Planið hefur ekkert breyst þrátt fyrir tapið í Noregsleiknum Ingvi Þór Sæmundsson skrifar 6. júní 2016 06:00 Það var létt yfir Eiði Smára á æfingu landsliðsins. vísir/hanna Íslensku þjóðinni gefst tækifæri til að kveðja karlalandsliðið áður en það fer á EM þegar Ísland mætir Liechtenstein í vináttulandsleik á Laugardalsvelli í kvöld. Þetta er ekki einungis síðasti leikur íslenska liðsins fyrir EM heldur einnig kveðjuleikur Lars Lagerbäck sem lætur sem kunnugt er af störfum eftir EM í Frakklandi og Heimir Hallgrímsson tekur einn við liðinu. „Ég myndi halda að það væri erfiðara að hætta með lið sem gengur vel. Þetta var erfið ákvörðun, jafnvel þótt við hefðum skipulagt þetta svona,“ sagði Lagerbäck á blaðamannafundi á Laugardalsvelli í gær. „Það hefur verið dásamlegt að starfa með þessum hópi, leikmönnum og starfsliði. Þetta var ekki auðveld ákvörðun en ég er ekkert að yngjast eins og ég hef áður sagt. Ég held að þetta sé rétti tíminn til að stíga frá borði og veit að liðið verður í góðum höndum hjá Heimi,“ bætti Svíinn við.Lars stýrir strákunum í síðasta sinn á Laugardalsvellinum í kvöld.vísir/hannaÍslenska liðinu hefur ekki gengið vel í vináttulandsleikjum eftir að undankeppni EM lauk og síðast á miðvikudaginn tapaði Ísland 3-2 fyrir Noregi í Ósló. Heimir segir að úrslitin í þeim leik breyti engu um undirbúning íslenska liðsins fyrir EM sem hefst á föstudaginn. „Það hefur ekkert breyst í undirbúningnum þótt við höfum ekki spilað eins góðan leik gegn Noregi og við ætluðum að gera. Planið fyrir þennan leik hefur ekkert breyst eftir tapið í Noregi. Það sem við höfum sagt áður stendur,“ sagði Heimir á blaðamannafundinum í gær. Að hans sögn er mikilvægast að gefa þeim leikmönnum sem hafa spilað lítið upp á síðkastið spiltíma til að koma þeim í leikform fyrir stóra sviðið í Frakklandi. „Það eru ákveðnir leikmenn sem þurfa spiltíma og að komast í leikform. Það sást í leiknum gegn Noregi að leikmenn voru kannski ekki í sínu besta ástandi,“ sagði Heimir sem greindi einnig frá því að Kári Árnason myndi ekki spila með í kvöld vegna flensu. Aðrir eru klárir í bátana, þ. á m. Birkir Bjarnason sem æfði ekki með liðinu á föstudag og laugardag. Fyrirliðinn Aron Einar Gunnarsson er einn þeirra leikmanna sem lítið hafa spilað að undanförnu og virkaði frekar ryðgaður í Noregsleiknum. Hann segist þó allur vera að koma til.Landsliðsfyrirliðinn spilaði nær allan leikinn gegn Noregi.vísir/hanna„Það er mikilvægt að fá mínútur, m.a. fyrir mig. Það er langt síðan ég spilaði síðast leik en svo fékk ég 80 mínútur á Noregi og það gekk vel, þótt ég hafi ekki átt neitt sérstakan leik,“ sagði Aron sem hefur verið að glíma við meiðsli í ökkla. Hann er hissa á því að það sé ekki enn uppselt á leikinn en að sögn Ómars Smárasonar, fjölmiðlafulltrúa KSÍ, var búið að selja 7.500 miða í gær. Laugardalsvöllurinn tekur um 10.000 manns í sæti. „Ég er hissa á því. Lars er að kveðja og þetta gæti verið síðasti leikur Eiðs Smára á Laugardalsvellinum. Mér finnst það svolítið skrítið en allt í góðu. Fólk er kannski að spara fyrir Frakkland,“ sagði Aron. Þrátt fyrir að ekki sé uppselt á leikinn í kvöld sagði Heimir að íslenska liðið væri þakklátt fyrir þann stuðning sem það hefur fengið. „Við erum ákaflega þakklátir fyrir allan þennan stuðning sem við höfum fengið. Þetta er kannski ekki mest sexí leikur sem við höfum spilað hérna. Við erum ekki vonsviknir með stuðninginn sem við höfum fengið, langt frá því,“ sagði Eyjamaðurinn og Eiður Smári bætti því við að einhvern tímann hefði það talist gott að fá 7.500 manns á völlinn. Eiður Smári er elsti og reyndasti leikmaðurinn í íslenska hópnum og hefur spilað fjölda leikja á Laugardalsvellinum. Hann segir það alltaf sérstaka upplifun. „Þótt þetta sé ekki fallegasti eða stærsti völlur sem maður hefur spilað á, þá er eitthvað sérstakt við hann; sagan sem fylgir honum og sagan sem ég hef átt hér,“ sagði Eiður um Laugardalsvöllinn sem hann hefur spilað svo marga landsleiki á. Hann segir að það sé einstakt að vera á leið á EM, 20 árum eftir að hann spilaði sinn fyrsta landsleik. „Eftir því sem þú eldist áttar þú þig á að það hefur aðra og meiri merkingu að spila fyrir landsliðið þitt en en eitthvert annað lið. Þetta hefur verið löng leið, sannkölluð rússíbanareið. Það hafa verið hæðir og lægðir í þessu en það er frábært að vera á leið á EM undir lok landsliðsferilsins,“ sagði Eiður Smári sem segist ekki vera búinn að taka ákvörðun um hvort hann leggi landsliðsskóna á hilluna eftir EM. EM 2016 í Frakklandi Mest lesið Þóra grætur í koddann ef Þorsteinn verður áfram með liðið Fótbolti Segir dóttur sína hafa gert mistök með því að velja íslenska landsliðið Fótbolti Mátti ekki kaupa íbúð Babe Ruth Sport „Þetta snýst ekki bara um Sveindísi og Karólínu“ Fótbolti Dagskráin í dag: Golf og aftur golf Sport Hneig niður tvisvar á risamóti í golfi Golf Viðurkenndi sök og má ekki keppa í CrossFit í fjögur ár Sport Jordan Henderson snýr aftur í ensku úrvalsdeildina Enski boltinn Danska þjóðin í áfalli: „Verra en okkar versta martröð“ Sport Wenger á allt annarri skoðun en Klopp Fótbolti Fleiri fréttir Fyrst Íslendinga til að skora og leggja upp í sama leik á EM EM í dag: Nóg komið af leiðindum, kveðjustund og Copacabana „Þetta snýst ekki bara um Sveindísi og Karólínu“ Sjáðu þáttinn um N1 mótið: Sprungnar vindsængur, lukkuljón og Ronaldo hárgreiðsla Ísak Snær lánaður til Lyngby Jordan Henderson snýr aftur í ensku úrvalsdeildina Arsenal og Liverpool að slá heimsmetið Þóra grætur í koddann ef Þorsteinn verður áfram með liðið Segir dóttur sína hafa gert mistök með því að velja íslenska landsliðið Wenger á allt annarri skoðun en Klopp United leitar að yfirmanni leikmannakaupa Skýrsla Arons: Stórum spurningum þarf að svara „Þegar við spilum svona þá uppskerum við yfirleitt“ Sveindís: Maður vinnur ekki leiki nema að skora mörk „Það var köld tuska í andlitið“ Dagný: Veit ekkert hvað ég er að fara að gera Uppgjörið: Valur - Flora 3-0 | Valsmenn í góðri stöðu Vill halda áfram: „Tel mig hafa getuna í það“ Einkunnir Íslands: Sveindís langbest Dramatískt jafntefli sendir heimakonur í átta liða úrslit Ítalskur deildarleikur í Ástralíu í febrúar? „Við erum að gera eitthvað rétt“ Þrjár breytingar: Katla fær stórt tækifæri í lokaleik Íslands á EM Uppgjörið: Malisheva - Víkingur 0-1 | Fagleg frammistaða hjá Víkingum Uppgjör: Ísland - Noregur 3-4 | Daufur endir á slöppu ævintýri Myndaveisla: Íslensk yfirtaka í Thun og vonast eftir fyrsta sigrinum Á góðum stað fyrir mikil átök Fjórir eru tveimur leikjum frá því að vinna sjö titla á einu ári Man. Utd vill fá úrslitaleikinn á HM kvenna í fótbolta Valdi Ísland fram yfir Noreg: „Ég er meiri Íslendingur“ Sjá meira
Íslensku þjóðinni gefst tækifæri til að kveðja karlalandsliðið áður en það fer á EM þegar Ísland mætir Liechtenstein í vináttulandsleik á Laugardalsvelli í kvöld. Þetta er ekki einungis síðasti leikur íslenska liðsins fyrir EM heldur einnig kveðjuleikur Lars Lagerbäck sem lætur sem kunnugt er af störfum eftir EM í Frakklandi og Heimir Hallgrímsson tekur einn við liðinu. „Ég myndi halda að það væri erfiðara að hætta með lið sem gengur vel. Þetta var erfið ákvörðun, jafnvel þótt við hefðum skipulagt þetta svona,“ sagði Lagerbäck á blaðamannafundi á Laugardalsvelli í gær. „Það hefur verið dásamlegt að starfa með þessum hópi, leikmönnum og starfsliði. Þetta var ekki auðveld ákvörðun en ég er ekkert að yngjast eins og ég hef áður sagt. Ég held að þetta sé rétti tíminn til að stíga frá borði og veit að liðið verður í góðum höndum hjá Heimi,“ bætti Svíinn við.Lars stýrir strákunum í síðasta sinn á Laugardalsvellinum í kvöld.vísir/hannaÍslenska liðinu hefur ekki gengið vel í vináttulandsleikjum eftir að undankeppni EM lauk og síðast á miðvikudaginn tapaði Ísland 3-2 fyrir Noregi í Ósló. Heimir segir að úrslitin í þeim leik breyti engu um undirbúning íslenska liðsins fyrir EM sem hefst á föstudaginn. „Það hefur ekkert breyst í undirbúningnum þótt við höfum ekki spilað eins góðan leik gegn Noregi og við ætluðum að gera. Planið fyrir þennan leik hefur ekkert breyst eftir tapið í Noregi. Það sem við höfum sagt áður stendur,“ sagði Heimir á blaðamannafundinum í gær. Að hans sögn er mikilvægast að gefa þeim leikmönnum sem hafa spilað lítið upp á síðkastið spiltíma til að koma þeim í leikform fyrir stóra sviðið í Frakklandi. „Það eru ákveðnir leikmenn sem þurfa spiltíma og að komast í leikform. Það sást í leiknum gegn Noregi að leikmenn voru kannski ekki í sínu besta ástandi,“ sagði Heimir sem greindi einnig frá því að Kári Árnason myndi ekki spila með í kvöld vegna flensu. Aðrir eru klárir í bátana, þ. á m. Birkir Bjarnason sem æfði ekki með liðinu á föstudag og laugardag. Fyrirliðinn Aron Einar Gunnarsson er einn þeirra leikmanna sem lítið hafa spilað að undanförnu og virkaði frekar ryðgaður í Noregsleiknum. Hann segist þó allur vera að koma til.Landsliðsfyrirliðinn spilaði nær allan leikinn gegn Noregi.vísir/hanna„Það er mikilvægt að fá mínútur, m.a. fyrir mig. Það er langt síðan ég spilaði síðast leik en svo fékk ég 80 mínútur á Noregi og það gekk vel, þótt ég hafi ekki átt neitt sérstakan leik,“ sagði Aron sem hefur verið að glíma við meiðsli í ökkla. Hann er hissa á því að það sé ekki enn uppselt á leikinn en að sögn Ómars Smárasonar, fjölmiðlafulltrúa KSÍ, var búið að selja 7.500 miða í gær. Laugardalsvöllurinn tekur um 10.000 manns í sæti. „Ég er hissa á því. Lars er að kveðja og þetta gæti verið síðasti leikur Eiðs Smára á Laugardalsvellinum. Mér finnst það svolítið skrítið en allt í góðu. Fólk er kannski að spara fyrir Frakkland,“ sagði Aron. Þrátt fyrir að ekki sé uppselt á leikinn í kvöld sagði Heimir að íslenska liðið væri þakklátt fyrir þann stuðning sem það hefur fengið. „Við erum ákaflega þakklátir fyrir allan þennan stuðning sem við höfum fengið. Þetta er kannski ekki mest sexí leikur sem við höfum spilað hérna. Við erum ekki vonsviknir með stuðninginn sem við höfum fengið, langt frá því,“ sagði Eyjamaðurinn og Eiður Smári bætti því við að einhvern tímann hefði það talist gott að fá 7.500 manns á völlinn. Eiður Smári er elsti og reyndasti leikmaðurinn í íslenska hópnum og hefur spilað fjölda leikja á Laugardalsvellinum. Hann segir það alltaf sérstaka upplifun. „Þótt þetta sé ekki fallegasti eða stærsti völlur sem maður hefur spilað á, þá er eitthvað sérstakt við hann; sagan sem fylgir honum og sagan sem ég hef átt hér,“ sagði Eiður um Laugardalsvöllinn sem hann hefur spilað svo marga landsleiki á. Hann segir að það sé einstakt að vera á leið á EM, 20 árum eftir að hann spilaði sinn fyrsta landsleik. „Eftir því sem þú eldist áttar þú þig á að það hefur aðra og meiri merkingu að spila fyrir landsliðið þitt en en eitthvert annað lið. Þetta hefur verið löng leið, sannkölluð rússíbanareið. Það hafa verið hæðir og lægðir í þessu en það er frábært að vera á leið á EM undir lok landsliðsferilsins,“ sagði Eiður Smári sem segist ekki vera búinn að taka ákvörðun um hvort hann leggi landsliðsskóna á hilluna eftir EM.
EM 2016 í Frakklandi Mest lesið Þóra grætur í koddann ef Þorsteinn verður áfram með liðið Fótbolti Segir dóttur sína hafa gert mistök með því að velja íslenska landsliðið Fótbolti Mátti ekki kaupa íbúð Babe Ruth Sport „Þetta snýst ekki bara um Sveindísi og Karólínu“ Fótbolti Dagskráin í dag: Golf og aftur golf Sport Hneig niður tvisvar á risamóti í golfi Golf Viðurkenndi sök og má ekki keppa í CrossFit í fjögur ár Sport Jordan Henderson snýr aftur í ensku úrvalsdeildina Enski boltinn Danska þjóðin í áfalli: „Verra en okkar versta martröð“ Sport Wenger á allt annarri skoðun en Klopp Fótbolti Fleiri fréttir Fyrst Íslendinga til að skora og leggja upp í sama leik á EM EM í dag: Nóg komið af leiðindum, kveðjustund og Copacabana „Þetta snýst ekki bara um Sveindísi og Karólínu“ Sjáðu þáttinn um N1 mótið: Sprungnar vindsængur, lukkuljón og Ronaldo hárgreiðsla Ísak Snær lánaður til Lyngby Jordan Henderson snýr aftur í ensku úrvalsdeildina Arsenal og Liverpool að slá heimsmetið Þóra grætur í koddann ef Þorsteinn verður áfram með liðið Segir dóttur sína hafa gert mistök með því að velja íslenska landsliðið Wenger á allt annarri skoðun en Klopp United leitar að yfirmanni leikmannakaupa Skýrsla Arons: Stórum spurningum þarf að svara „Þegar við spilum svona þá uppskerum við yfirleitt“ Sveindís: Maður vinnur ekki leiki nema að skora mörk „Það var köld tuska í andlitið“ Dagný: Veit ekkert hvað ég er að fara að gera Uppgjörið: Valur - Flora 3-0 | Valsmenn í góðri stöðu Vill halda áfram: „Tel mig hafa getuna í það“ Einkunnir Íslands: Sveindís langbest Dramatískt jafntefli sendir heimakonur í átta liða úrslit Ítalskur deildarleikur í Ástralíu í febrúar? „Við erum að gera eitthvað rétt“ Þrjár breytingar: Katla fær stórt tækifæri í lokaleik Íslands á EM Uppgjörið: Malisheva - Víkingur 0-1 | Fagleg frammistaða hjá Víkingum Uppgjör: Ísland - Noregur 3-4 | Daufur endir á slöppu ævintýri Myndaveisla: Íslensk yfirtaka í Thun og vonast eftir fyrsta sigrinum Á góðum stað fyrir mikil átök Fjórir eru tveimur leikjum frá því að vinna sjö titla á einu ári Man. Utd vill fá úrslitaleikinn á HM kvenna í fótbolta Valdi Ísland fram yfir Noreg: „Ég er meiri Íslendingur“ Sjá meira