Greint var frá því á þriðjudag að meðalhitinn í Reykjavík það sem af er desembermánuði sé rúmum sex gráðum hlýrri en á árunum 1961 til 1990. Sömu sögu er að segja af Akureyri þar sem meðalhitinn er 5,75 gráður það sem af er mánuðinum og 5.03 gráður á Kirkjubæjarklaustri.
Margir munu eflaust þá daga þegar snjór var í Reykjavík en það þarf svo sem ekki að leita langt aftur í tímann.
27. nóvember í fyrra mældist snjódýpt 21 sentímetri í klukkan níu að morgni í Reykjavík.
Og 1. desember í fyrra var heldur betur snjókoma en þegar allt hafði verið tekið saman hafði aldrei mælst meiri snjódýpt í Reykjavík í desember, eða heilir 42 sentímetrar. Metið í Reykjavík er hins vegar 51 sentímetra snjódýpt sem mældist í febrúar árið 1952.
Vísir tók saman nokkrar myndir frá 1. desember í fyrra og ákvað að taka myndir á nákvæmlega sömu stöðum í gær. Afraksturinn má sjá hér fyrir neðan:
Ísaksskóli
Börnin léku sér að því að búa til snjókalla í fyrra en hoppa í pollunum í ár.
Í fyrra börðust gangandi vegfarendur við snjóinn en í ár er tíðin mild.
Aðeins hörðustu hjólreiðamenn létu sig hafa það að fara leiðar sinnar á hjólum í fyrra á meðan færri eru búnir að leggja hjólin til hliðar í ár.
Í fyrra þurftu ökumenn að leggjast á eitt til að halda umferðinni gangandi á meðan í ár gengur hún eins og smurð vél.
Snjódýptin í fyrra sló met. Í ár er það hitinn sem slær met.