Mikil öryggisgæsla er nú í Nairóbí, höfuðborg Kenía, en þar verður forsetinn Uhuru Kenyatta settur í embætti í annað sinn.
Mikið hefur gengið á í landinu en endurtaka þurfti forsetakosningarnar vegna ásakana um að Kenyatta hafi haft rangt við.
Helsti andstæðingur hans, Raila Odinga, sem tók ekki þátt í seinni umferðinni, hefur boðað fólk til mótmæla, þrátt fyrir að lögregla hafi lagt bann við slíku.
Búist er við því að um tuttugu þjóðhöfðingjar mæti til að vera viðstaddir athöfnina en Kenyatta vann seinni umferð kosninganna með 98 prósentum atkvæða.
Kjörsókn var hinsvegar afar dræm, eða aðeins um 39 prósent, enda hafði Odinga hvatt stuðningsmenn sína til að sniðganga kosningarnar.
Mikil öryggisgæsla í Naíróbí
Tengdar fréttir
Keníukosningar kostuðu einn unglingsdreng lífið
Gengið var til forsetakosninga í Keníu í gær í annað sinn á árinu. Kosningarnar sem fóru fram fyrr á árinu voru ógildar vegna ógagnsæis og galla á framkvæmd þeirra. Var því boðað til nýrra kosninga.
Staðfestir sigur Kenyatta í forsetakosningunum
David Maraga, forseti Hæstaréttar í Kenýa, segir að sex dómarar við réttinn hafi verið sammála um að Kenyatta sé réttkjörinn forseti.
