Frábær veiði á efri svæðunum í Blöndu

Blanda opnaði fyrst laxveiðiáa á landinu þetta árið og opnaði með hvelli og nú hefur veiði hafist á efri svæðunum með látum.

Veiðitölur sem Veiðivísi bárust frá leigutaka Blöndu Lax-Á sýna að það verður örugglega gaman á svæðum II-III og IV í sumar.  Í dag eru 570 laxar komnir upp laxastigann sem er það mesta á þessum árstíma samkvæmt okkar heimildum.  Á fyrstu vakt í gær veiddust 18 laxar á svæði II en þar er samkvæmt veiðimönnum mikið líf á sumum stöðum.  Það veiddust 9 laxar á svæði III og það hefur ekki fengist 100% staðfest en við heyrðum af því að hópurinn á svæði IV hafi náð kvótanum.  Þó kvótinn hafi ekki náðst á IV er veiðin engu að síður góð og þetta er í takt við allt annað sem er að gerast á landinu þetta laxasumarið.

Það fer alltaf nokkur fjöldi af laxi, og þá sérstaklega stærri laxinum, framhjá laxastiganum svo það er mun meira af laxi kominn upp eftir heldur en staðan í teljaranum gefur til kynna enda sést það vel á stærðum á þessum laxi en þetta er svo til allt stórlax en hann kemst auðveldlega upp ánna án þess að nota laxastigann.  Það er því nokkuð ljóst að það stefnir í flotta daga í Blöndu á næstunni.