Glamour

Millie Bobby Brown rokkar forsíðu Interview

Ritstjórn skrifar
Millie er algjör töffari á forsíðu Interview.
Millie er algjör töffari á forsíðu Interview. Mynd/Skjáskot
Frægðarsól ungu leikkonunnar Millie Bobby Brown skín skært þessa dagana. Hún leikur í vinsælli þáttarröð, Stranger Things, og hún prýðir nú sína aðra forsíðu á tískutímariti á einum mánuði. Þetta skiptið er það forsíða Interview. 

Í forsíðuþættinum er Millie eins og rokkstjarna. Hún klæðist flíkum frá Louis Vuitton, Gucci, Coach og fleiri merkjum. Það er nóg af hárgeli, göddum, leðri og gallajökkum. 

Besta vinkona Millie, dansarinn Maddie Ziegler, tók viðtalið við hana. Það er greinilegt að þær skemmti sér vel saman þar sem viðtalið er sett upp eins og venjulegt vinkonuspjall. Það er til gamans að geta að Maddie er einnig rísandi stjarna þrátt fyrir ungan aldur. Hún var í raunveruleikaþáttunum Dance Moms sem og hún hefur leikið í nokkrum tónlistarmyndböndum hjá söngkonunni Sia. 










Velkomin á Vísi. Þessi vefur notar vafrakökur. Sjá nánar.