Mikill fjöldi þegar greitt atkvæði utan kjörfundar

Mikill fjöldi fólks hefur þegar greitt atkvæði utan kjörfundar í forsetakosningunum en kjördagur er á morgun. Útlit er fyrir að í lok dags muni talsvert fleiri hafa kosið utan kjörfundar en í öllum síðustu kosningunum fyrir fjórum árum.

Samkvæmt upplýsingum frá sýslumanninum á höfuðborgarsvæðinu hafa um 26.900 manns þegar greitt atkvæði. Fyrir fjórum árum hafi hinsvegar 27 þúsund manns allt í allt kosið utan kjörfundar.

Líkt og sést á meðfylgjandi myndum hefur verið myndarleg röð í Perlunni, þar sem utankjörfundaratkvæðagreiðsla fer fram, í dag. Hún ku þó hafa gengið nokkuð hratt fyrir sig.