Karlmaðurinn sem missti meðvitund í Silfru fyrr í dag er látinn. Þetta staðfestir Oddur Árnason, hjá lögreglunni á Suðurlandi í samtali við Vísi.
Maðurinn, sem var erlendur ferðamaður á sjötugsaldri, var að snorka í gjánni á Þingvöllum þegar hann óskaði eftir aðstoð leiðsögumanns. Sá fór að ferðamanninum og aðstoðaði hann í land en á þeirri stundu missti ferðamaðurinn meðvitund.
Þegar honum hafði verið komið á þurrt hófust endurlífgunartilraunir. Hann var fluttur með þyrlu Landhelgisgæslunnar á sjúkrahús í Reykjavík þar sem hann var úrskurðaður látinn.
Eftirfarandi tilkynning barst frá lögreglunni á Suðurlandi vegna málsins:
Maðurinn sem fluttur var með þyrlu LHG frá Þingvöllum í dag var úrskurðaður látinn á Landspítala Háskólasjúkrahúsi skömmu eftir komuna þangað. Maðurinn mun, að sögn vitna, hafa kallað til aðstoðar vegna andþyngsla og misst meðvitund skömmu eftir að leiðsögumaður kom honum til hjálpar. Rannsókn málsins er í höndum Lögreglunnar á Suðurlandi og verða frekari upplýsingar ekki gefnar fyrr en að lokinni krufningu.
Karlmaðurinn sem missti meðvitund í Silfru er látinn
Tengdar fréttir
Maðurinn í Silfru drukknaði
Engin merki um veikindi komu fram og er dauðsfallið rannsakað sem slys.
Grét í bílnum eftir að hafa orðið vitni að slysinu við Silfru
Bandarískur ferðamaður lýsir slysinu sem varð við Silfru þar sem samlandi hans lést.
Meðvitundarlaus maður við Silfru
Klukkan 15:59 í dag barst lögreglunni á Suðurlandi tilkynning um meðvitundarlausan mann við Silfru á Þingvöllum.
Umhverfisráðherra vill stýra umferð í Silfru
Umhverfisráðherra segir brýnt að skoða hvernig ferðaþjónustufyrirtæki nýta sér Þingvelli. Þjóðgarðsvörður vill að Samgöngustofa hafi öryggisverði við Silfru sem hafi eftirlit með starfseminni sem þar fer fram.
Lést eftir snorkl í Silfru
Erlendur ferðamaður, sem sóttur var með þyrlu landhelgisgæslunnar, þar sem hann missti meðvitund við köfun í Silfru, er látinn.
