Friðrik Ragnarsson nýr formaður hjá Njarðvíkingum

Friðrik Pétur Ragnarsson var kjörinn nýr formaður Körfuknattleiksdeildar Njarðvíkur á fjölmennum aðalfundi í Ljónagryfjunni í kvöld.

Róbert Þór Guðnason hættir sem formaður en hann tók við af Gunnari Örlygssyni á miðju tímabili. Þetta kemur fram í frétt á heimasíðu Njarðvíkur.

Páll Kristinsson var síðan skipaður varaformaður á fyrsta fundi nýrrar stjórnar.

Jón Björn Ólafsson, aðalmaðurinn á bak við körfuboltavefinn karfan.is, kemur nú nýr inn í stjórnina en Jón Björn er ekki lengur í forystuhlutverki á karfan.is. Jón Björn er nýr ritari stjórnarinnar.

Friðrik Ragnarsson er fyrrum leikmaður og þjálfari Njarðvíkurliðsins en hann hefur unnið Íslandsmeistaratitilinn sex sinnum með félaginu þar af tvisvar sinnum sem þjálfari.

Ný stjórn Körfuknattleiksdeildar Njarðvíkur lítur þannig út:

Formaður: Friðrik Pétur Ragnarsson

Varaformaður: Páll Kristinsson

Gjaldkeri: Sigurbjörg Jónsdóttir

Ritari: Jón Björn Ólafsson

Meðstjórnandi: Emma Hanna Einarsdóttir

Meðstjórnandi: Helga Jónsdóttir

Meðstjórnandi: Jakob Hermannsson

Varastjórn:

Skúli Björgvin Sigurðsson

Berglind Kristjánsdóttir

Helga Guðmundsdóttir

Haukur Einarsson