Þetta er þriðji maðurinn sem eru við tveir Magnús Guðmundsson skrifar 9. apríl 2016 11:00 Helgi Þorgils Friðjónsson og Eggert Pétursson við verkið sem þeir hafa unni að í Gryfjunni að undanförnu. Fréttablaðið/Stefán Það er nokkuð óvenjulegt að tveir af þekktustu myndlistarmönnum Íslands leiði saman hesta sína enda eiga þeir Helgi Þorgils Friðjónsson og Eggert Pétursson hvor um sig einkar farsælan feril. Báðir hafa þeir einkennandi stíl og blæ í verkum sínum sem gerir þau auðþekkjanleg öllu kunnáttufólki og það er sífellt ánægjuefni að fylgjast með þróun þessara sterku einkenna. Í dag opnar í Listasafni ASÍ við Freyjugötu sýningin Gengið í björg, þar sem þeir Helgi Þorgils og Eggert sýna verk sem þeir hafa unnið saman. Samhliða sýningunni kemur út bókverk með þessum sömu verkum á vegum Crymogeu.Eitt af áttatíu verkum á sýningunni og í bókinni Gengið í björg.Helgi Þorgils segir að þeir Eggert hafi nú sýnt saman all nokkrum sinnum áður. „En þetta er öðruvísi þar sem við vinnum núna báðir sama verkið. Í flestum tilfellum byrjum við á eigin vinnustofu og svo hefur hinn fengið viðkomandi blað eða striga og svo öfugt. Oftast er þetta bara tvisvar sinnum en þó eru stöku undantekningar á því. Þannig að þetta er ekki verk eftir annan okkar heldur þriðju persónuna sem eru við tveir. En við svona göngum í hvers annars björg á víxl og í það ferli er titillinn sóttur. Þetta kom þannig til að við sýndum saman í borgarlistasafninu í Salsburg árið 2005 og ákváðum að við ætluðum að gera bókverk fyrir sýninguna sem okkur vannst svo ekki tími til þess að klára. En við höfum verið að vinna að þessu öll árin síðan og þetta eru um áttatíu myndir á þessum rúma áratug. En þetta hefur auðvitað verið mishratt og í mis miklum skorpum.“ Aðspurður hvort þeir hyggist halda samvinnunni áfram segir Helgi Þorgils einfaldlega: „Við erum náttúrulega vinir og hittumst alltaf en þetta er svona lokahnykkur á þessu verkefni.Bókin inniheldur öll verkin og er gefin út í þrjúhundruð eintökum. Þar af eru hundrað eintök tölusett og árituð og með einhverri smá svona auka innlögn. En á sýningunni erum við svo með eitt verk hér í Gryfjunni í Ásmundarsafni og það erum við búnir að vera að vinna þessa vikuna. Við komum að vísu með efni til þess að byrja til þess að þetta gengi hraðar fyrir sig en þetta verk verður til hér á staðnum. Við höfum verið að vinna að því liggur við dag og nótt að undanförnu. Það er alveg ágætt að vera bara í Gryfjunni að vinna á meðan það er verið að elta Bjarna og Sigmund.“Greinin birtist fyrst í Fréttablaðinu þann 9. apríl. Birtist í Fréttablaðinu Menning Mest lesið „Ég hef aldrei reynt að verða nokkur skapaður hlutur“ Tónlist Segir hjálminum að þakka að hann sé á lífi Lífið Lofar svakalegri veislu Tónlist Inga Tinna og Logi greina frá kyni barnsins Lífið Krakkatían: Níu líf, karfan og víkingar Lífið „Þetta er enginn helvítis félagskvíði, það bara þolir mig enginn“ Áskorun Hvers vegna tölum við um bongóblíðu? Lífið Heiður Ósk og Davíð eru nýtt par Lífið Fékk skyndihugmynd og er nú í blómahafi heima fyrir Lífið Fréttatía vikunnar: Skúlptúrar, ráðherrarifrildi og EM Lífið Fleiri fréttir Þau eru tilnefnd til Ísnálarinnar í ár Hvað eigum við að kalla eiginmann forseta? Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira
Það er nokkuð óvenjulegt að tveir af þekktustu myndlistarmönnum Íslands leiði saman hesta sína enda eiga þeir Helgi Þorgils Friðjónsson og Eggert Pétursson hvor um sig einkar farsælan feril. Báðir hafa þeir einkennandi stíl og blæ í verkum sínum sem gerir þau auðþekkjanleg öllu kunnáttufólki og það er sífellt ánægjuefni að fylgjast með þróun þessara sterku einkenna. Í dag opnar í Listasafni ASÍ við Freyjugötu sýningin Gengið í björg, þar sem þeir Helgi Þorgils og Eggert sýna verk sem þeir hafa unnið saman. Samhliða sýningunni kemur út bókverk með þessum sömu verkum á vegum Crymogeu.Eitt af áttatíu verkum á sýningunni og í bókinni Gengið í björg.Helgi Þorgils segir að þeir Eggert hafi nú sýnt saman all nokkrum sinnum áður. „En þetta er öðruvísi þar sem við vinnum núna báðir sama verkið. Í flestum tilfellum byrjum við á eigin vinnustofu og svo hefur hinn fengið viðkomandi blað eða striga og svo öfugt. Oftast er þetta bara tvisvar sinnum en þó eru stöku undantekningar á því. Þannig að þetta er ekki verk eftir annan okkar heldur þriðju persónuna sem eru við tveir. En við svona göngum í hvers annars björg á víxl og í það ferli er titillinn sóttur. Þetta kom þannig til að við sýndum saman í borgarlistasafninu í Salsburg árið 2005 og ákváðum að við ætluðum að gera bókverk fyrir sýninguna sem okkur vannst svo ekki tími til þess að klára. En við höfum verið að vinna að þessu öll árin síðan og þetta eru um áttatíu myndir á þessum rúma áratug. En þetta hefur auðvitað verið mishratt og í mis miklum skorpum.“ Aðspurður hvort þeir hyggist halda samvinnunni áfram segir Helgi Þorgils einfaldlega: „Við erum náttúrulega vinir og hittumst alltaf en þetta er svona lokahnykkur á þessu verkefni.Bókin inniheldur öll verkin og er gefin út í þrjúhundruð eintökum. Þar af eru hundrað eintök tölusett og árituð og með einhverri smá svona auka innlögn. En á sýningunni erum við svo með eitt verk hér í Gryfjunni í Ásmundarsafni og það erum við búnir að vera að vinna þessa vikuna. Við komum að vísu með efni til þess að byrja til þess að þetta gengi hraðar fyrir sig en þetta verk verður til hér á staðnum. Við höfum verið að vinna að því liggur við dag og nótt að undanförnu. Það er alveg ágætt að vera bara í Gryfjunni að vinna á meðan það er verið að elta Bjarna og Sigmund.“Greinin birtist fyrst í Fréttablaðinu þann 9. apríl.
Birtist í Fréttablaðinu Menning Mest lesið „Ég hef aldrei reynt að verða nokkur skapaður hlutur“ Tónlist Segir hjálminum að þakka að hann sé á lífi Lífið Lofar svakalegri veislu Tónlist Inga Tinna og Logi greina frá kyni barnsins Lífið Krakkatían: Níu líf, karfan og víkingar Lífið „Þetta er enginn helvítis félagskvíði, það bara þolir mig enginn“ Áskorun Hvers vegna tölum við um bongóblíðu? Lífið Heiður Ósk og Davíð eru nýtt par Lífið Fékk skyndihugmynd og er nú í blómahafi heima fyrir Lífið Fréttatía vikunnar: Skúlptúrar, ráðherrarifrildi og EM Lífið Fleiri fréttir Þau eru tilnefnd til Ísnálarinnar í ár Hvað eigum við að kalla eiginmann forseta? Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira