Juventus fær varnarmann frá Bayern

Marokkóski varnarmaðurinn Mehdi Benatia er genginn til liðs við Juventus frá Bayern München.

Um er að ræða eins árs lánssamning en þegar honum lýkur á Juventus möguleika á að kaupa Benatia fyrir rúmar 14 milljónir punda.

Bayern keypti Benatia frá Roma fyrir tveimur árum en hann lék 46 leiki fyrir þýska stórliðinu.

Benatia var ekki fastamaður í liði Bayern og ljóst var að tækifærum hans myndi ekki fjölga eftir komu Mats Hummels frá Borussia Dortmund.

Juventus hefur orðið ítalskur meistari undanfarin fimm ár.