Áfram Agnes Benedikt Bóas skrifar 13. nóvember 2017 07:00 Lögfræðingur prests sem hefur verið sakaður um kynferðislegar áreitni í þremur tilvikum ritaði fyndið bréf sem birtist í gær. Ég hló upphátt. Allir vita að lögfræðingar vinna ekki nema að skipun skjólstæðinga sinna og því var þetta mikil gamanlesning. Presturinn var sendur í leyfi í sumar til að einbeita sér að betrun hjá sálfræðingi eftir að þrjú aðskilin atvik höfðu átt sér stað. Þrjú! Sem sagt, áreitnin var svo mikil hjá prestinum að þrjár konur kvörtuðu undan hegðun hans. Að saka mann um kynferðislega áreitni er aldrei léttvæg ákvörðun. Það er ábyggilega auðveldara að þegja. En þjóðfélagið er að breytast sem betur fer og gamlir perrar eru nú dregnir fram í sviðsljósið. Hollywood hendir perrum út í hafsauga og sænskar konur stigu fram og greindu frá ofbeldi sem þær höfðu þurft að líða. Það er einhver stórkostleg hreyfing í gangi þessa dagana og perrar heimsins sitja nú heima hjá sér skjálfandi. Það var því fyndið að lesa það sem þessi blessaði lögfræðingur sendi. Það var jú brotið á andmælarétti hans og hann fékk ekki að svara fyrir sig. Þá var málið ekki rannsakað til hlítar samkvæmt orðum lögfræðingsins. Og svo var það biskupinn sem lagði hann í einelti og niðurlægði hann. Ég skellti upp úr þegar ég las þetta síðasta. Þrjár hugrakkar konur stíga ekki fram í dagsljósið og saka manninn um kynferðislega áreitni bara af því bara. Þær hafa eitthvað fyrir sér og ef það er eitthvað sem tíðindi undanfarna daga hafa kennt mér þá ætla ég að trúa þeim, en ekki prestinum. Ég held því með Agnesi og segi því Áfram Agnes því þjóðkirkjan þarf ekki svona mann til að predika yfir mannskapnum. Það þarf að predika yfir honum. Viltu birta grein á Vísi? Sendu okkur póst. Senda grein Benedikt Bóas Mest lesið Sameinumst um forvarnir gegn átröskun Karen Daðadóttir,Guðrún Erla Hilmarsdóttir,Elva Björk Bjarnadóttir Skoðun Halldór 01.06.2024 Halldór Svona getum komið í veg fyrir að Katrín vinni Björn B. Björnsson Skoðun Að skreyta sig með stolnum fjöðrum Sema Erla Serdaroglu Skoðun Má Katrín Jakobsdóttir bjóða sig fram? Jón Ólafsson Skoðun Hatur og fyrirlitning Einar Scheving Skoðun Barnapíu á Bessastaði! Karl Sigurðsson Skoðun Viddi, Bósi Ljósár og Baldur Þórhalls Heimir Hannesson Skoðun Yfirtaka orðræðunnar (e. hijacking) Sóley Tómasdóttir Skoðun Halla Tómasdóttir og Sólskinsdrengurinn Margrét Dagmar Ericsdóttir Skoðun
Lögfræðingur prests sem hefur verið sakaður um kynferðislegar áreitni í þremur tilvikum ritaði fyndið bréf sem birtist í gær. Ég hló upphátt. Allir vita að lögfræðingar vinna ekki nema að skipun skjólstæðinga sinna og því var þetta mikil gamanlesning. Presturinn var sendur í leyfi í sumar til að einbeita sér að betrun hjá sálfræðingi eftir að þrjú aðskilin atvik höfðu átt sér stað. Þrjú! Sem sagt, áreitnin var svo mikil hjá prestinum að þrjár konur kvörtuðu undan hegðun hans. Að saka mann um kynferðislega áreitni er aldrei léttvæg ákvörðun. Það er ábyggilega auðveldara að þegja. En þjóðfélagið er að breytast sem betur fer og gamlir perrar eru nú dregnir fram í sviðsljósið. Hollywood hendir perrum út í hafsauga og sænskar konur stigu fram og greindu frá ofbeldi sem þær höfðu þurft að líða. Það er einhver stórkostleg hreyfing í gangi þessa dagana og perrar heimsins sitja nú heima hjá sér skjálfandi. Það var því fyndið að lesa það sem þessi blessaði lögfræðingur sendi. Það var jú brotið á andmælarétti hans og hann fékk ekki að svara fyrir sig. Þá var málið ekki rannsakað til hlítar samkvæmt orðum lögfræðingsins. Og svo var það biskupinn sem lagði hann í einelti og niðurlægði hann. Ég skellti upp úr þegar ég las þetta síðasta. Þrjár hugrakkar konur stíga ekki fram í dagsljósið og saka manninn um kynferðislega áreitni bara af því bara. Þær hafa eitthvað fyrir sér og ef það er eitthvað sem tíðindi undanfarna daga hafa kennt mér þá ætla ég að trúa þeim, en ekki prestinum. Ég held því með Agnesi og segi því Áfram Agnes því þjóðkirkjan þarf ekki svona mann til að predika yfir mannskapnum. Það þarf að predika yfir honum.
Sameinumst um forvarnir gegn átröskun Karen Daðadóttir,Guðrún Erla Hilmarsdóttir,Elva Björk Bjarnadóttir Skoðun
Sameinumst um forvarnir gegn átröskun Karen Daðadóttir,Guðrún Erla Hilmarsdóttir,Elva Björk Bjarnadóttir Skoðun