Melania Trump í ljósbláu í setningarathöfn eiginmannsins

Setningarathöfn Donald Trump fer fram í Washington í dag og nú fyrir stuttu mætti hann ásamt eiginkonu sinni, Melania Trump, í Hvíta húsið þar sem fráfarandi forsetahjón, Barack og Michelle Obama tóku á móti þeim. 

Klæðaburður tilvonandi forsetafrúar Bandaríkjanna vakti athygli en hún klæddist ljósbláum kjól og jakka frá Ralp Lauren með hanska og í skóm í sama lit. Athygli vekur að fatnaðurinn þykir svipa mjög til þess sem Jaqueline Kennedy klæddist við setningarathöfn eiginmanns síns árið 1961, en eins og sjá má á myndinni var hún einnig í ljósbláu með hanska í sama lit. 

Það styttist í setningarathöfnina sjálfa og augu heimspressunnar eru á Washington í dag. 

#Inauguration Day style: @MELANIATRUMP mirrors Jackie Kennedy in @RalphLauren ensemble https://t.co/WUSgU4ttQP pic.twitter.com/2NaiE0f3W2

— TODAY (@TODAYshow) January 20, 2017