Körfuboltakvöld: Endurkoma Sigurðar Ingimundarsonar

Sigurður Ingimundarson þjálfari Keflavíkur sneri aftur á bekk liðsins í leiknum gegn Haukum í Dominos-deildinni á föstudagskvöldið. Sigurður hefur verið í veikindaleyfi og Hjörtur Hjartarson stjórnað liðinu í hans fjarveru í upphafi tímabilsins.

Kjartan Atli Kjartansson, Hermann Hauksson og Kristinn Friðriksson ræddu endurkomu Sigurðar í Dominos Körfuboltakvöldi á föstudaginn og hvaða áhrif hann myndi hafa á Keflavíkurliðið.

Þeir félagar ræddu sín á milli um stöðu Keflavíkur og rótleysið sem hefur einkennt liðið. Hermann sagði liðið vera að leika skrýtinn bolta og vera ólíka sjálfum sér frá því í fyrra.

Umræðu þeirra Kjartans, Hermanns og Kristins má sjá í spilaranum hér fyrir ofan.