Glamour

Fatahönnunarnemar einblína á sjálfbærni í samstarfi við Rauða kross Íslands

Ritstjórn skrifar
Fatahönnunarnemar sýna afrakstur vetrarins á morgun.
Fatahönnunarnemar sýna afrakstur vetrarins á morgun. Mynd/Ernir


Á morgun munu 2. árs fatahönnunarnemar úr Listaháskóla Íslands sýna verkefni sín í samstarfi við Rauða kross Íslands. Samstarfið gengur út á það að rannsaka leiðir til að skapa nýjan fatnað úr ósöluhæfum flíkum með þekkingu á aðferðafræði hönnunar. Lögð er áhersla á tísku á Íslandi í tengslum við sjálfbærni.

Með samstarfinu er sjónum beint á að haldi núverandi neyslumenning áfram á þessum skala geti það orðið manninum að falli.
 Verkefnið, sem ber heitið Misbrigði, er nú unnið í annað sinn enda gekk það vonum framar síðast og ljóst að endurvinnsla mun áfram spila veigamikið hlutverk í framtíðinni. Það að draga þurfi úr framleiðslu og breyta aðferðum þarf ekki að koma niður á sköpunargleðinni. 
 
Nemendur vinna aðeins með notuð föt og afganga við sköpun sína, ekkert nýtt er keypt. Verkefnið Misbrigði II er tvíþætt, fyrri hlutinn er sýndur á hefðbundinni tískusýningu á morgun en hinn seinni sem sýndur verður á HönnunarMars þar sem gestum gefst kostur á að skoða verk nemenda, kynna sér vinnuferlið og þann hvata sem lá að baki verkefninu.
 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.