Kreppa komin aftur í Grikklandi

Hagvöxtur var neikvæður í Grikklandi á fyrstu þremur mánuðum ársins í kjölfar þess að hafa einnig verið neikvæður um 1,2 prósent í árslok 2016, því er komin kreppa á ný í landinu.

Um er að ræða fyrsta kreppuna þar í landi síðan árið 2012 samkvæmt tölum Eurostat. BBC greinir frá því að nú standi yfir tveggja daga mótmæli gegn niðurskurði lífeyris og skattahækkun í landinu vegna fyrirskipunum kröfuhafa.

Um þessar mundir vinnur gríska ríkisstjórnin hörðum höndum að því að tryggja ný framlög frá erlendum lánadrottnum. Vonast er til þess að lánin verði samþykkt af fundi fjármálaráðherra evrusvæðisins þann 22. maí næstkomandi.