Hvað er að gerast hjá Twitter? Sæunn Gísladóttir skrifar 30. júlí 2016 08:00 Á þriðjudaginn kynntu forsvarsmenn samfélagsmiðilsins Twitter uppgjör annars ársfjórðungs hjá félaginu sem sýndi að tekjuvöxtur var minni en á síðasta ári og að virkum mánaðarlegum notendum hefði einungis fjölgað um þrjú prósent á einu ári. Í kjölfarið lækkaði gengi hlutabréfa í félaginu um fjórtán prósent. Fregnir af erfiðleikum hjá Twitter eru ekki nýjar. Ber þar hæst að illa hefur gengið að fjölga notendum. Virkir mánaðarlegir notendur voru 313 milljónir í lok annars ársfjórðungs 2016 og hafði einungis fjölgað um 11 milljónir, eða 3,6 prósent. Til samanburðar voru notendur Facebook 1,7 milljarðar í lok annars ársfjórðungs og hafði fjölgað um rúmlega 400 milljónir, eða tæplega 19 prósent, á sama tímabili. Gengi hlutabréfa í Twitter hefur lækkað um tæplega sjötíu prósent frá því í apríl á síðasta ári og er markaðsvirði fyrirtækisins nú 11 milljarðar dollara, samanborið við 18 milljarða dollara þegar það fór á markað árið 2013. Lækkunin nemur 838 milljörðum íslenskra króna. Twitter var stofnað árið 2006 og fór ört vaxandi í upphafi. Árið 2007 var fjöldi tísta á hverjum ársfjórðungi 400 þúsund og voru þau orðin 100 milljónir á hverjum ársfjórðungi árið 2008. Tístin voru svo orðin 140 milljónir á dag í mars 2011. Fljótlega voru frægir einstaklingar komnir á Twitter og með tugi milljóna fylgjenda. Söngkonan Katy Perry er til dæmis með 91 milljón fylgjenda.Fyrirtækið óx svo gríðarlega með yfirtökum á fyrirtækjum á borð við Niche, Periscope og TellApart. Frá 2015 hafa greiningaraðilar hins vegar óttast að vöxtur hjá fyrirtækinu sé að dragast saman. Við síðustu afkomutilkynningu sagði Michael Pachter, greiningaraðili hjá Wedbush, að Twitter væri Yahoo samfélagsmiðla en tekjur Yahoo hafa farið minnkandi síðan á fjórða ársfjórðungi 2011. Tekjur Twitter fara ennþá vaxandi en þær hækkuðu um tuttugu prósent á milli ára og námu 602 milljónum dollara, jafnvirði 73 milljarða íslenskra króna, á öðrum ársfjórðungi. Þetta var hins vegar fyrir neðan spár greiningaraðila og minni tekjuvöxtur milli ára en árið áður. Ofan á þetta bætist að forsvarsmenn fyrirtækisins spá einungis 590 til 610 milljóna dollara tekjum á þriðja ársfjórðungi, samanborið við 682 milljóna dollara tekjuspá greiningaraðila. Stjórnendur Twitter virðast því ekki hafa náð að sannfæra fjárfesta um vaxtarmöguleika fyrirtækisins. Annað vandamál sem Twitter stendur frammi fyrir eru notendur sem hætta á miðlinum sökum nettrölla. Sér í lagi þekktir einstaklingar. Pachter sagði í minnisblaði á miðvikudaginn að líkt og Yahoo hafi Twitter staðnað. Stjórnendur séu ekki að einbeita sér að því að fjölga notendum. Hann telur að vöxtur hjá fyrirtækinu verði lítill þangað til náist að taka á notendavandanum. Hann segir þjónustuna of flókna fyrir meðalmann sem notar internetið. Annað sem spilar inn í tekjumódel Twitter er að Facebook og Google eiga stóran bita af auglýsingakökunni á netinu og þarf Twitter að keppa við Microsoft, Yahoo og fleiri risa um það sem eftir stendur. Jack Dorsey, framkvæmdastjóri Twitter, hefur lagt til að ýta undir notkun myndbanda á miðlinum og þann möguleika að hafa viðburði í beinni. Vandamálið er að Facebook og Google eru með sömu hugmyndina til að fjölga auglýsendum. Tíminn verður að leiða í ljós hvort Twitter muni ná sér á strik, en nú þegar eru aðrir samfélagsmiðlar, eins og Instagram, komnir fram úr Twitter í fjölda notenda. Þessi frétt birtist upphaflega í Fréttablaðinu. Tækni Mest lesið Matvöruverslun og íbúðir steinsnar frá Keflavíkurflugvelli Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Mun bjóða upp á sömu flugáætlun og Bláfugl áður Viðskipti innlent Þarf að greiða kortareikninginn og meira til í málskostnað Neytendur Dýrmætustu og sjaldgæfustu Mustang bílar landsins á afmælissýningu Mustang Samstarf Viljinn tekinn til gjaldþrotaskipta Viðskipti innlent Krónísk óstundvísi: Skýringar og góð ráð Atvinnulíf Tekjur Apple drógust saman enn eina ferðina Viðskipti erlent Röntgen Domus og Orkuhúsið fá ekki að sameinast Viðskipti innlent Stofnandi Binance dæmdur fyrir peningaþvætti Viðskipti erlent Fleiri fréttir Tekjur Apple drógust saman enn eina ferðina Stofnandi Binance dæmdur fyrir peningaþvætti Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Sjá meira
Á þriðjudaginn kynntu forsvarsmenn samfélagsmiðilsins Twitter uppgjör annars ársfjórðungs hjá félaginu sem sýndi að tekjuvöxtur var minni en á síðasta ári og að virkum mánaðarlegum notendum hefði einungis fjölgað um þrjú prósent á einu ári. Í kjölfarið lækkaði gengi hlutabréfa í félaginu um fjórtán prósent. Fregnir af erfiðleikum hjá Twitter eru ekki nýjar. Ber þar hæst að illa hefur gengið að fjölga notendum. Virkir mánaðarlegir notendur voru 313 milljónir í lok annars ársfjórðungs 2016 og hafði einungis fjölgað um 11 milljónir, eða 3,6 prósent. Til samanburðar voru notendur Facebook 1,7 milljarðar í lok annars ársfjórðungs og hafði fjölgað um rúmlega 400 milljónir, eða tæplega 19 prósent, á sama tímabili. Gengi hlutabréfa í Twitter hefur lækkað um tæplega sjötíu prósent frá því í apríl á síðasta ári og er markaðsvirði fyrirtækisins nú 11 milljarðar dollara, samanborið við 18 milljarða dollara þegar það fór á markað árið 2013. Lækkunin nemur 838 milljörðum íslenskra króna. Twitter var stofnað árið 2006 og fór ört vaxandi í upphafi. Árið 2007 var fjöldi tísta á hverjum ársfjórðungi 400 þúsund og voru þau orðin 100 milljónir á hverjum ársfjórðungi árið 2008. Tístin voru svo orðin 140 milljónir á dag í mars 2011. Fljótlega voru frægir einstaklingar komnir á Twitter og með tugi milljóna fylgjenda. Söngkonan Katy Perry er til dæmis með 91 milljón fylgjenda.Fyrirtækið óx svo gríðarlega með yfirtökum á fyrirtækjum á borð við Niche, Periscope og TellApart. Frá 2015 hafa greiningaraðilar hins vegar óttast að vöxtur hjá fyrirtækinu sé að dragast saman. Við síðustu afkomutilkynningu sagði Michael Pachter, greiningaraðili hjá Wedbush, að Twitter væri Yahoo samfélagsmiðla en tekjur Yahoo hafa farið minnkandi síðan á fjórða ársfjórðungi 2011. Tekjur Twitter fara ennþá vaxandi en þær hækkuðu um tuttugu prósent á milli ára og námu 602 milljónum dollara, jafnvirði 73 milljarða íslenskra króna, á öðrum ársfjórðungi. Þetta var hins vegar fyrir neðan spár greiningaraðila og minni tekjuvöxtur milli ára en árið áður. Ofan á þetta bætist að forsvarsmenn fyrirtækisins spá einungis 590 til 610 milljóna dollara tekjum á þriðja ársfjórðungi, samanborið við 682 milljóna dollara tekjuspá greiningaraðila. Stjórnendur Twitter virðast því ekki hafa náð að sannfæra fjárfesta um vaxtarmöguleika fyrirtækisins. Annað vandamál sem Twitter stendur frammi fyrir eru notendur sem hætta á miðlinum sökum nettrölla. Sér í lagi þekktir einstaklingar. Pachter sagði í minnisblaði á miðvikudaginn að líkt og Yahoo hafi Twitter staðnað. Stjórnendur séu ekki að einbeita sér að því að fjölga notendum. Hann telur að vöxtur hjá fyrirtækinu verði lítill þangað til náist að taka á notendavandanum. Hann segir þjónustuna of flókna fyrir meðalmann sem notar internetið. Annað sem spilar inn í tekjumódel Twitter er að Facebook og Google eiga stóran bita af auglýsingakökunni á netinu og þarf Twitter að keppa við Microsoft, Yahoo og fleiri risa um það sem eftir stendur. Jack Dorsey, framkvæmdastjóri Twitter, hefur lagt til að ýta undir notkun myndbanda á miðlinum og þann möguleika að hafa viðburði í beinni. Vandamálið er að Facebook og Google eru með sömu hugmyndina til að fjölga auglýsendum. Tíminn verður að leiða í ljós hvort Twitter muni ná sér á strik, en nú þegar eru aðrir samfélagsmiðlar, eins og Instagram, komnir fram úr Twitter í fjölda notenda. Þessi frétt birtist upphaflega í Fréttablaðinu.
Tækni Mest lesið Matvöruverslun og íbúðir steinsnar frá Keflavíkurflugvelli Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Mun bjóða upp á sömu flugáætlun og Bláfugl áður Viðskipti innlent Þarf að greiða kortareikninginn og meira til í málskostnað Neytendur Dýrmætustu og sjaldgæfustu Mustang bílar landsins á afmælissýningu Mustang Samstarf Viljinn tekinn til gjaldþrotaskipta Viðskipti innlent Krónísk óstundvísi: Skýringar og góð ráð Atvinnulíf Tekjur Apple drógust saman enn eina ferðina Viðskipti erlent Röntgen Domus og Orkuhúsið fá ekki að sameinast Viðskipti innlent Stofnandi Binance dæmdur fyrir peningaþvætti Viðskipti erlent Fleiri fréttir Tekjur Apple drógust saman enn eina ferðina Stofnandi Binance dæmdur fyrir peningaþvætti Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Sjá meira