Trump vill þakkir frá UCLA-strákunum

Körfuboltastrákarnir frá UCLA-háskólanum munu ekki dvelja í fangelsi í Kína næstu árin því þeir eru komnir heim og það er líkast til Donald Trump Bandaríkjaforseta að þakka.

Trump tók mál UCLA-drengjanna upp við forseta Kína síðasta föstudag og bað Kínverja um að taka vægt á þeim. Strákarnir voru handteknir eftir að hafa stolið sólgleraugum í Louis Vuitton-búð.

Ekki stórþjófnaður en í Kína er búðarþjófnaður litinn mjög alvarlegum augum og þeir hefðu getað fengið þriggja til tíu ára fangelsisdóm. Þeir áttu að minnsta að kosti að vera í stofufangelsi í 20 daga en af því verður ekki því þeir komu til Bandaríkjanna í gær.

Trump er ekki í nokkrum vafa um að það sé honum að þakka en hann býst ekki við þökkum frá LiAngelo Ball og félögum eins og sjá má hér að neðan.

Do you think the three UCLA Basketball Players will say thank you President Trump? They were headed for 10 years in jail!

— Donald J. Trump (@realDonaldTrump) November 15, 2017