Viðskipti innlent

Snæbjörn neitaði sök

sunna karen sigurþórsdóttir skrifar
Hér má sjá sundurliðun á nokkrum færslum af kreditkorti SMÁÍS sem Snæbjörn hafði til afnota.
Hér má sjá sundurliðun á nokkrum færslum af kreditkorti SMÁÍS sem Snæbjörn hafði til afnota. vísir
Snæbjörn Steingrímsson, fyrrverandi framkvæmdastjóri SMÁÍS, neitaði sök í máli héraðssaksóknara á hendur honum við þingfestingu málsins í Héraðsdómi Reykjavíkur í morgun. Hann er ákærður fyrir fjárdrátt og umboðssvik.

Meint brot Snæbjörns áttu sér stað á árunum 2007 til 2014. Honum er gefið að sök að hafa misnotað aðstöðu sína sem framkvæmdastjóri SMÁÍS með því að nota kreditkort félagsins til eigin nota annars vegar og debetkort og bankareikninga félagsins hins vegar.

Sjá einnig:Sakaður um að hafa greitt fyrir leigubíla, mat og drykki með peningum SMÁÍS

Snæbjörn er sagður hafa notað kreditkort SMÁÍS í alls 275 skipti fyrir um 6,8 milljónir króna en kortið var meðal annars notað á veitingastöðum, í vínbúðum, raftækjaverslunum og fleira.

Þá er Snæbjörn ákærður fyrir fjárdrátt með því að hafa dregið að sér fjármuni félagsins, tæplega 1,3 milljónir króna, með úttektum af bankareikningi félagsins með debetkorti, greiðslu reikninga og millifærslum af reikningnum. Debetkortið notaði hann meðal annars í matvöru- og raftækjaverslunum.

Héraðssaksóknari fer fram á að Snæbjörn verði dæmdur til refsingar og greiðslu alls sakarkostnaðar og þrotabú félagsins fer fram á tæplega fimm milljónir króna í skaðabætur.


Tengdar fréttir

„Ég fæddist ekki til að fara í taugarnar á netverjum“

„Þetta hefur verið erfitt fyrir mig sjálfan og þá sem eru í kringum mig. Það getur líka verið erfitt að geta ekki alltaf svarað þessum árásum,“ segir Snæbjörn Steingrímsson sem lætur af störfum sem framkvæmdastjóri Smáís.

Segja Snæbjörn hafa viðurkennt fjárdrátt

Stjórn Smáís hefur óskað eftir því að félagið verði tekið til gjaldþrotaskipta. Ástæðan segir stjórnin vera ítrekuð brot fyrrum framkvæmdastjóra samtakanna.



Mest lesið


Fleiri fréttir

Sjá meira


×

Mest lesið