Gigi Hadid á forsíðu bandaríska Vogue í fyrsta skiptið

Fyrirsætan Gigi Hadid prýðir forsíðu nýjasta tölublaðs Vogue ásamt frjálsíþróttamanninum Ashton Eaton. Myndirnar eru teknar af Mario Testino sem er einn af uppáhalds ljósmyndurum Anna Wintour, ritstjóra Vogue. Þetta er í fyrsta skiptið sem að Gigi prýðir forsíðu bandaríska Vogue en hún hefur áður verið framan á Vogue í París, Brasilíu, Spáni o.fl.

Hvert einasta sumar fyrir Ólympíuleikana gefur Vogue út tölublað sem er tileinkað þessari stærstu íþróttahátíð heims. Ashton er ein bjartasta von bandaríska liðsins þetta árið en hann hefur verið að sópa að sér gullpeninga á verðlaunapöllunum seinustu ár. 

Eins og flestir vita er Gigi Hadid ein þekktasta fyrirsæta heims í dag en hún hefur setið fyrir öll helstu tímarit og tískumerki heims. Þetta er því merkur áfangi fyrir hana að sitja loksins fyrir á einu mest lesna tískutímariti heims.