Innlent

Stormurinn varir fram yfir hádegi

Veðurofsinn á svo að fara að ganga niður upp úr hádegi, fyrst suðvestanlands, en áfram verður þó strekkingur.
Veðurofsinn á svo að fara að ganga niður upp úr hádegi, fyrst suðvestanlands, en áfram verður þó strekkingur. Vísir/Vilhelm

Loftþrýstingur fellur nú hratt og varar Veðurstofan við stormi, eða meiru en 20 metrum á sekúndu víða um land fram yfir hádegi og mikilli rigningu suðvestanlands, jafnvel alveg ausandi rigningu. Farið var að rigna á öllu landinu nema á Austurlandi klukkan sex í morgun.

Búast má við að vindhraðinn fari upp í 35 til 40 metra á sekúndu undir Eyjafjöllum, við Hafnarfjall og á norðanverðu Snæfellsnesi og Vegagerðin varar einnig við hviðum á Reykjanesbraut, Grindavíkurvegi og á utanverðu Kjalarnesi og á sjöunda tímanum var þegar orðið óveður á þessum slóðum.

Slökkviliðið á höfuðborgarsvæðinu beinir því til foreldra að fylgjast vel með veðri þar sem veðurspá sýni að börn gætu átt erfitt með að ganga í skólann. Sérstaklega á þetta við efri byggðir og þar sem börn þurfa að ganga yfir opin svæði á leið sinni til skóla.

Veðurofsinn á svo að fara að ganga niður upp úr hádegi, fyrst suðvestanlands, en áfram verður þó strekkingur.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.