Húsgögn sem stækka heimilið

Kynning: Hver hefur ekki séð heillandi rúm sem hægt er að láta hverfa inn í vegg á daginn? Nú getur draumur um slíka galdrasmíð ræst og hægt er að nota dýrmætt rými heimilisins í samveru og leik.

„Okkur fannst ákall eftir minni íbúðum kalla á lausnir þar sem hvert herbergi nýtist á tvo vegu og hvert húsgagn nýtist tvisvar sinnum,“ segir Ríkey Mortensen Pétursdóttir, markaðsstjóri hjá Hagvís sem býður nú frábæra nýjung á Íslandi sem eru húsgöng fyrir íbúðir þar sem hver fermetri skiptir máli.

„Markhópurinn eru stækkandi fjölskyldur sem vilja síður fara út í kostnaðarsama flutninga og fólk sem er að fjárfesta í sinni fyrstu íbúð en nær ekki að kaupa sér nægilega stórt húsnæði. Með þessari lausn getur tveggja herbergja íbúð hæglega verið fyrir fjögurra manna fjölskyldu.

Þá er hægt að hafa sófasett með hjónarúmi í stofunni og þar með nýta svefnherbergið, sem er ávallt stærst, fyrir unglingana saman eða haft kojur fyrir börnin, sem fer lítið fyrir. Uppbúin rúm, svo ég tali nú ekki um hjónarúm, taka fjögurra til fimm fermetra gólfpláss, sem betur má nota í leikrými eða dagstofu á daginn. Einnig er þetta snjöll lausn í gestaherbergið eða í tengslum við ferðaþjónustu, því þar má hafa fleiri svefnpláss, miðað við stærð herbergja, án þess að bæta við húsnæði sem er þegar til staðar,“ segir Ríkey.

Þegar Hagvís skoðaði sams konar lausnir frá hinum ýmsu framleiðendum heimsins heillaðist Ríkey af hágæða veggrúmum og húsgagnalausnum frá ítalska framleiðandanum WallbedItalia.

„WallbedItalia stendur fyrir fallega hönnun og mikil gæði. Stærstu markaðir þeirra eru Singapúr og New York, þar sem fermetrar eru dýrir og miklu skiptir að nýta plássið vel. Húsgögnin eru sérsmíðuð og getur hver viðskiptavinur ráðið efni og áferð á þann veg sem best hentar fyrir viðkomandi. Hönnunarteymið er öflugt og við getum verið í samvinnu um flóknari verk, sé þess óskað,“ útskýrir Ríkey.

Í verslun Hagvís er hægt að upplifa og sjá hversu vönduð og falleg húsgögnin eru. Hagstæðir samningar Hagvís við Wallbed­Italia tryggja sama verð á Íslandi og Ítalíu.

„Einkunnarorð Hagvís eru gæði, traust og öryggi, og WallbedItalia mætir þeim með sterkum, þrautreyndum og endingargóðum vörum. Ljúflokun og hljóðlátar pumpur auðvelda allar hreyfingar í hverju rúmi fyrir sig og upplifunin er stórkostlega ánægjuleg.“

Sjálfsali sem léttir undir 

Hagvís var stofnað 1985 og hefur síðan verið með umboð fyrir aðgengisstýringar utanhúss, girðingar, hlið, bómur og fleira frá Heras í Hollandi.

„Í fyrra bættist við umboð fyrir DormaKaba frá Þýskalandi með aðgangsstýringar innanhúss, og getur Hagvís því boðið upp á aðgengisstýringar frá lóðarmörkum að innsta herbergi. Þá erum við einnig með aðgangsstýringar fyrir hótelherbergi frá DormaKaba,“ upplýsir Ríkey.

„Vinsælasta varan frá DormaKaba er sjálfsali sem tekur á móti peningum og greiðslukortum. Hún er tilvalin fyrir ferðaþjónustuna, inn á salerni, söfn eða aðra staði þar sem greiða þarf fyrir þjónustuna. Eigandi sjálfsalans getur síðan ráðstafað því sem greitt er í aðgangseyri,“ segir Ríkey og við má bæta að Hagvís þjónustar að sjálfsögðu alla sjálfsala frá DormaKaba.

Greinin er unnin í samvinnu með Hagvís, sem er að Fossaleyni 16, 112 Reykjavík. Síminn er 460 1706. Sjá nánar á hagvis.is og á Facebook undir Hagvís Húsgögn.