Emil lék allan leikinn í markalausu jafntefli

Emil Hallfreðsson og félagar í Udinese gerðu markalaust jafntefli við ChievoVerona í ítölsku seríu A-deildinni í dag. Emil lék allan leikinn inni á miðjunni fyrir Udinese.

Sampdoria fann óvæntan sigur á AC Milan, 1-0, á útivelli en Luis Muriel gerði eina mark leiksins á 70. mínútu og það úr vítaspyrnu.

Þá slátraði Lazio liði Pescara, 6-2, en Marco Parolo skoraði fjögur mörk í þeim leik fyrir Lazio.

Í kvöld mætast Juventus og Inter í stórleik helgarinnar á Ítalíu.

Juventus er í efsta sæti deildarinnar með 51 stig, þremur stigum meira en Napoli. Udinese er í því 12. með 29 stig.

Hér að neðan má sjá úrslit dagsins.

AC Milan 0 - 1 Sampdoria

Atalanta 2 - 0 Cagliari

ChievoVerona 0 - 0 Udinese

Empoli 1 - 1 Torino

Genoa 0 - 1 Sassuolo

Pescara 2 - 6 Lazio

17:00 Palermo - Crotone

19:45 Juventus - Inter