Svona verður hárið þitt eins og á Olsen tvíburunum

Olsen tvíburarnir Mary-Kate og Ashley eru einar af stærstu tískufyrirmyndum heimsins. Hárið þeirra hefur oft verið í umræðunni en þær ná alltaf að vera með afslappað og flott hár, sama hvar þær eru. 

Mark Townsend er hárgreiðslumeistari systranna og hann hefur leyst frá skjóðunni um hvernig hægt er að ná eins hári og þær. Vissulega er vert að taka fram að þetta fer alltsaman eftir hvernig hár hver og einn er með. 

1. Ekki nota of mikið af aukahlutum

Systurnar hafa sett reglu: ekki meira en fimm hárspennur að hverju sinni. Ef að hárið á að líta út fyrir að vera afslappað þá á ekki að spenna það of mikið upp. 

2. Þurrsjampó og hárolía eru þínir bestu vinir

Þurrsjampóið er notað fyrir áferðina en olían er sett í lokin til þess að vernda hárið fyrir slitum og öðru. 

3. Leggðu hárblásarann á hilluna

Olsen tvíburarnir nota aldrei hárblásara. Þetta snýst allt um að leyfa hárinu að þorna að sjálfu sér. Þær hafa oft sjést á leiðinni í vinnuna með rennandi blautt hár sem er bara gott og blessað. 

4. Haltu hárinu frá andlitinu

Systurnar lærðu það ungar að aldri að hafa hárið ekki í andlitinu. Þær eru yfirleitt með það bakvið eyrun, með það uppi í hálfum snúð eða allt hárið tekið aftur í lágt tagl.