Evra áfram hjá Juventus til 2018

Patrice Evra hefur staðfest að hann muni skrifa undir nýjan tveggja ára samning við Juventus.

Evra kom til Juventus frá Manchester United sumarið 2014 og hefur átt stóran þátt í góðu gengi ítalska stórliðsins.

Á fyrra tímabili Evra hjá Juventus vann liðið tvöfalt heima fyrir og komst í úrslitaleik Meistaradeildar Evrópu. Í ár varð Juventus svo aftur tvöfaldur meistari á Ítalíu.

Evra, sem er 35 ára, er í franska landsliðshópnum sem tekur þátt á EM á heimavelli í sumar.