Nýjung í kaffimenningu Íslendinga: Bjóða frítt hágæðakaffi í desember

Stefán Árni Pálsson skrifar 16. desember 2016 17:00

Í áranna rás hefur kaffi verið talið munaðarvara hér á landi. Lengi vel hefur úrval af kaffi verið takmarkað við afar fáar vörutegundir og fábreytni í vöruúrvali hefur verið ríkjandi. Ekki fyrir svo löngu stofnuðu þeir Óli Tómas Freysson og Hjörvar Hermannsson Kaffiklúbbinn.

Íslendingar hafa í auknum mæli gert auknar kröfur til þeirra vara sem eru á boðstólum. Sjaldan hefur aðgengi að hágæða kaffi verið meira á Íslandi heldur en hér og nú.

Með inngöngu í Kaffiklúbbinn býðst áskrifendum tækifæri til að fá heimsent úrvals kaffi upp að dyrum. Í hverjum mánuði sendir Kaffiklúbburinn áskrifendum sínum mánaðarskammt af sérvöldu úrvalskaffi en starfsmenn Kaffiklúbbsins eru sérfræðingar á sínu sviði sem þekkja helstu strauma og stefnur í ríkjandi kaffimenningu og vilja miðla þeirri þekkingu til meðlima klúbbsins.

„Kaffiklúbburinn hefur verið starfræktur á Íslandi í þrjú ár. Frá áramótum hefur meðlimafjöldi í klúbbnum margfaldast. Í ljósi velgengni klúbbsins hefur áhugi fyrirtækja á starfsemi Kaffiklúbbsins vaxið jafnt og þétt. Gaman er að sjá hversu hratt orðspor Kaffiklúbbsins hefur vaxið í kjölfar ánægju meðlima. Sú þjónusta sem Kaffiklúbburinn býður upp á höfðar jafnt til einstaklinga, hópa og fyrirtækja. Reynslan sýnir að desembermánuður hefur alltaf verið annasamasti mánuður ársins hjá Kaffiklúbbnum,“ segir Óli Tómas Freysson einn af stofnendum Kaffiklúbbsins.

„Í anda jólanna höfum við hjá Kaffiklúbbnum ákveðið að bjóða öllum þeim sem skrá sig í desember upp á fría áskrift. Með áskrift að Kaffiklúbbnum býðst nýjum meðlimum að fá sína fyrstu sendingu af hágæða kaffi sér að kostnaðarlausu.“

Til að skrá sig í klúbbinn þurfa áhugasamir einfaldlega að heimsækja vefslóðina.