Afar mikill viðbúnaður vegna hryðjuverkaógnar á EM í Frakklandi Eiríkur Stefán Ásgeirsson skrifar 15. apríl 2016 06:00 Víðir Reynisson, öryggisfulltrúi KSÍ, í aðdraganda viðureignar karlalandsliðsins gegn Hollandi í Amsterdam síðasltiðið haust. vísir/óskaró Öryggi þeirra sem koma að Evrópumótinu í knattspyrnu í Frakklandi í sumar hefur verið til mikillar umræðu í aðdraganda keppninnar, ekki síst í ljósi hryðjuverkanna sem voru framin í París í haust og Brussel fyrr í vetur. Víðir Reynisson er öryggisfulltrúi Íslands á EM í sumar en mótið hefst 10. júní og stendur yfir í einn mánuð. Íslenska A-landslið karla er að taka þátt í sínu fyrsta stórmóti frá upphafi og segir Víðir að umfangið í öryggisgæslu mótsins sé ekki nokkru líkt því sem Íslendingar hafa kynnst áður. „Við höfum átt keppendur á Ólympíuleikum og landslið á stórmótum í öðrum greinum. En ég tel að íslenskt íþróttafólk hafi ekki kynnst öðru eins í líkingu við það sem við munum upplifa í Frakklandi í sumar,“ sagði Víðir við Fréttablaðið í gær. Hann mun í dag halda til Frakklands að funda með frönsku lögreglunni og rýna í smáatriði sem lúta að dagskrá íslenska knattspyrnulandsliðsins í Frakklandi í sumar.Hryðjuverkin breyttu litlu Víðir og fulltrúar KSÍ hafa fundað reglulega með mótshöldurum og frönskum yfirvöldum síðan í haust um öryggismál. Frá fyrsta degi var ljóst að gríðarlega mikið umfang er með starfseminni og allt gert til að tryggja öryggi allra þeirra sem sækja mótið í sumar. Hann segir að hryðjuverkin í París og Brussel hafi í raun litlu breytt um öryggisaðgerðir á mótinu og undirbúning. „Hryðjuverkaógnin var alltaf hluti af áhættunni. Frakkarnir gerðu alltaf ráð fyrir henni í sínum plönum,“ segir hann. „Eftir hryðjuverkin sem við urðum vitni að í vetur voru allar áætlanir endurskoðaðar en í raun var komist að sömu niðurstöðu. Hryðjuverkaógnin var alltaf til staðar og er enn.“ Fyllsta öryggis verður gætt í kringum leikmenn og starfsmenn keppnisliðanna, sem og áhorfenda á leikdögum. En í hverri borg sem hýsir leiki verða sérstök svæði afmörkuð fyrir almenning sem getur fylgst með leikjum á risaskjáum – svokölluð Fan Zone. „Það verður afar umfangsmikil öryggisgæsla í kringum alla opinbera viðburði sem eru haldnir í tengslum við mótið – ekki bara leikina sjálfa,“ segir Víðir.Tímafrekt að komast á völlinn Fjölmargir Íslendingar munu leggja leið sína til Frakklands til að styðja við strákana okkar. Víðir segir að það verði ný reynsla fyrir langflesta þeirra að komast á leikina. „Á Íslandi erum við vön því að geta mætt á völlinn nokkrum mínútum fyrir leik en það er ljóst að það mun taka mun meiri tíma í Frakklandi. Það mun taka töluverðan tíma að fara í gegnum öll öryggisatriði. Bæði verður þess gætt að menn komist ekki inn með falsaða miða og ekki í leyfisleysi,“ segir Víðir og bætir við að ítarlegar leiðbeiningar verði gefnar út til stuðningsmanna um þessi mál innan skamms. Meðal þess sem hefur borið á góma í kjölfar hryðjuverkanna er sá möguleiki að leikir fari fram fyrir luktum dyrum, sé hryðjuverkaógn yfirvofandi. Víðir telur það afar ósennilegan möguleika. „Mér finnst þetta skrýtin umræða án þess að ég viti sérstaklega hvað menn hafi fyrir sér í þessum málum. Ég veit ekki hvað ætti að verða til þess að menn telji betra að spila fyrir luktum dyrum og hafa þá tugþúsundir áhorfenda á öðrum stöðum að horfa á leikinn,“ segir Víðir og bendir á að hryðjuverkamenn reyndu að komast inn á þjóðarleikvang Frakka þar sem heimamenn mættu Þjóðverjum í vináttulandsleik þann 13. nóvember sl. „Þá reyndu þessir menn að koma sér inn á völlinn en tókst ekki.“Mikil öryggisgæsla verður á EM í sumar.vísir/gettyFranska lögreglan stýrir aðgerðum Franska lögreglan mun hafa yfirumsjón með öllum öryggisaðgerðum fyrir íslenska landsliðið, í nánu samstarfi við KSÍ. Öryggisfulltrúinn Víðir Reynisson vildi þó ekki segja nánar frá því að svo stöddu hvernig staðið yrði að öryggisgæslunni. „Ég vil ekki fara út í nein smáatriði en lögreglan hefur yfirumsjón með aðgerðunum og fær einkafyrirtæki, líkt og Securitas, til aðstoðar,“ segir Víðir. Íslenska landsliðið verður í smábænum Annecy á afskekktu hóteli í útjaðri bæjarins. „Staðsetningin og aðkoman að hótelinu er góð hvað öryggið varðar. Ég á ekki von á öðru en að þægindin verði í fyrirrúmi fyrir strákana enda miðar öll okkar vinna að því að fótboltinn verði aðalatriði og að öryggismál trufli ekki þá dagskrá sem hefur verið hönnuð fyrir liðið.“ EM 2016 í Frakklandi Mest lesið Bakgarðshlaupið í beinni útsendingu Sport „Ég sakna hennar á hverjum degi“ Handbolti Féllu á meðan þjálfarinn sem þeir ráku hélt Blackburn uppi Enski boltinn HSÍ lengir bann Einars: „Framganga þjálfarans var mjög ógnandi og ódrengileg“ Handbolti Enginn náð í fleiri stig en McKenna síðan hann tók við Ipswich Enski boltinn Darius Morris látinn aðeins þrjátíu og þriggja ára að aldri Körfubolti „Við þurfum níu stig til að vinna titilinn“ Enski boltinn Sú markahæsta með tár á hvarmi er hún tilkynnti brotthvarf sitt frá Chelsea Enski boltinn Dagskráin í dag: Sófasunnudagur af bestu gerð Sport „Við höldum bara áfram þangað til að leikurinn er búinn“ Körfubolti Fleiri fréttir Segir að móðurhlutverkið hafi gert sig að betri leikmanni Féllu á meðan þjálfarinn sem þeir ráku hélt Blackburn uppi Sú markahæsta með tár á hvarmi er hún tilkynnti brotthvarf sitt frá Chelsea Enginn náð í fleiri stig en McKenna síðan hann tók við Ipswich „Við þurfum níu stig til að vinna titilinn“ Girona í fyrsta sinn í Meistaradeild Evrópu og tryggði Real í leiðinni titilinn Skoraði fernu og Englandsmeistararnir halda í við Skytturnar „Lítur ekki vel út með Elmar, ég er hræddur um að þetta sé svipað og hjá Eiði“ Real Madrid náði fjórtán stiga forskoti á toppnum Kane skoraði en Bayern tapaði Newcastle fór illa með Jóa Berg og félaga á Turf Moor Uppgjörið: FH - Vestri 3-2 | FH kom til baka og vann fjórða leikinn í röð Eyjamenn byrja fótboltasumarið ekki vel Kristín Dís og Þórdís fögnuðu sigri en það gekk illa hjá Halmstad strákunum Diljá og félagar töpuðu toppslagnum á heimavelli Arsenal menn kláruðu sitt og nú er pressan á Man. City Ipswich Town aftur upp í ensku úrvalsdeildina eftir 22 ára fjarveru Þórir bæði með mark og stoðsendingu Andrea á batavegi: „Gott fyrir alla að sjá hana brosandi“ Glódís Perla þýskur meistari annað árið í röð Arteta segir að Gabriel Jesus sé ekki á förum í sumar Með sjö í þremur: „Kannski margir sem afskrifa mann en mér finnst ég eiga nóg eftir“ Clattenburg hættur og segist hafa verið skotmark sérfræðinga Óvænt úrslit í fyrstu umferð Lengjudeildarinnar „Hún er með hjartagalla en í góðum höndum núna og vonandi fer allt vel“ „Ég er spennt að fara heim að sofa“ Luton mistókst að koma sér úr fallsæti „Við vissum að við þyrftum að þjást“ Uppgjör, viðtöl og myndir: Breiðablik - FH 3-0 | Blikar héldu uppteknum hætti Uppgjörið: Stjarnan - Tindastóll 0-2 | Fyrstu mörkin og fyrsti sigurinn hjá Stólunum Sjá meira
Öryggi þeirra sem koma að Evrópumótinu í knattspyrnu í Frakklandi í sumar hefur verið til mikillar umræðu í aðdraganda keppninnar, ekki síst í ljósi hryðjuverkanna sem voru framin í París í haust og Brussel fyrr í vetur. Víðir Reynisson er öryggisfulltrúi Íslands á EM í sumar en mótið hefst 10. júní og stendur yfir í einn mánuð. Íslenska A-landslið karla er að taka þátt í sínu fyrsta stórmóti frá upphafi og segir Víðir að umfangið í öryggisgæslu mótsins sé ekki nokkru líkt því sem Íslendingar hafa kynnst áður. „Við höfum átt keppendur á Ólympíuleikum og landslið á stórmótum í öðrum greinum. En ég tel að íslenskt íþróttafólk hafi ekki kynnst öðru eins í líkingu við það sem við munum upplifa í Frakklandi í sumar,“ sagði Víðir við Fréttablaðið í gær. Hann mun í dag halda til Frakklands að funda með frönsku lögreglunni og rýna í smáatriði sem lúta að dagskrá íslenska knattspyrnulandsliðsins í Frakklandi í sumar.Hryðjuverkin breyttu litlu Víðir og fulltrúar KSÍ hafa fundað reglulega með mótshöldurum og frönskum yfirvöldum síðan í haust um öryggismál. Frá fyrsta degi var ljóst að gríðarlega mikið umfang er með starfseminni og allt gert til að tryggja öryggi allra þeirra sem sækja mótið í sumar. Hann segir að hryðjuverkin í París og Brussel hafi í raun litlu breytt um öryggisaðgerðir á mótinu og undirbúning. „Hryðjuverkaógnin var alltaf hluti af áhættunni. Frakkarnir gerðu alltaf ráð fyrir henni í sínum plönum,“ segir hann. „Eftir hryðjuverkin sem við urðum vitni að í vetur voru allar áætlanir endurskoðaðar en í raun var komist að sömu niðurstöðu. Hryðjuverkaógnin var alltaf til staðar og er enn.“ Fyllsta öryggis verður gætt í kringum leikmenn og starfsmenn keppnisliðanna, sem og áhorfenda á leikdögum. En í hverri borg sem hýsir leiki verða sérstök svæði afmörkuð fyrir almenning sem getur fylgst með leikjum á risaskjáum – svokölluð Fan Zone. „Það verður afar umfangsmikil öryggisgæsla í kringum alla opinbera viðburði sem eru haldnir í tengslum við mótið – ekki bara leikina sjálfa,“ segir Víðir.Tímafrekt að komast á völlinn Fjölmargir Íslendingar munu leggja leið sína til Frakklands til að styðja við strákana okkar. Víðir segir að það verði ný reynsla fyrir langflesta þeirra að komast á leikina. „Á Íslandi erum við vön því að geta mætt á völlinn nokkrum mínútum fyrir leik en það er ljóst að það mun taka mun meiri tíma í Frakklandi. Það mun taka töluverðan tíma að fara í gegnum öll öryggisatriði. Bæði verður þess gætt að menn komist ekki inn með falsaða miða og ekki í leyfisleysi,“ segir Víðir og bætir við að ítarlegar leiðbeiningar verði gefnar út til stuðningsmanna um þessi mál innan skamms. Meðal þess sem hefur borið á góma í kjölfar hryðjuverkanna er sá möguleiki að leikir fari fram fyrir luktum dyrum, sé hryðjuverkaógn yfirvofandi. Víðir telur það afar ósennilegan möguleika. „Mér finnst þetta skrýtin umræða án þess að ég viti sérstaklega hvað menn hafi fyrir sér í þessum málum. Ég veit ekki hvað ætti að verða til þess að menn telji betra að spila fyrir luktum dyrum og hafa þá tugþúsundir áhorfenda á öðrum stöðum að horfa á leikinn,“ segir Víðir og bendir á að hryðjuverkamenn reyndu að komast inn á þjóðarleikvang Frakka þar sem heimamenn mættu Þjóðverjum í vináttulandsleik þann 13. nóvember sl. „Þá reyndu þessir menn að koma sér inn á völlinn en tókst ekki.“Mikil öryggisgæsla verður á EM í sumar.vísir/gettyFranska lögreglan stýrir aðgerðum Franska lögreglan mun hafa yfirumsjón með öllum öryggisaðgerðum fyrir íslenska landsliðið, í nánu samstarfi við KSÍ. Öryggisfulltrúinn Víðir Reynisson vildi þó ekki segja nánar frá því að svo stöddu hvernig staðið yrði að öryggisgæslunni. „Ég vil ekki fara út í nein smáatriði en lögreglan hefur yfirumsjón með aðgerðunum og fær einkafyrirtæki, líkt og Securitas, til aðstoðar,“ segir Víðir. Íslenska landsliðið verður í smábænum Annecy á afskekktu hóteli í útjaðri bæjarins. „Staðsetningin og aðkoman að hótelinu er góð hvað öryggið varðar. Ég á ekki von á öðru en að þægindin verði í fyrirrúmi fyrir strákana enda miðar öll okkar vinna að því að fótboltinn verði aðalatriði og að öryggismál trufli ekki þá dagskrá sem hefur verið hönnuð fyrir liðið.“
EM 2016 í Frakklandi Mest lesið Bakgarðshlaupið í beinni útsendingu Sport „Ég sakna hennar á hverjum degi“ Handbolti Féllu á meðan þjálfarinn sem þeir ráku hélt Blackburn uppi Enski boltinn HSÍ lengir bann Einars: „Framganga þjálfarans var mjög ógnandi og ódrengileg“ Handbolti Enginn náð í fleiri stig en McKenna síðan hann tók við Ipswich Enski boltinn Darius Morris látinn aðeins þrjátíu og þriggja ára að aldri Körfubolti „Við þurfum níu stig til að vinna titilinn“ Enski boltinn Sú markahæsta með tár á hvarmi er hún tilkynnti brotthvarf sitt frá Chelsea Enski boltinn Dagskráin í dag: Sófasunnudagur af bestu gerð Sport „Við höldum bara áfram þangað til að leikurinn er búinn“ Körfubolti Fleiri fréttir Segir að móðurhlutverkið hafi gert sig að betri leikmanni Féllu á meðan þjálfarinn sem þeir ráku hélt Blackburn uppi Sú markahæsta með tár á hvarmi er hún tilkynnti brotthvarf sitt frá Chelsea Enginn náð í fleiri stig en McKenna síðan hann tók við Ipswich „Við þurfum níu stig til að vinna titilinn“ Girona í fyrsta sinn í Meistaradeild Evrópu og tryggði Real í leiðinni titilinn Skoraði fernu og Englandsmeistararnir halda í við Skytturnar „Lítur ekki vel út með Elmar, ég er hræddur um að þetta sé svipað og hjá Eiði“ Real Madrid náði fjórtán stiga forskoti á toppnum Kane skoraði en Bayern tapaði Newcastle fór illa með Jóa Berg og félaga á Turf Moor Uppgjörið: FH - Vestri 3-2 | FH kom til baka og vann fjórða leikinn í röð Eyjamenn byrja fótboltasumarið ekki vel Kristín Dís og Þórdís fögnuðu sigri en það gekk illa hjá Halmstad strákunum Diljá og félagar töpuðu toppslagnum á heimavelli Arsenal menn kláruðu sitt og nú er pressan á Man. City Ipswich Town aftur upp í ensku úrvalsdeildina eftir 22 ára fjarveru Þórir bæði með mark og stoðsendingu Andrea á batavegi: „Gott fyrir alla að sjá hana brosandi“ Glódís Perla þýskur meistari annað árið í röð Arteta segir að Gabriel Jesus sé ekki á förum í sumar Með sjö í þremur: „Kannski margir sem afskrifa mann en mér finnst ég eiga nóg eftir“ Clattenburg hættur og segist hafa verið skotmark sérfræðinga Óvænt úrslit í fyrstu umferð Lengjudeildarinnar „Hún er með hjartagalla en í góðum höndum núna og vonandi fer allt vel“ „Ég er spennt að fara heim að sofa“ Luton mistókst að koma sér úr fallsæti „Við vissum að við þyrftum að þjást“ Uppgjör, viðtöl og myndir: Breiðablik - FH 3-0 | Blikar héldu uppteknum hætti Uppgjörið: Stjarnan - Tindastóll 0-2 | Fyrstu mörkin og fyrsti sigurinn hjá Stólunum Sjá meira