Fasteignasjóðir í miklum vanda Sæunn Gísladóttir skrifar 9. júlí 2016 08:00 Fjármálahverfi London. Vísir/Getty Fjárfestum hefur verið bannað að taka út reiðufé vegna eigna sinna í nokkrum breskum fasteignasjóðum í kjölfar niðurstöðu Brexit-kosninganna. Hlutabréf í breskum fyrirtækjum sem reka fasteignasjóði og í helstu fasteignasjóðum Bretlands hafa lækkað um allt að tuttugu prósent frá því að Bretar kusu að yfirgefa Evrópusambandið. Ein aðalástæða þess er óvissa fjárfesta um hlutverk London sem fjármálamiðstöðvar utan Evrópusambandsins. Frá því að Mark Carney, bankastjóri Englandsbanka, lýsti yfir áhyggjum sínum vegna þess að áhrifa Brexit væri nú þegar farið að gæta í efnahagslífinu hafa nokkrir stórir breskir fasteignasjóðir tekið á það ráð að banna innlausnir. Aviva og Standard Life höfðu þegar bannað innlausnir þegar M&G, stærsti fasteignasjóður Bretlands, tilkynnti áform um það. The Financial Times greinir frá því að ekki hafi allir sjóðir ákveðið að gera þetta. Forsvarsmenn Legal & General, sem rekur 2,5 milljarða punda fasteignasjóð, hafi til dæmis lýst því yfir að þeir muni ekki gera það. Fjölmörg fyrirtæki hafa hins vegar skorið niður verðmat fasteignasjóða sinna. The Guardian greinir frá því að Aberdeen Asset Management hafi tilkynnt á miðvikudaginn að viðskipti yrðu stöðvuð í fasteignasjóði fyrirtækisins í sólarhring og virði sjóðsins yrði lækkað um sautján prósent. Legal & General tilkynnti svo um tíu prósenta lækkun á fimmtudaginn eftir fimm prósenta lækkun í síðustu viku. Loks tilkynntu Foreign & Colonial og Kames einnig um fimm prósenta lækkun á fimmtudaginn. Svipuð gengislækkun átti sér stað í Bretlandi árin 2007 til 2008 þegar verðmat var leiðrétt um fjörutíu prósent. Hlutabréf í breskum fyrirtækjum sem reka fasteignasjóði hafa lækkað um tíu til tuttugu prósent frá Brexit-kosningunum fram að eftirmiðdeginum í gær og gengi hlutabréfa í Land Securities, stærsta fasteignafélagi Bretlands, höfðu lækkað um rúmlega fimmtán prósent. Það gæti komið til þess að verslunarmiðstöðvar, skrifstofuhúsnæði og vöruhúsnæði fyrir allt að fimm milljarða punda, jafnvirði tæplega 800 milljarða íslenskra króna, yrðu seld út af þessum sveiflum. Mike Prew, sérfræðingur hjá Jefferies, segir í samtali við The Guardian, að þetta gæti verið gert til að endurgreiða fjárfestum. Sérfræðingar óttast að þessi þróun gæti leitt til efnahagskreppu. Business Standard greinir frá því að Bill Gross, sérfræðingur hjá Janus Capital, segi ástæðurnar minna á atburðarásina fyrir hrun Lehman Brothers árið 2008. „Ef þessir fasteignasjóðir eru bara ein vísbending, þá munu kannski aðrir fylgja. Ég held að þetta sé áhyggjuefni,“ segir Gross.Þessi frétt birtist upphaflega í Fréttablaðinu Brexit Birtist í Fréttablaðinu Mest lesið Vilja gera tilraunir með orkuframleiðslu í geimnum á Íslandi Viðskipti innlent Ástin laðar að: Gott að vera kona á Íslandi, en ekki innflytjandi Atvinnulíf Verðbólgan úr sex prósentum í ár í 3,5 prósent árið 2026 Viðskipti innlent Umbreytir hversdagslífinu í lúxusupplifun – smart #3 reynsluakstur Samstarf GreenCoat er umhverfisvænasta litaða stálklæðningin sem völ er á Samstarf Vonast til að koma dánarbúinu í góðar hendur Neytendur Hafa tryggt útgáfu íslenska tölvuleiksins Island of Winds Viðskipti innlent Skelltu líka í lás á Exit og í Nýju vínbúðinni Viðskipti innlent Forstjóri, snúsari, mótorhjólatöffari, veiðimaður og framúrskarandi á ryksugunni Atvinnulíf Vextir verði ekki lækkaðir fyrr en í haust Viðskipti innlent Fleiri fréttir Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira
Fjárfestum hefur verið bannað að taka út reiðufé vegna eigna sinna í nokkrum breskum fasteignasjóðum í kjölfar niðurstöðu Brexit-kosninganna. Hlutabréf í breskum fyrirtækjum sem reka fasteignasjóði og í helstu fasteignasjóðum Bretlands hafa lækkað um allt að tuttugu prósent frá því að Bretar kusu að yfirgefa Evrópusambandið. Ein aðalástæða þess er óvissa fjárfesta um hlutverk London sem fjármálamiðstöðvar utan Evrópusambandsins. Frá því að Mark Carney, bankastjóri Englandsbanka, lýsti yfir áhyggjum sínum vegna þess að áhrifa Brexit væri nú þegar farið að gæta í efnahagslífinu hafa nokkrir stórir breskir fasteignasjóðir tekið á það ráð að banna innlausnir. Aviva og Standard Life höfðu þegar bannað innlausnir þegar M&G, stærsti fasteignasjóður Bretlands, tilkynnti áform um það. The Financial Times greinir frá því að ekki hafi allir sjóðir ákveðið að gera þetta. Forsvarsmenn Legal & General, sem rekur 2,5 milljarða punda fasteignasjóð, hafi til dæmis lýst því yfir að þeir muni ekki gera það. Fjölmörg fyrirtæki hafa hins vegar skorið niður verðmat fasteignasjóða sinna. The Guardian greinir frá því að Aberdeen Asset Management hafi tilkynnt á miðvikudaginn að viðskipti yrðu stöðvuð í fasteignasjóði fyrirtækisins í sólarhring og virði sjóðsins yrði lækkað um sautján prósent. Legal & General tilkynnti svo um tíu prósenta lækkun á fimmtudaginn eftir fimm prósenta lækkun í síðustu viku. Loks tilkynntu Foreign & Colonial og Kames einnig um fimm prósenta lækkun á fimmtudaginn. Svipuð gengislækkun átti sér stað í Bretlandi árin 2007 til 2008 þegar verðmat var leiðrétt um fjörutíu prósent. Hlutabréf í breskum fyrirtækjum sem reka fasteignasjóði hafa lækkað um tíu til tuttugu prósent frá Brexit-kosningunum fram að eftirmiðdeginum í gær og gengi hlutabréfa í Land Securities, stærsta fasteignafélagi Bretlands, höfðu lækkað um rúmlega fimmtán prósent. Það gæti komið til þess að verslunarmiðstöðvar, skrifstofuhúsnæði og vöruhúsnæði fyrir allt að fimm milljarða punda, jafnvirði tæplega 800 milljarða íslenskra króna, yrðu seld út af þessum sveiflum. Mike Prew, sérfræðingur hjá Jefferies, segir í samtali við The Guardian, að þetta gæti verið gert til að endurgreiða fjárfestum. Sérfræðingar óttast að þessi þróun gæti leitt til efnahagskreppu. Business Standard greinir frá því að Bill Gross, sérfræðingur hjá Janus Capital, segi ástæðurnar minna á atburðarásina fyrir hrun Lehman Brothers árið 2008. „Ef þessir fasteignasjóðir eru bara ein vísbending, þá munu kannski aðrir fylgja. Ég held að þetta sé áhyggjuefni,“ segir Gross.Þessi frétt birtist upphaflega í Fréttablaðinu
Brexit Birtist í Fréttablaðinu Mest lesið Vilja gera tilraunir með orkuframleiðslu í geimnum á Íslandi Viðskipti innlent Ástin laðar að: Gott að vera kona á Íslandi, en ekki innflytjandi Atvinnulíf Verðbólgan úr sex prósentum í ár í 3,5 prósent árið 2026 Viðskipti innlent Umbreytir hversdagslífinu í lúxusupplifun – smart #3 reynsluakstur Samstarf GreenCoat er umhverfisvænasta litaða stálklæðningin sem völ er á Samstarf Vonast til að koma dánarbúinu í góðar hendur Neytendur Hafa tryggt útgáfu íslenska tölvuleiksins Island of Winds Viðskipti innlent Skelltu líka í lás á Exit og í Nýju vínbúðinni Viðskipti innlent Forstjóri, snúsari, mótorhjólatöffari, veiðimaður og framúrskarandi á ryksugunni Atvinnulíf Vextir verði ekki lækkaðir fyrr en í haust Viðskipti innlent Fleiri fréttir Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira