Viðskipti innlent

Útgerð keypti blokk á Raufarhöfn

Haraldur Guðmundsson skrifar
Fjölbýlishúsið var byggt árið 1981.
Fjölbýlishúsið var byggt árið 1981. Mynd/Jónas Friðrik
Útgerðarfélagið Hólmsteinn Helgason ehf. á Raufarhöfn keypti í lok síðasta árs eina fjölbýlishús þorpsins sem hafði þá staðið nánast autt í tvö til þrjú ár. Til stendur að gera allt húsið upp en tvær fyrstu íbúðirnar eru tilbúnar og var flutt inn í aðra þeirra á þriðjudag.

„Við erum að reyna að bjarga þessu frá eyðileggingu. Þarna eru ellefu íbúðir en undanfarið hefur einungis verið einn íbúi í húsinu. Þetta endaði inni í þrotabúi og var komið í hendurnar á bönkunum. Þeir voru búnir að halda hita á húsinu að mestu en þó voru frostskemmdir í ofnlögnum og því þurfti að skipta um þær svo hægt væri að kynda húsið að fullu,“ segir Hólmsteinn Björnsson, framkvæmdastjóri Hólmsteins Helgasonar ehf.

Fjölbýlishúsið við Aðalbraut 67 til 69 var auglýst til sölu af Leigubæ ehf. í júní 2013 og var uppsett verð þá 58 milljónir króna. Ári síðar skoruðu Íbúasamtök Raufarhafnar á sveitarstjórn Norðurþings að beita öllum tiltækum ráðum til að fylgja því eftir að húsinu yrði komið í viðunandi horf. Engin kynding væri á hluta hússins þar sem rafmagnsreikningar hefðu ekki verið greiddir. Blokkin væri því lýti á annars fallegu þorpi. Íbúðirnar eru tveggja til fjögurra herbergja. 

„Það er töluvert af farandverkafólki hérna í bráðabirgðahúsnæði. Við erum einir í þessu á þessu stigi og gerum ráð fyrir að klára húsið á þeim forsendum en svo veit maður ekki hvað framtíðin ber í skauti sér. Þetta gæti farið að hluta til í leigu til ferðamanna og til að styrkja framboðið hjá hótelinu þannig að þorpið eigi auðveldara með að taka við heilum rútum af ferðamönnum.“ 

Fréttin birtist fyrst í Fréttablaðinu






Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HAGA
2,42
20
323.275
EIM
2,25
13
147.811
BRIM
1,67
5
28.098
ICESEA
0,57
2
43.063
SJOVA
0,45
1
1.000

Mesta lækkun dagsins


Félag
Br.%
Fjöldi
Velta*
ICEAIR
-4,47
97
99.829
ARION
-1,37
32
341.841
REITIR
-0,29
4
3.460
SIMINN
-0,23
3
50.009
EIK
0
1
42
Velkomin á Vísi. Þessi vefur notar vafrakökur. Sjá nánar.