Vilja selja allt hlutafé í Öryggismiðstöðinni Hörður Ægisson skrifar 4. maí 2017 07:00 Frá árinu 2012 hefur velta Öryggismiðstöðvarinnar aukist um meira en 90 prósent. vísir/eyþór Eigendur Öryggismiðstöðvar Íslands, sem eru meðal annars Hjörleifur Þór Jakobsson, fyrrverandi forstjóri Hampiðjunnar og Olíufélagsins Esso, og Guðmundur Ásgeirsson, oft kenndur við Nesskip, hafa ákveðið að bjóða til sölu allt hlutafé í félaginu. Hagnaður Öryggismiðstöðvarinnar nam ríflega 220 milljónum króna í fyrra og næstum tvöfaldaðist á milli ára. Í stuttri fjárfestakynningu sem var send á fjárfesta og ýmsa markaðsaðila í lok síðustu viku, og Fréttablaðið hefur undir höndum, kemur meðal annars fram að tekjur félagsins hafi aukist um liðlega fjórðung á árinu 2016 og numið tæplega 3,7 milljörðum króna. EBITDA-hagnaður – afkoma fyrir fjármagnsliði, afskriftir og skatta – batnaði einnig um liðlega 130 milljónir á milli ára og nam 421 milljón í fyrra. „Fjárhagur félagsins, staða Öryggismiðstöðvar Íslands á markaði og horfur í ytra rekstrarumhverfi hafa sjaldnast ef nokkurn tíma verið betri,“ segir í kynningunni. Hreinar vaxtaberandi skuldir félagsins voru 184 milljónir í árslok 2016 og eiginfjárhlutfall um 32 prósent.Hjörleifur Jakobsson, stjórnarformaður Öryggismiðstöðvarinnar.Það er fyrirtækjaráðgjöf verðbréfafyrirtækisins Arctica Finance sem hefur umsjón með söluferlinu á Öryggismiðstöðinni en frestur til að skila inn óskuldbindandi tilboðum í félagið er til 17. maí næstkomandi. Heildarvelta á öryggisþjónustumarkaðnum var talin vera á bilinu 8 til 13 milljarðar á árinu 2015. Neðri mörkin miðast þá einungis við tvö stærstu fyrirtækin – Öryggismiðstöðina og Securitas – en ef einnig er tekið tillit til áætlaðra umsvifa annarra aðila sem reka eigin öryggisgæslu, svo sem Isavia og Landspítalans, þá er stærð markaðarins um 4 til 5 milljörðum meiri. Á það er bent í kynningu Arctica Finance að vöxtur tveggja stærstu félaganna hafi verið mikill síðustu ár en á tímabilinu 2007 til 2015 var árlegur meðalvöxtur tekna ríflega níu prósent. Frá árinu 2012 hefur velta Öryggismiðstöðvarinnar aukist um meira en 90 prósent. Þá segir í kynningunni að uppgangur í íslensku efnahagslífi muni styðja við áframhaldandi vöxt og eftirspurn á öryggismarkaði auk þess sem „vænt breyting á aldurssamsetningu þjóðar [mun] stækka markaðinn frekar á komandi árum, hvort sem er á sviði öryggis- eða velferðartengdrar þjónustu.“ Stærsti eigandi Öryggismiðstöðvarinnar er Unaós ehf. með 90 prósenta hlut. Helstu eigendur þess félags, hvor um sig með ríflega 30 prósenta hlut, eru Guðmundur Ásgeirsson og hjónin Hjörleifur Þór og Hjördís Ásberg. Hjörleifur, sem er jafnframt stjórnarformaður Öryggismiðstöðvarinnar, var um tíma einn nánasti samstarfsmaður Ólafs Ólafssonar, aðaleiganda Samskipa, og stýrði þá fjárfestingarfélaginu Kili sem var stór hluthafi í Kaupþingi og sat í stjórn bankans. Eignarhaldsfélag Hjörleifs og eiginkonu hans seldi tæplega fjórtán prósenta hlut í Hampiðjunni í maí 2014 og nam hagnaður félagsins af sölunni 760 milljónum. Þá var Hjörleifur á meðal þeirra einkafjárfesta sem voru umsvifamiklir í fjármögnun lúxushótelsins við Hörpu sem lauk í árslok 2016. Aðrir hluthafar í Öryggismiðstöðinni eru meðal annars Róbert Aron Róbertsson, sem hefur starfað náið með Ólafi Ólafssyni undanfarin ár og setið í stjórnum margra félaga á hans vegum, og Ragnar Þór Jónsson, forstjóri Öryggismiðstöðvarinnar, en hann á ríflega 4,3 prósent í fyrirtækinu. Birtist í Fréttablaðinu Mest lesið Lagning gjaldþrota Viðskipti innlent Lífsverk og Almenni lífeyrissjóðurinn í eina sæng Viðskipti innlent Fyrrverandi bankastjóri nýr forstjóri Thor landeldis Viðskipti innlent Sannfærð um að hún var Skoti í fyrra lífi Atvinnulíf Uppsagnir hjá Fjársýslunni Viðskipti innlent Trump setur tolla á lyf, vörubíla og húsgögn Viðskipti erlent Ekki of seint að breyta starfsframa eða vinnu eftir fimmtugt Atvinnulíf „Fyrir löngu orðin að aðstoðarmanninum sem ég leitaði að í tólf ár“ Atvinnulíf Viðskiptavinurinn alltaf í fókus Samstarf Hvernig fæ ég unglingana mína til að fara betur með peninga? Viðskipti innlent Fleiri fréttir Lífsverk og Almenni lífeyrissjóðurinn í eina sæng Lagning gjaldþrota Fyrrverandi bankastjóri nýr forstjóri Thor landeldis Edda María leiðir stafræna markaðsþjónustu Vettvangs Uppsagnir hjá Fjársýslunni Guðný ráðin fræðslustjóri og Kristófer Orri í gjaldeyrismiðlun Kostaði tvo milljarða að selja Íslandsbanka Verðbólgan 4,1% og fer upp á milli mánaða Bein útsending: Framsýn forysta Opnar stað í anda Kaffi Vest í Fossvoginum Neyslan mikil og sjá ekki að stýrivextir fari hratt lækkandi Sexfölduðu veltuna á einu ári Gjaldeyrisforðinn nálægt billjón króna Rúna nýr innkaupastjóri Banana Úr geimskipaútgerð til Faxaflóahafna Bein útsending: Kynna yfirlýsingu fjármálastöðugleikanefndar Selur Alvogen í Bandaríkjunum með samruna sem skapar risa á lyfjamarkaði Óvissa á alþjóðavettvangi undirstrikar mikilvægi ríflegs gjaldeyrisforða SVEIT muni afhenda öll gögn og ekki greiða dagsektir SVEIT sleppi ekki við milljónasektir Bætist í eigendahóp Strategíu Guðrún til Landsbankans Hvernig fæ ég unglingana mína til að fara betur með peninga? „Það er betlmenning og allir eiga að fá allt frítt“ Vélfag stefnir ríkinu Meirihluti í SA andvígur ESB aðild Ráðinn nýr tækni- og þjónustustjóri Advania á Akureyri Syndis kaupir sænskt fyrirtæki Tveir nýir stjórnendur hjá Símanum Jóhann Páll hættir við þátttöku á haustfundi SVEIT Sjá meira
Eigendur Öryggismiðstöðvar Íslands, sem eru meðal annars Hjörleifur Þór Jakobsson, fyrrverandi forstjóri Hampiðjunnar og Olíufélagsins Esso, og Guðmundur Ásgeirsson, oft kenndur við Nesskip, hafa ákveðið að bjóða til sölu allt hlutafé í félaginu. Hagnaður Öryggismiðstöðvarinnar nam ríflega 220 milljónum króna í fyrra og næstum tvöfaldaðist á milli ára. Í stuttri fjárfestakynningu sem var send á fjárfesta og ýmsa markaðsaðila í lok síðustu viku, og Fréttablaðið hefur undir höndum, kemur meðal annars fram að tekjur félagsins hafi aukist um liðlega fjórðung á árinu 2016 og numið tæplega 3,7 milljörðum króna. EBITDA-hagnaður – afkoma fyrir fjármagnsliði, afskriftir og skatta – batnaði einnig um liðlega 130 milljónir á milli ára og nam 421 milljón í fyrra. „Fjárhagur félagsins, staða Öryggismiðstöðvar Íslands á markaði og horfur í ytra rekstrarumhverfi hafa sjaldnast ef nokkurn tíma verið betri,“ segir í kynningunni. Hreinar vaxtaberandi skuldir félagsins voru 184 milljónir í árslok 2016 og eiginfjárhlutfall um 32 prósent.Hjörleifur Jakobsson, stjórnarformaður Öryggismiðstöðvarinnar.Það er fyrirtækjaráðgjöf verðbréfafyrirtækisins Arctica Finance sem hefur umsjón með söluferlinu á Öryggismiðstöðinni en frestur til að skila inn óskuldbindandi tilboðum í félagið er til 17. maí næstkomandi. Heildarvelta á öryggisþjónustumarkaðnum var talin vera á bilinu 8 til 13 milljarðar á árinu 2015. Neðri mörkin miðast þá einungis við tvö stærstu fyrirtækin – Öryggismiðstöðina og Securitas – en ef einnig er tekið tillit til áætlaðra umsvifa annarra aðila sem reka eigin öryggisgæslu, svo sem Isavia og Landspítalans, þá er stærð markaðarins um 4 til 5 milljörðum meiri. Á það er bent í kynningu Arctica Finance að vöxtur tveggja stærstu félaganna hafi verið mikill síðustu ár en á tímabilinu 2007 til 2015 var árlegur meðalvöxtur tekna ríflega níu prósent. Frá árinu 2012 hefur velta Öryggismiðstöðvarinnar aukist um meira en 90 prósent. Þá segir í kynningunni að uppgangur í íslensku efnahagslífi muni styðja við áframhaldandi vöxt og eftirspurn á öryggismarkaði auk þess sem „vænt breyting á aldurssamsetningu þjóðar [mun] stækka markaðinn frekar á komandi árum, hvort sem er á sviði öryggis- eða velferðartengdrar þjónustu.“ Stærsti eigandi Öryggismiðstöðvarinnar er Unaós ehf. með 90 prósenta hlut. Helstu eigendur þess félags, hvor um sig með ríflega 30 prósenta hlut, eru Guðmundur Ásgeirsson og hjónin Hjörleifur Þór og Hjördís Ásberg. Hjörleifur, sem er jafnframt stjórnarformaður Öryggismiðstöðvarinnar, var um tíma einn nánasti samstarfsmaður Ólafs Ólafssonar, aðaleiganda Samskipa, og stýrði þá fjárfestingarfélaginu Kili sem var stór hluthafi í Kaupþingi og sat í stjórn bankans. Eignarhaldsfélag Hjörleifs og eiginkonu hans seldi tæplega fjórtán prósenta hlut í Hampiðjunni í maí 2014 og nam hagnaður félagsins af sölunni 760 milljónum. Þá var Hjörleifur á meðal þeirra einkafjárfesta sem voru umsvifamiklir í fjármögnun lúxushótelsins við Hörpu sem lauk í árslok 2016. Aðrir hluthafar í Öryggismiðstöðinni eru meðal annars Róbert Aron Róbertsson, sem hefur starfað náið með Ólafi Ólafssyni undanfarin ár og setið í stjórnum margra félaga á hans vegum, og Ragnar Þór Jónsson, forstjóri Öryggismiðstöðvarinnar, en hann á ríflega 4,3 prósent í fyrirtækinu.
Birtist í Fréttablaðinu Mest lesið Lagning gjaldþrota Viðskipti innlent Lífsverk og Almenni lífeyrissjóðurinn í eina sæng Viðskipti innlent Fyrrverandi bankastjóri nýr forstjóri Thor landeldis Viðskipti innlent Sannfærð um að hún var Skoti í fyrra lífi Atvinnulíf Uppsagnir hjá Fjársýslunni Viðskipti innlent Trump setur tolla á lyf, vörubíla og húsgögn Viðskipti erlent Ekki of seint að breyta starfsframa eða vinnu eftir fimmtugt Atvinnulíf „Fyrir löngu orðin að aðstoðarmanninum sem ég leitaði að í tólf ár“ Atvinnulíf Viðskiptavinurinn alltaf í fókus Samstarf Hvernig fæ ég unglingana mína til að fara betur með peninga? Viðskipti innlent Fleiri fréttir Lífsverk og Almenni lífeyrissjóðurinn í eina sæng Lagning gjaldþrota Fyrrverandi bankastjóri nýr forstjóri Thor landeldis Edda María leiðir stafræna markaðsþjónustu Vettvangs Uppsagnir hjá Fjársýslunni Guðný ráðin fræðslustjóri og Kristófer Orri í gjaldeyrismiðlun Kostaði tvo milljarða að selja Íslandsbanka Verðbólgan 4,1% og fer upp á milli mánaða Bein útsending: Framsýn forysta Opnar stað í anda Kaffi Vest í Fossvoginum Neyslan mikil og sjá ekki að stýrivextir fari hratt lækkandi Sexfölduðu veltuna á einu ári Gjaldeyrisforðinn nálægt billjón króna Rúna nýr innkaupastjóri Banana Úr geimskipaútgerð til Faxaflóahafna Bein útsending: Kynna yfirlýsingu fjármálastöðugleikanefndar Selur Alvogen í Bandaríkjunum með samruna sem skapar risa á lyfjamarkaði Óvissa á alþjóðavettvangi undirstrikar mikilvægi ríflegs gjaldeyrisforða SVEIT muni afhenda öll gögn og ekki greiða dagsektir SVEIT sleppi ekki við milljónasektir Bætist í eigendahóp Strategíu Guðrún til Landsbankans Hvernig fæ ég unglingana mína til að fara betur með peninga? „Það er betlmenning og allir eiga að fá allt frítt“ Vélfag stefnir ríkinu Meirihluti í SA andvígur ESB aðild Ráðinn nýr tækni- og þjónustustjóri Advania á Akureyri Syndis kaupir sænskt fyrirtæki Tveir nýir stjórnendur hjá Símanum Jóhann Páll hættir við þátttöku á haustfundi SVEIT Sjá meira