Allegri fékk nýjan samning

Massimiliano Allegri hefur skrifað undir nýjan þriggja ára samning við Ítalíumeistara Juventus.

Allegri tók við Juventus af Antonio Conte fyrir þremur árum og hefur náð frábærum árangri með liðið.

Juventus hefur unnið deild og bikar öll þrjú tímabilin með Allegri við stjórnvölinn. Þá hefur hann tvívegis komið Juventus í úrslitaleik Meistaradeildar Evrópu.

Juventus tapaði fyrir Barcelona í úrslitaleik Meistaradeildarinnar 2015 og fyrir Real Madrid á laugardaginn var.

Allegri, sem er 49 ára, var áður við stjórnvölinn hjá AC Milan og gerði liðið að ítölskum meisturum 2011.

OFFICIAL: @OfficialAllegri renews Juventus contract until 2020: https://t.co/mo7oZX8SoD #Allegri2020 pic.twitter.com/PP8vsmPCTi

— JuventusFC (@juventusfcen) June 7, 2017