Ekki láta aðra smita þig Ari Þórðarson skrifar 10. febrúar 2016 07:00 Allir sem reka fyrirtæki vita að fjarvistir starfsmanna vegna veikinda skapa vandræði, tefja verk og hafa því afar neikvæð áhrif á rekstur fyrirtækjanna. Sama gildir um börn sem veikjast í skólanum, enda þurfa foreldrar gjarnan að vera frá vinnu til að sinna veikum börnum. Til verður keðjuverkun þar sem álag á þá starfsmenn sem eru við hestaheilsu eykst vegna fjarveru samstarfsfólks. Það sama fólk á á hættu að verða veikt vegna mögulegs smits frá öðrum starfsmönnum. Margir vinnuveitendur gera sitt til að reyna að draga úr veikindum starfsmanna, til dæmis með því að bjóða upp á flensusprautur, hvetja til handþvotta og fleira. Fáir átta sig á mikilvægi ræstinga á vinnustöðum í þessu samhengi. Það er augljóst heilbrigðismál að þrífa í kringum sig. Með reglulegum ræstingum með réttum hreinsiefnum og aðferðum má draga úr sýklaflórunni sem herjar á ónæmiskerfið. Hvort sem það er á vinnustaðnum eða í skólanum ættu stjórnendur að leggja ríka áherslu á reglulegar ræstingar sem hluta af áherslu á heilbrigði starfsmanna.Um 44% mættu veik til vinnu Það er ekki auðvelt að sjá umfang vandamálsins, sem gæti verið hluti af skýringunni á því hversu mikið kæruleysi virðist ríkja hvað gæði ræstinga varðar. Í kjarakönnun BHM sem gerð var 2014 kom fram að 44,3% þeirra sem þátt tóku í könnuninni höfðu mætt veikir til vinnu á 12 mánaða tímabili. Litlu færri, eða 43,9%, höfðu verið frá vinnu vegna eigin veikinda eða veikinda barna án þess að vinna heima. Nú er óvarlegt að áætla að hlutfallið sé eins í öllum geirum samfélagsins. En sé það eitthvað í líkingu við þetta þýðir það að af tæplega 190 þúsund vinnandi manns eru um 83 þúsund þeirra frá vinnu í einn eða fleiri daga á hverju ári. Það þýðir líka að svipaður fjöldi mætir veikur í vinnuna, með tilheyrandi smithættu, samanber áðurnefnda könnun. Bakteríur eiga greiða leið á milli fólks, hvort sem það er á leikskólanum, í kaffiteríunni eða á salerninu. Hreinlæti er augljóst heilbrigðismál enda ljóst að veikindi starfsfólks sem mætir veikt til vinnu getur skapað mikla smithættu. Sé hreinlæti ábótavant hefur það beinar afleiðingar á fjarveru starfsmanna. Þessi keðjuverkun dregur úr framleiðni fyrirtækja og dregur atvinnulífið niður.Skammsýnin ræður för Þá kemur að þætti stjórnenda sem sjá um kaup á ræstingu í skólum og öðrum vinnustöðum. Þar er víða pottur brotinn. Margir leggja ofur áherslu á lágt verð en láta sig litlu skipta hvernig gæði ræstinganna eru svo framarlega sem einhver lágmarksskilyrði eru uppfyllt. Þarna ræður skammsýni alltof oft för enda geta krónur sem fara í að bæta ræstingu komið margfalt til baka ef þær draga úr veikindum þeirra sem starfa í því umhverfi sem ræst er, hvort sem það eru starfsmenn á vinnustað eða börn í leikskólum, grunnskólum eða á öðrum skólastigum. Það sama gildir um ræstingar og matarinnkaup. Við kaupum ekki alltaf ódýrasta matinn sem í boði er, nema við séum illa stödd fjárhagslega. Við skoðum innihaldið og veljum hollan og góðan mat frekar en ódýra og lélegri vöru. Það gerum við heilsu okkar vegna. Á sama hátt og við horfum á gæði matarins sem við borðum ættum við að horfa á gæði ræstinga í umhverfi okkar.Skaðleg stefna Við þurfum að breyta því viðhorfi sem ríkjandi er í samfélaginu til ræstinga og horfa á gæði ekki síður en verð. Þannig geta stjórnendur fyrirtækja bætt ræstingu og dregið úr fjarvistum vegna veikinda. Það er skaðleg stefna að kaupa alltaf ódýrustu ræstingu sem völ er á, án tillits til gæða. Þeirri skaðlegu stefnu þarf að breyta. Viltu birta grein á Vísi? Sendu okkur póst. Senda grein Mest lesið Halldór 01.06.2024 Halldór Hvort vilt þú Höllu Tómasdóttur eða Katrínu? Björn Björnsson Skoðun Hatur og fyrirlitning Einar Scheving Skoðun Land míns föður, land minnar móður, landið mitt Jón Gnarr Skoðun Svona velur þú þér forseta í dag Kolbeinn Karl Kristinsson Skoðun Gerum það! Stefán Hilmarsson Skoðun Viddi, Bósi Ljósár og Baldur Þórhalls Heimir Hannesson Skoðun Yfirtaka orðræðunnar (e. hijacking) Sóley Tómasdóttir Skoðun Má Katrín Jakobsdóttir bjóða sig fram? Jón Ólafsson Skoðun Gleðilegan kosningadag kæru landsmenn Snorri Ásmundsson Skoðun Skoðun Skoðun Ég kýs Michael Jordan (Höllu Hrund Logadóttur) Óskar Arnarson skrifar Skoðun Ástæður til að kjósa Jón Gnarr Helgi Hrafn Gunnarsson skrifar Skoðun Viddi, Bósi Ljósár og Baldur Þórhalls Heimir Hannesson skrifar Skoðun Gerum það! Stefán Hilmarsson skrifar Skoðun Bónaður brjóstkassi og barnaafmæli Þorbjörg Marínósdóttir skrifar Skoðun Gleðilegan kosningadag kæru landsmenn Snorri Ásmundsson skrifar Skoðun Hæfasti einstaklingurinn Hjörtur J. Guðmundsson skrifar Skoðun Verðmætin og sköpunarkraftur sá sem í mannauð okkar býr Pétur Már Halldórsson skrifar Skoðun Hvort vilt þú Höllu Tómasdóttur eða Katrínu? Björn Björnsson skrifar Skoðun Svona velur þú þér forseta í dag Kolbeinn Karl Kristinsson skrifar Skoðun Takk, Katrín Guðrún Hrefna Guðmundsdóttir skrifar Skoðun Hatur og fyrirlitning Einar Scheving skrifar Skoðun Samherjar Hafþór Reynisson skrifar Skoðun Að hitta hetjuna sína Gréta Kristín Ómarsdóttir skrifar Skoðun Einstakt tækifæri Þóra Valný Yngvadóttir skrifar Skoðun Um afrekskonuna Katrínu Tómas Ísleifsson skrifar Skoðun Land míns föður, land minnar móður, landið mitt Jón Gnarr skrifar Skoðun Óskað eftir forseta sem færir ungu fólki völd Valgerður Eyja Eyþórsdóttir skrifar Skoðun Með ósk um velgengni, Halla Hrund Viðar Hreinsson skrifar Skoðun Ég styð Höllu Hrund Logadóttur Þórólfur Árnason skrifar Skoðun Arnar Þór Jónsson Meyvant Þórólfsson skrifar Skoðun Að skreyta sig með stolnum fjöðrum Sema Erla Serdaroglu skrifar Skoðun Opið bréf til Jóns Ólafssonar heimspekings Tómas Ísleifsson skrifar Skoðun Persónan Katrín Jakobsdóttir Sólveig Hildur Björnsdóttir skrifar Skoðun Þjóðaröryggi Magnús Guðmundsson skrifar Skoðun Tóbak markaðssett fyrir ungt fólk Guðlaug B. Guðjónsdóttir skrifar Skoðun Forsetinn, NATÓ, ýsan og blokkin Guðfinnur Sigurvinsson skrifar Skoðun „Svona er á síld“ Stefán Hilmarsson skrifar Skoðun Aldrei hitta hetjurnar þínar Skarphéðinn Guðmundsson skrifar Skoðun Yfirtaka orðræðunnar (e. hijacking) Sóley Tómasdóttir skrifar Sjá meira
Allir sem reka fyrirtæki vita að fjarvistir starfsmanna vegna veikinda skapa vandræði, tefja verk og hafa því afar neikvæð áhrif á rekstur fyrirtækjanna. Sama gildir um börn sem veikjast í skólanum, enda þurfa foreldrar gjarnan að vera frá vinnu til að sinna veikum börnum. Til verður keðjuverkun þar sem álag á þá starfsmenn sem eru við hestaheilsu eykst vegna fjarveru samstarfsfólks. Það sama fólk á á hættu að verða veikt vegna mögulegs smits frá öðrum starfsmönnum. Margir vinnuveitendur gera sitt til að reyna að draga úr veikindum starfsmanna, til dæmis með því að bjóða upp á flensusprautur, hvetja til handþvotta og fleira. Fáir átta sig á mikilvægi ræstinga á vinnustöðum í þessu samhengi. Það er augljóst heilbrigðismál að þrífa í kringum sig. Með reglulegum ræstingum með réttum hreinsiefnum og aðferðum má draga úr sýklaflórunni sem herjar á ónæmiskerfið. Hvort sem það er á vinnustaðnum eða í skólanum ættu stjórnendur að leggja ríka áherslu á reglulegar ræstingar sem hluta af áherslu á heilbrigði starfsmanna.Um 44% mættu veik til vinnu Það er ekki auðvelt að sjá umfang vandamálsins, sem gæti verið hluti af skýringunni á því hversu mikið kæruleysi virðist ríkja hvað gæði ræstinga varðar. Í kjarakönnun BHM sem gerð var 2014 kom fram að 44,3% þeirra sem þátt tóku í könnuninni höfðu mætt veikir til vinnu á 12 mánaða tímabili. Litlu færri, eða 43,9%, höfðu verið frá vinnu vegna eigin veikinda eða veikinda barna án þess að vinna heima. Nú er óvarlegt að áætla að hlutfallið sé eins í öllum geirum samfélagsins. En sé það eitthvað í líkingu við þetta þýðir það að af tæplega 190 þúsund vinnandi manns eru um 83 þúsund þeirra frá vinnu í einn eða fleiri daga á hverju ári. Það þýðir líka að svipaður fjöldi mætir veikur í vinnuna, með tilheyrandi smithættu, samanber áðurnefnda könnun. Bakteríur eiga greiða leið á milli fólks, hvort sem það er á leikskólanum, í kaffiteríunni eða á salerninu. Hreinlæti er augljóst heilbrigðismál enda ljóst að veikindi starfsfólks sem mætir veikt til vinnu getur skapað mikla smithættu. Sé hreinlæti ábótavant hefur það beinar afleiðingar á fjarveru starfsmanna. Þessi keðjuverkun dregur úr framleiðni fyrirtækja og dregur atvinnulífið niður.Skammsýnin ræður för Þá kemur að þætti stjórnenda sem sjá um kaup á ræstingu í skólum og öðrum vinnustöðum. Þar er víða pottur brotinn. Margir leggja ofur áherslu á lágt verð en láta sig litlu skipta hvernig gæði ræstinganna eru svo framarlega sem einhver lágmarksskilyrði eru uppfyllt. Þarna ræður skammsýni alltof oft för enda geta krónur sem fara í að bæta ræstingu komið margfalt til baka ef þær draga úr veikindum þeirra sem starfa í því umhverfi sem ræst er, hvort sem það eru starfsmenn á vinnustað eða börn í leikskólum, grunnskólum eða á öðrum skólastigum. Það sama gildir um ræstingar og matarinnkaup. Við kaupum ekki alltaf ódýrasta matinn sem í boði er, nema við séum illa stödd fjárhagslega. Við skoðum innihaldið og veljum hollan og góðan mat frekar en ódýra og lélegri vöru. Það gerum við heilsu okkar vegna. Á sama hátt og við horfum á gæði matarins sem við borðum ættum við að horfa á gæði ræstinga í umhverfi okkar.Skaðleg stefna Við þurfum að breyta því viðhorfi sem ríkjandi er í samfélaginu til ræstinga og horfa á gæði ekki síður en verð. Þannig geta stjórnendur fyrirtækja bætt ræstingu og dregið úr fjarvistum vegna veikinda. Það er skaðleg stefna að kaupa alltaf ódýrustu ræstingu sem völ er á, án tillits til gæða. Þeirri skaðlegu stefnu þarf að breyta.