Torino vill halda Hart

Joe Hart hefur staðið sig vel í ítalska boltanum með Torino og félagið vill nú kaupa markvörðinn.

Hann var lánaður til Ítalíu frá Man. City eftir að enska félagið keypti Claudio Bravo frá Barcelona.

„Við höfum átt frábært samstarf. Honum líður vel í Tórínó og vill vera hér áfram. Við erum að vinna í því að halda honum hér,“ sagði Urbano Cairo, forseti Torino.

„Auðvitað veltur þetta allt á Man. City og félagið verður að samþykkja að láta hann frá sér ef allt á að ganga upp.“

Torino er í níunda sæti ítölsku úrvalsdeildarinnar.