Tryggvi Snær: Set inn á reynslubankann

Tryggvi Snær Hlinason skoraði 8 stig á þeim rúmu 13 mínútum sem hann spilaði, þegar Ísland tapaði fyrir Slóveníu, 102-75, á EM í Finnlandi í dag. Hann tók að auki tvö fráköst og skilaði einni stoðsendingu.

„Þetta er gott lið með góða bakverði sem erfitt er að reyna að taka á móti,“ sagði Tryggvi en viðtalið má sjá allt í spilaranum hér fyrir ofan.

Góð byrjun hjá ykkur en síðan kom í ljós að þeir eru með öfluga leikmenn?

„Þetta er eitt af toppliðunum þremur sem fara áfram úr þessu liði. Skemmtilegt að taka á móti þeim en leiðinlegt að tapa eins og vanalega,“ sagði hann..

Þú ert enn að læra og þú lærir hratt?

„Ég reyni mitt besta og nota hverja einustu mínútu og sekúndu sem ég fæ til að koma þessu í reynslubankann og halda áfram að bæta mig.“