Glamour

Hætt saman eftir 10 ára samband

Ritstjórn skrifar
Úti er ævintýri.
Úti er ævintýri. Glamour/Getty

Leikaraparið Diane Kruger og Joshua Jackson eru hætt saman eftir 10 ára samband. 

Skilnaðurinn virðist vera í mestu vinsemd ef marka má tilkynningu frá parinu sem send var fjölmiðlum í gær þar sem þau segjast ætla að fara í sitthvora áttina en halda áfram að vera vinir. Parið hefur ávallt verið mjög áberandi á rauða dreglinum þar sem þau hafa yfirleitt vakið athygli fyrir smekklegan klæðaburð. 

Í byrjun árs var Kruger var í viðtali við The Edit þar sem hún sagðist vera að flytja til New York til að vera nær Jackson og að það væri stórt skref fyrir sig, en hingað til hefur hún verið að flakka á milli Vancouver og Paris. „Það er stórt skref fyrir mig í átt að því að verða fullorðin, að deila mínum tíma í einhvern annan en sjálfan mig,“ var haft eftir leikkonunni í viðtalinu. 

Það var alltaf gaman að sjá þessi tvö á rauða dreglinum og munum við sakna þess. 

Glamour/Getty


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.