Hjörleifur Jakobsson kaupir í Kviku banka Hörður Ægisson skrifar 14. júlí 2017 07:00 Hlutafé Kviku fjárfestingarbanka verður aukið um allt að tvo milljarða króna til að fjármagna kaupin á Virðingu. Vísir/GVA Hjörleifur Jakobsson, fjárfestir og fyrrverandi stjórnarmaður í Kaupþingi, og eiginkona hans, Hjördís Ásberg, hafa eignast ríflega 3,3 prósenta hlut í Kviku banka. Seljandi bréfanna er eignarhaldsfélagið Brimgarðar, sem var fyrir viðskiptin næststærsti hluthafi fjárfestingarbankans með 8,3 prósent, en gengið var frá kaupunum fyrr í þessari viku. Eignarhlutur þeirra hjóna í Kviku er í gegnum safnreikning hjá Virðingu en eftir kaupin eru þau á meðal tíu stærstu hluthafa bankans. Hjörleifur, sem er í dag stjórnarformaður Öryggismiðstöðvarinnar og bílaumboðsins Öskju, var um tíma einn nánasti samstarfsmaður Ólafs Ólafssonar, aðaleiganda Samskipa, og stýrði þá fjárfestingarfélaginu Kili sem var stór hluthafi í Kaupþingi. Ekki liggur fyrir hvað hann greiddi fyrir bréfin í Kviku en ef gengið var hið sama og í janúar síðastliðnum, þegar tryggingafélagið VÍS keypti um 22 prósenta hlut í bankanum fyrir 5,4 krónur á hlut, má áætla að kaupverðið hafi verið rúmlega 250 milljónir króna. Þau hjónin hafa komið að ýmsum fjárfestingum á undanförnum árum, meðal annars að fjármögnun lúxushótelsins við Hörpu, en Hjörleifur var á árum áður forstjóri Hampiðjunnar og Olíufélagsins Esso. Eignarhaldsfélag þeirra seldi tæplega fjórtán prósenta hlut í Hampiðjunni vorið 2014 og nam hagnaður félagsins af sölunni um 760 milljónum. Þá er um þessar mundir verið að vinna að því að ganga frá sölu á Öryggismiðstöðunni, þar sem Hjörleifur er á meðal stærstu hluthafa, en félagið var sett í söluferli í lok apríl á þessu ári, eins og greint var frá í Fréttablaðinu. Brimgarðar eru í eigu systkinanna Guðnýjar Eddu, Gunnars Þórs, Eggerts Árna og Halldórs Páls Gíslabarna en félög í þeirra reka meðal annars matvælafyrirtækin Mata, Matfugl og Síld og fisk. Þá eru Brimgarðar jafnframt í hópi stærstu hluthafa í fasteignafélögunum Reitum, Regin og Eik. Þau systkinin komu inn í hluthafahóp Straums fjárfestingarbanka sumarið 2014 sem sameinaðist ári síðar MP banka undir nafninu Kvika.Hjörleifur Jakobsson var um árabil stjórnarmaður í Kaupþingi.Hlutafé aukið um 2 milljarða Talsvert hefur verið um viðskipti með bréf í Kviku banka á undanförnum mánuðum og misserum. Nokkrum vikum fyrir kaup VÍS á rúmlega fimmtungshlut í fjárfestingarbankanum í byrjun þessa árs höfðu annars vegar hjónin Svanhildur Nanna Vigfúsdóttir og Guðmundur Örn Þórðarson, fyrrverandi aðaleigendur Skeljungs og stórir hluthafar í VÍS, og félag í eigu Sigurðar Bollasonar og Dons McCarthy, fyrrverandi stjórnarmanns House of Fraser, keypt samanlagt 15 prósenta hlut í Kviku. Þá bætti VÍS við sig um þriggja prósenta hlut í bankanum í apríl síðastliðnum þegar tryggingafélagið keypti hlut Eignasafns Seðlabanka Íslands auk þess sem félagið RES II, sem er í meirihlutaeigu Sigurðar, gekk nýlega frá kaupum á stærstum hluta bréfa TM í Kviku og á eftir þau viðskipti tæplega tíu prósenta hlut. Á hluthafafundi Kviku sem fer fram í dag, föstudaginn 14. júlí, mun stjórn bankans leggja til að núverandi heimild til hækkunar hlutafjár félagsins verði aukin um 200 milljónir að nafnvirði, eða úr 200 milljónum í 400 milljónir hluta. Til stendur að auka hlutafé bankans um allt að tvo milljarða króna til að fjármagna kaupin á Virðingu en hluthafar verðbréfafyrirtækisins samþykktu í lok síðasta mánaðar með miklum meirihluta kauptilboð Kviku í allt hlutafé félagsins fyrir 2.560 milljónir. Að hve miklu leyti heimildin verður nýtt fer eftir afkomu Kviku á öðrum ársfjórðungi og eins endanlegu samþykki hluthafa bankans og Öldu sjóða en í byrjun júní var undirritaður samningur um kaup Virðingar á Öldu. Hluthafar Kviku hafa forgangsrétt til áskriftar að hinum nýju hlutum í bankanum í hlutfalli við skráða hlutafjáreign sína í félaginu. Ekki er búist við því að áskriftarloforð verði innheimt fyrr en í september eða október á þessu ári.Fréttin birtist fyrst í Fréttablaðinu. Mest lesið Hnífjöfn atkvæðagreiðsla sem gæti endað fyrir dómi Viðskipti innlent Dagar Workplace eru taldir Viðskipti erlent Fyrsta flugi Icelandair til Pittsburgh fagnað Viðskipti Segir arðgreiðslur ÁTVR hafa lækkað um 400 milljónir vegna netsölu Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Fóru í fyrsta flugið milli Calgary og Keflavíkurflugvallar Viðskipti innlent VÍS gefið yfir 1.100 fjölskyldum barnabílspegla í sængurgjöf Samstarf Ráðinn framkvæmdastjóri Landssambands veiðifélaga Viðskipti innlent Fleiri fréttir Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Sjá meira
Hjörleifur Jakobsson, fjárfestir og fyrrverandi stjórnarmaður í Kaupþingi, og eiginkona hans, Hjördís Ásberg, hafa eignast ríflega 3,3 prósenta hlut í Kviku banka. Seljandi bréfanna er eignarhaldsfélagið Brimgarðar, sem var fyrir viðskiptin næststærsti hluthafi fjárfestingarbankans með 8,3 prósent, en gengið var frá kaupunum fyrr í þessari viku. Eignarhlutur þeirra hjóna í Kviku er í gegnum safnreikning hjá Virðingu en eftir kaupin eru þau á meðal tíu stærstu hluthafa bankans. Hjörleifur, sem er í dag stjórnarformaður Öryggismiðstöðvarinnar og bílaumboðsins Öskju, var um tíma einn nánasti samstarfsmaður Ólafs Ólafssonar, aðaleiganda Samskipa, og stýrði þá fjárfestingarfélaginu Kili sem var stór hluthafi í Kaupþingi. Ekki liggur fyrir hvað hann greiddi fyrir bréfin í Kviku en ef gengið var hið sama og í janúar síðastliðnum, þegar tryggingafélagið VÍS keypti um 22 prósenta hlut í bankanum fyrir 5,4 krónur á hlut, má áætla að kaupverðið hafi verið rúmlega 250 milljónir króna. Þau hjónin hafa komið að ýmsum fjárfestingum á undanförnum árum, meðal annars að fjármögnun lúxushótelsins við Hörpu, en Hjörleifur var á árum áður forstjóri Hampiðjunnar og Olíufélagsins Esso. Eignarhaldsfélag þeirra seldi tæplega fjórtán prósenta hlut í Hampiðjunni vorið 2014 og nam hagnaður félagsins af sölunni um 760 milljónum. Þá er um þessar mundir verið að vinna að því að ganga frá sölu á Öryggismiðstöðunni, þar sem Hjörleifur er á meðal stærstu hluthafa, en félagið var sett í söluferli í lok apríl á þessu ári, eins og greint var frá í Fréttablaðinu. Brimgarðar eru í eigu systkinanna Guðnýjar Eddu, Gunnars Þórs, Eggerts Árna og Halldórs Páls Gíslabarna en félög í þeirra reka meðal annars matvælafyrirtækin Mata, Matfugl og Síld og fisk. Þá eru Brimgarðar jafnframt í hópi stærstu hluthafa í fasteignafélögunum Reitum, Regin og Eik. Þau systkinin komu inn í hluthafahóp Straums fjárfestingarbanka sumarið 2014 sem sameinaðist ári síðar MP banka undir nafninu Kvika.Hjörleifur Jakobsson var um árabil stjórnarmaður í Kaupþingi.Hlutafé aukið um 2 milljarða Talsvert hefur verið um viðskipti með bréf í Kviku banka á undanförnum mánuðum og misserum. Nokkrum vikum fyrir kaup VÍS á rúmlega fimmtungshlut í fjárfestingarbankanum í byrjun þessa árs höfðu annars vegar hjónin Svanhildur Nanna Vigfúsdóttir og Guðmundur Örn Þórðarson, fyrrverandi aðaleigendur Skeljungs og stórir hluthafar í VÍS, og félag í eigu Sigurðar Bollasonar og Dons McCarthy, fyrrverandi stjórnarmanns House of Fraser, keypt samanlagt 15 prósenta hlut í Kviku. Þá bætti VÍS við sig um þriggja prósenta hlut í bankanum í apríl síðastliðnum þegar tryggingafélagið keypti hlut Eignasafns Seðlabanka Íslands auk þess sem félagið RES II, sem er í meirihlutaeigu Sigurðar, gekk nýlega frá kaupum á stærstum hluta bréfa TM í Kviku og á eftir þau viðskipti tæplega tíu prósenta hlut. Á hluthafafundi Kviku sem fer fram í dag, föstudaginn 14. júlí, mun stjórn bankans leggja til að núverandi heimild til hækkunar hlutafjár félagsins verði aukin um 200 milljónir að nafnvirði, eða úr 200 milljónum í 400 milljónir hluta. Til stendur að auka hlutafé bankans um allt að tvo milljarða króna til að fjármagna kaupin á Virðingu en hluthafar verðbréfafyrirtækisins samþykktu í lok síðasta mánaðar með miklum meirihluta kauptilboð Kviku í allt hlutafé félagsins fyrir 2.560 milljónir. Að hve miklu leyti heimildin verður nýtt fer eftir afkomu Kviku á öðrum ársfjórðungi og eins endanlegu samþykki hluthafa bankans og Öldu sjóða en í byrjun júní var undirritaður samningur um kaup Virðingar á Öldu. Hluthafar Kviku hafa forgangsrétt til áskriftar að hinum nýju hlutum í bankanum í hlutfalli við skráða hlutafjáreign sína í félaginu. Ekki er búist við því að áskriftarloforð verði innheimt fyrr en í september eða október á þessu ári.Fréttin birtist fyrst í Fréttablaðinu.
Mest lesið Hnífjöfn atkvæðagreiðsla sem gæti endað fyrir dómi Viðskipti innlent Dagar Workplace eru taldir Viðskipti erlent Fyrsta flugi Icelandair til Pittsburgh fagnað Viðskipti Segir arðgreiðslur ÁTVR hafa lækkað um 400 milljónir vegna netsölu Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Fóru í fyrsta flugið milli Calgary og Keflavíkurflugvallar Viðskipti innlent VÍS gefið yfir 1.100 fjölskyldum barnabílspegla í sængurgjöf Samstarf Ráðinn framkvæmdastjóri Landssambands veiðifélaga Viðskipti innlent Fleiri fréttir Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Íslendingar þurfi að gæta hófs í vexti efnahagslífsins Sjá meira