John Oliver spænir píramídakerfi í sig

„Það hlítur að vera til leið til að segja heiminum frá hættum MLM-fyrirtækja.“

Þetta segir þáttastjórnandinn John Oliver, sem tekur píramídasölukerfi (MLM) fyrir í nýjasta þætti sínum af Last Week Tonight. Þar setur hann verulega út á þetta kerfi og fer yfir hluta af þeirri gagnrýni sem beinst hefur gegn stærstu fyrirtækjunum sem styðjast við slík kerfi.

Sem dæmi hafi sölumenn Herbalife haldið því fram að vörur þeirra hafi læknað krabbamein, hjartagalla og margt fleira.

Undir lok innslagsins tilkynnir Oliver að hann og starfsmenn hans hafi stofnað eigin píramídakerfi. Varan sem hann vill að áhorfendur sínir setji í dreifingu er myndbandið sem sjá má hér að neðan.

Last Week Tonight er sýndur á Stöð 2 á mánudagskvöldum.