Vilja líka banna "microbeads“ í Bretlandi

Breska söngkonan Ellie Goulding hvetur aðdáendur sína til þess að setja nafn sitt á undirskriftarlista þar sem skorað er á David Cameron, forsætisráðherra Bretlands, að fara að fordæmi Barack Omaba og banna „microbeads“ í snyrtivörum.

„Microbeads“ eru litlar plastkúlur sem eru algengar í snyrtivörum eins og andlits-og líkamsskrúbbum og einhverjum tegundum af tannkremi. Þessar litlu kúlur eru gerðar úr polyethylene og eru of litlar til að hægt sé að skilja þær að áður en þær enda í sjónum. 

Þessar litlu plastkúlur safnast fyrir í sjónum og draga til sín óæskileg efni. Þær eru síðan étnar af fiskum og geta þannig endað á því að við borðum þær aftur. 

Nú þegar hafa Bandaríkin bannað „microbeads“ og ætla Svíar að banna þær frá og með janúar 2018. 

Scientists predict that by 2050, there will be more plastic in the ocean than fish. This is shit. How could we be so...

Posted by Ellie Goulding on Friday, January 22, 2016