Steven Meisel myndaði vorherferð Zara

Vorherferð Zara hefur nú litið dagsins ljós en það var enginn annar en tískuljósmyndarinn Steven Meisel sem myndaði hana. Steven er einn virtasti ljósmyndari heims en hann hefur skotið herferðir fyrir mörg stærstu tískuhúsin sem og fyrir vinsælustu tímarit heims. 

Í gegnum tíðina hefur Zara ekki verið að eyða miklum pening í auglýsingaherferðir svo nýja herferðin eru óvenjulegt skref hjá spænska fatarisanum. Þekkt er að peningurinn sem Zara gæti notað í markaðssetningu er notaður í að koma búðum fyrir í bestu plássunum á flottustu verslunargötum heims. Zara hefur til dæmis ekki auglýst í tímaritum líkt og Topshop og H&M sem eru þær fatabúðir sem eiga svipaðan kúnnahóp. 

Þessi glæsilega herferð er þó einstaklega vel heppnuð og gefur góða mynd af því sem koma skal í verslunum Zara á næstu misserum.