Starfsmönnum gjaldeyriseftirlits fækkað um þriðjung eftir afnám hafta Hörður Ægisson skrifar 5. júlí 2017 09:00 Már Guðmundsson seðlabankastjóri. Bankinn segir að gjaldeyriseftirlitið eigi enn eftir að ljúka ýmsum rannsóknarmálum. vísir/anton brink Starfsmönnum í gjaldeyriseftirliti Seðlabanka Íslands hefur fækkað um liðlega þrjátíu prósent það sem af er þessu ári en næstum fjórir mánuðir eru liðnir síðan fjármagnshöft á einstaklinga, fyrirtæki og lífeyrissjóði voru nánast að öllu leyti afnumin. Í svari Seðlabankans við fyrirspurn Markaðarins þann 23. júní síðastliðinn um hversu margir væru starfandi hjá gjaldeyriseftirlitinu kemur fram að heildarfjöldi starfsmanna, eða svonefnd ársverk, sé í dag um það bil sextán. Í lok síðasta árs voru hins vegar 23 starfandi hjá gjaldeyriseftirlitinu og nam heildarlaunakostnaður eftirlitsins á árinu 2016 samtals um 314 milljónum króna. Halldór Benjamín Þorbergsson, framkvæmdastjóri Samtaka atvinnulífsins, gagnrýndi í vikunni að ekki væri enn farin fram „umfangsmikil endurskipulagning og hagræðing gjaldeyriseftirlitsins“. Seðlabankinn segist í svari sínu til Markaðarins ekki geta sagt til um á þessari stundu hvort gjaldeyriseftirlitið verði lagt niður á þessa ári, eða starfsemi þess færð yfir til annarra sviða bankans. Þannig bendir bankinn meðal annars á að eftirlitið eigi enn eftir að ljúka ýmsum rannsóknarmálum vegna meintra brota á lögum um gjaldeyrismál. „Ákvarðarnir hafa ekki verið teknar um hvort ýmis verkefni sem tengjast gjaldeyrismálum verða í sérstöku gjaldeyriseftirliti eða ekki þegar verkefnum í tengslum við framkvæmd og losun fjármagnshafta lýkur. Í framhaldi af stórum skrefum við losun fjármagnshafta fyrr á þessu ári hefur dregið úr vinnu sem tengdist undanþágum. Gjaldeyriseftirlitið á hins vegar ólokið fjölda rannsóknarmála og hefur enn mikil verkefni sem lúta að undirbúningi lagabreytinga og annarra aðgerða sem tengjast losun þeirra fjármagnshafta sem standa eftir og snúa aðallega að aflandskrónueignum og afleiðuviðskiptum í spákaupmennskuskyni,“ segir í skriflegu svari bankans. Gjaldeyriseftirlitið, ásamt öðrum sviðum bankans, vinnur nú að því að finna svonefndu fjárstreymistæki, sem var virkjað í maí í fyrra, grundvöll eftir að ýmis lagaákvæði um fjármagnshöft hafa verið felld úr gildi. Seðlabankinn segir að stefnt sé að því að þeirri vinnu ljúki á þessu ári en fjárstreymistæki bankans felur það í sér samkvæmt núgildandi reglum að 40 prósent af innflæði fjármagns vegna fjárfestinga í skuldabréfum þarf að binda í eitt ár á núll prósent vöxtum. Seðlabankinn bendir á að mjög hafi dregið úr yfirvinnu í gjaldeyriseftirliti á undanförnum mánuðum. „Álag var verulegt í tengslum við undirbúning og framkvæmd skrefa sem tekin voru við losun fjármagnshafta á síðustu árum. Umfang gjaldeyriseftirlitsins verður tekið til frekari skoðunar á komandi mánuðum þegar hillir undir lokin á vinnu við síðasta áfanga losunar hafta,“ segir í svari bankans. Þá kemur fram í svari Seðlabankans við fyrirspurn Markaðarins að Ingibjörg Guðbjartsdóttir, sem var framkvæmdastjóri gjaldeyriseftirlits bankans þangað til hún fór í leyfi í eitt ár í júlí í fyrra til að hefja framhaldsnám í opinberri stjórnsýslu við Harvard-háskóla, muni ekki snúa aftur til starfa á þessu ári. Hún sé núna í leyfi frá bankanum þar til á næsta ári. Starfsemi gjaldeyriseftirlits Seðlabankans jókst mjög að umfangi á árunum eftir að því var komið á fót 2009. Heildarlaunakostnaður þess náði hámarki í fyrra en árið áður var sá kostnaður um 291 milljón króna og árinu 2014 um 228 milljónir, að því er fram kom í svari Bjarna Benediktssonar forsætisráðherra við fyrirspurn Óla Björns Kárasonar, þingmanns Sjálfstæðisflokksins, í mars síðastliðnum um eftirlitsstofnanir sem heyra undir ráðuneyti hans.Fréttin birtist fyrst í Markaðnum, fylgiriti Fréttablaðsins um viðskipti og efnahagsmál. Mest lesið Fyrsta flugi Icelandair til Pittsburgh fagnað Viðskipti innlent Segir arðgreiðslur ÁTVR hafa lækkað um 400 milljónir vegna netsölu Viðskipti innlent Dagar Workplace eru taldir Viðskipti erlent Base parking gjaldþrota Viðskipti innlent Fóru í fyrsta flugið milli Calgary og Keflavíkurflugvallar Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Segir að Play sé og verði áfram með höfuðstöðvar á Íslandi Viðskipti innlent Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Forstjóri Play íhugar að fljúga frekar til Íslands en frá Viðskipti innlent Bein útsending: Opinn kynningarfundur vegna útboðs Íslandshótela Samstarf Fleiri fréttir Segir arðgreiðslur ÁTVR hafa lækkað um 400 milljónir vegna netsölu Fyrsta flugi Icelandair til Pittsburgh fagnað Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Sjá meira
Starfsmönnum í gjaldeyriseftirliti Seðlabanka Íslands hefur fækkað um liðlega þrjátíu prósent það sem af er þessu ári en næstum fjórir mánuðir eru liðnir síðan fjármagnshöft á einstaklinga, fyrirtæki og lífeyrissjóði voru nánast að öllu leyti afnumin. Í svari Seðlabankans við fyrirspurn Markaðarins þann 23. júní síðastliðinn um hversu margir væru starfandi hjá gjaldeyriseftirlitinu kemur fram að heildarfjöldi starfsmanna, eða svonefnd ársverk, sé í dag um það bil sextán. Í lok síðasta árs voru hins vegar 23 starfandi hjá gjaldeyriseftirlitinu og nam heildarlaunakostnaður eftirlitsins á árinu 2016 samtals um 314 milljónum króna. Halldór Benjamín Þorbergsson, framkvæmdastjóri Samtaka atvinnulífsins, gagnrýndi í vikunni að ekki væri enn farin fram „umfangsmikil endurskipulagning og hagræðing gjaldeyriseftirlitsins“. Seðlabankinn segist í svari sínu til Markaðarins ekki geta sagt til um á þessari stundu hvort gjaldeyriseftirlitið verði lagt niður á þessa ári, eða starfsemi þess færð yfir til annarra sviða bankans. Þannig bendir bankinn meðal annars á að eftirlitið eigi enn eftir að ljúka ýmsum rannsóknarmálum vegna meintra brota á lögum um gjaldeyrismál. „Ákvarðarnir hafa ekki verið teknar um hvort ýmis verkefni sem tengjast gjaldeyrismálum verða í sérstöku gjaldeyriseftirliti eða ekki þegar verkefnum í tengslum við framkvæmd og losun fjármagnshafta lýkur. Í framhaldi af stórum skrefum við losun fjármagnshafta fyrr á þessu ári hefur dregið úr vinnu sem tengdist undanþágum. Gjaldeyriseftirlitið á hins vegar ólokið fjölda rannsóknarmála og hefur enn mikil verkefni sem lúta að undirbúningi lagabreytinga og annarra aðgerða sem tengjast losun þeirra fjármagnshafta sem standa eftir og snúa aðallega að aflandskrónueignum og afleiðuviðskiptum í spákaupmennskuskyni,“ segir í skriflegu svari bankans. Gjaldeyriseftirlitið, ásamt öðrum sviðum bankans, vinnur nú að því að finna svonefndu fjárstreymistæki, sem var virkjað í maí í fyrra, grundvöll eftir að ýmis lagaákvæði um fjármagnshöft hafa verið felld úr gildi. Seðlabankinn segir að stefnt sé að því að þeirri vinnu ljúki á þessu ári en fjárstreymistæki bankans felur það í sér samkvæmt núgildandi reglum að 40 prósent af innflæði fjármagns vegna fjárfestinga í skuldabréfum þarf að binda í eitt ár á núll prósent vöxtum. Seðlabankinn bendir á að mjög hafi dregið úr yfirvinnu í gjaldeyriseftirliti á undanförnum mánuðum. „Álag var verulegt í tengslum við undirbúning og framkvæmd skrefa sem tekin voru við losun fjármagnshafta á síðustu árum. Umfang gjaldeyriseftirlitsins verður tekið til frekari skoðunar á komandi mánuðum þegar hillir undir lokin á vinnu við síðasta áfanga losunar hafta,“ segir í svari bankans. Þá kemur fram í svari Seðlabankans við fyrirspurn Markaðarins að Ingibjörg Guðbjartsdóttir, sem var framkvæmdastjóri gjaldeyriseftirlits bankans þangað til hún fór í leyfi í eitt ár í júlí í fyrra til að hefja framhaldsnám í opinberri stjórnsýslu við Harvard-háskóla, muni ekki snúa aftur til starfa á þessu ári. Hún sé núna í leyfi frá bankanum þar til á næsta ári. Starfsemi gjaldeyriseftirlits Seðlabankans jókst mjög að umfangi á árunum eftir að því var komið á fót 2009. Heildarlaunakostnaður þess náði hámarki í fyrra en árið áður var sá kostnaður um 291 milljón króna og árinu 2014 um 228 milljónir, að því er fram kom í svari Bjarna Benediktssonar forsætisráðherra við fyrirspurn Óla Björns Kárasonar, þingmanns Sjálfstæðisflokksins, í mars síðastliðnum um eftirlitsstofnanir sem heyra undir ráðuneyti hans.Fréttin birtist fyrst í Markaðnum, fylgiriti Fréttablaðsins um viðskipti og efnahagsmál.
Mest lesið Fyrsta flugi Icelandair til Pittsburgh fagnað Viðskipti innlent Segir arðgreiðslur ÁTVR hafa lækkað um 400 milljónir vegna netsölu Viðskipti innlent Dagar Workplace eru taldir Viðskipti erlent Base parking gjaldþrota Viðskipti innlent Fóru í fyrsta flugið milli Calgary og Keflavíkurflugvallar Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Segir að Play sé og verði áfram með höfuðstöðvar á Íslandi Viðskipti innlent Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Forstjóri Play íhugar að fljúga frekar til Íslands en frá Viðskipti innlent Bein útsending: Opinn kynningarfundur vegna útboðs Íslandshótela Samstarf Fleiri fréttir Segir arðgreiðslur ÁTVR hafa lækkað um 400 milljónir vegna netsölu Fyrsta flugi Icelandair til Pittsburgh fagnað Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Sjá meira