyrir að komast til öruggra ríkja. – ibs