Sjáðu þáttinn í heild sinni: Ævar ætlar að skella sér í ræktina og Salka Sól í fjallgöngur

Annar þáttur Meistaramánuðar 2017 á Stöð 2 var á dagskrá í gærkvöldi en þátturinn er í umsjón Pálmars Ragnarssonar.

Í þættinum fengu áhorfendur að hlusta á markmið nokkurra Íslending og voru þau svo sannarlega fjölbreytt.

Viðmælendur að þessu sinni voru þau Ævar Þór Benediktsson, leikari, og Salka Sól Eyfeld, söngkona.

Ævar ætlar að hreyfa sig meira, borða hollari mat og ætlar einnig að lesa meira. Hann ætlar að fara í ræktina fjórum sinnum í viku og ætlar hann einnig að klippa út skyndibitann.

Salka Sól ætlar að halda áfram að taka matarræðið í gegn. Enginn sykur og ekkert hveiti. Hún ætlar að fara upp þrjú fjöll í febrúar og dreifa því á þrjár helgar.

Einnig heyrði Pálmar í sérfæðingum þáttarins sem eru; Anna Steinsen, markþjálfi og eigandi KVAN, Hafrún Kristjánsdóttir sálfræðingur, Viðar Halldórsson, lektor í félagsfræði og Björn Berg Gunnarsson, fræðslustjóri Íslandsbanka.

Hér að neðan má sjá þáttinn og einnig má sjá myndir inni á Instagram sem koma undir kassamerkinu #meistaram.