Tattúbar í 8 ára afmælisveislu igló+indi

Íslenska barnafatamerkið igló+indi hélt upp á átta ára afmæli sitt um helgina í verslun sinni í Smáralind.

Fjölmargir lögðu leið sína í verslunina til að fagna enda mikið um dýrðir með glæsilegum veitingum, blöðrum og heilum tattúbar fyrir unga afmælisgesti. 

Igló+Indi var stofnað árið 2008 af fatahönnuðinum Helgu Ólafsdóttur og rekur í dag tvær verslanir hér á landi, í Smáralind og á Skólavörðustíg, sem og vefverslunina Igloindi.com. Vörur frá merkinu eru svo seldar í yfir 100 verslunum út um allan heim en þær eru framleiddar úr GOTS vottaðri lífrænni bómull í Portúgal. Nýjar línur frá merkinu koma tvisvar á ári sem og smærri línur inn á milli í takmörkuðu upplagi. 

Myndirnar tók Björg Vigfúsdóttir.